又到聖誕, 又到聖誕

好開心丫. 終於12月啦. 又到聖誕月.. 今個月25同26號係公眾假期, 27同28號係星期六同日, 所以會一連放4日假.. 仲有丫.. 我同丙丙都會一齊放29-31.. wow.. 超開心丫.. 咁即係一連放8日假啦.. 我出來做野都宜家第一次放咁長假渣

本來我地都想去旅行, 但想下想下, 今年己經去日本洗咗好多錢啦. 仲有係宜家市唔好, 萬一有乜東瓜豆腐就死啦.. 我地仲要1月頭交稅同保險, 呢到又洗好多錢, 所以咗思右想之後都係最終決定唔去旅行

無法啦.. 但我地都plan 咗放假個日會去澳門, 但唔會係公眾假期個日去囉, 會係29-30號.. 咁31號會响香港倒數.. 回想起上年响上海過31號, 真係好開心丫

仲有仲有, 我地都plan 咗會去香港個disneyland, 不過都唔平.. 要$350/pax, 但係原來呢個price已經係全球最平了, 咁當然啦, 因為香港果個都係全球最細丫嘛

過咗12月之後, 好快又會係新年了, 今年都新年特別早, 一月尾就係了, 咁好多, 到時d野又會平d, 但係2月同3月就無假了, 要去到4月先有..

到時唔知會係點呢.. 我地的計劃又實唔實行到呢??

Crabtree & Evelyn hand lotion gift

今年 Crabtree & Evelyn 真係大手, 送25ml hand cream, 我收到2張coupon, 排咗好耐先拎到2支hand cream, 本來都有想過買唔買野, 但之前sogo 減價已經買咗好多用品, 今次咗睇又睇, 都無買到野, 嘿嘿!! 幾好定力

是次減價又30% off - 50% off, 都有好多人大手買野, cash coupon 都有30% off

我成日响到想, 點解無人咁做, 你用7折買咗張coupon 之後, 跟住再用discount 買野, 用coupon 比錢, 咁咪折上折囉, 點解無人咁做呢, 又或者唔可以咁做, 但無理由丫. 果d 係cash coupon, 應該係幾時用都得架, 又或者佢地唔識咁做呢??

講番先, 雖然要排咁耐丫, 有好多人都見要排就走咗, 但係我見3支hand cream 都要$135, 咁佢送2支比我, 我又save到錢啦..HAHA!!

Disneyland 門口一遊 - Part II

跟住我地就去咗酒店隔離的公園, 入面有個碼頭, 但係無船的, 有的只係出租遊艇泊岸

你地睇下, 晚間的迪迪呢酒店開咗燈之後幾靚

跟住我地落咗尖沙咀東鳳城到食飯, 一心食佢地隻雞, wow..原來做緊海嘯貴, 由原來的係二百幾元減到$88, 真係好平丫. 唔食點都對唔住自己啦

跟住我地叫鳳城一品煲 ($138), 有蝦, 花菇,海參, 鮑片, 帶子同花膠, 仲有係白菜

呢個價錢又有咁多野食, 味道仲要好好味, very good

我地點菜果時, 店員話半隻要$50,但一隻就$88, 本來我地係叫半隻的, 但後來丙丙話驚佢張貨就價, 會好細隻, 又驚唔夠食, 所以我地最終都係叫咗一隻

點知, 來到見到隻雞真係好大隻丫, 貨真價實, 童叟無欺, 邊個話不野無好丫, 但係.. 真係太大隻啦, 食到我地... ... 所以d新聞成日叫人唔好因為平宜亂買野, 係真的, 我地食食下就好飽飽了, 丙丙即刻想起讀書時學過的diminishing marginal return, 食第一件個時係好想食, 但食食下就無曬食野的意欲了, 所以話... 便宜莫貪

食得太飽了, 我地跟住去尖東影下燈色, 宜家先11月, 咁快就有聖誕燈啦, 唔係係唔係人大咗的關係, 總係覺得細個時d燈色係靚過宜家個d, 唔知係唔係小朋友睇野的眼光唔同呢

Disneyland 門口一遊 - Part I

唔係扭傷咗隻腳, 我地就有得好迪迪尼的黑色世界啦.. 不過好彩係我地之前無買都門票, 唔係就慘啦

為彌補我失落的心情, 而且天氣都幾好, 我同丙丙就決定去迪迪尼間酒店都行下, 拎番部好耐都未點過都相機

迪迪尼的列車同日本迪迪尼列車內外都一樣架, 唯一唔係的係香港得一個站 -- 迪迪尼樂園, 而日本就有好多個站, 途經多個迪迪尼酒店, 但香港要去迪迪尼酒店就要再轉 shuttle bus 了

不經一會兒, 到咗迪士呢站了

呢個mickey mouse 似唔似番版呢

跟住我地就座shuttle bus 去 Disneyland Hotel

入面好grand, 仲已經有聖誕的裝飾啦, 好靚!!

仲有係迪迪尼 gift shop

mickey and minnie 幾 SWEET, 有一對新人都响到拍影呢

佢入面吊燈好得意架, 睇真d, 有玻璃鞋

牆上的壁畫係唔係好靚呢

酒店的花園有個迷宮, 好多家長陪小朋友入去一齊玩

板長鰻魚蟲蟲壽司

最近好多得人驚的新聞, 之前有圾垃 KFC 雞, 宜家APM板長鰻魚壽司又有蟲, 出後食野都係要小心D.. 唔通真係平野無好, 好野無平

以後都唔去板長食壽司~~~~

Ichikawa

之前响又一城已經食過佢的 lunch set, 都幾好味, 但我知佢夜晚都幾貴, 我之前食 lunch 都係同媽媽食, 未有幸用丙丙品嚐呢間餐廳, 今日經過太古城, 見到佢有sepcial lunch set, 仲有係citibank credit card 做緊個半價promotion 的2人dinner set, 原價要$776, 宜家只$388, 真係好平丫, 要是一於用丙丙去食下好野先

第一道菜係福崗蕃茄柚子律, ok... 無驚喜

第二道菜係鮭刺身、火炙什錦壽司, 有4片三文魚, 唔係貴價貴色, 2件帶子同2件鰻魚

帶子唔係好鮮甜, 鰻魚個汁幾好, 但鰻魚本身就無乜特別了

第三道菜係銀鱈魚西京燒, 上枱時d魚已經散開, 仲有係等咗好耐, 但係只係小小暖, 味道比我食 lunch set 時要差好多呢

第四道菜係海鮮芝士春卷, 內有蟹肉但太油了.. no good 

第五道菜本來係紐西蘭子羊架香草燒, 但係我同丙丙都唔食羊的, 所以就轉咗做燒三文魚, 三文魚上桌時係熱的, 味道都唔錯, 但係太多黑椒了

第六道菜係崧子煙肉炒飯, 好香的煙肉, so far so good la

第七道菜係北海道大蜆清湯, 有一隻好大的蜆, 但d湯無乜蜆肉味

最係上的就係雪糕甜品, Movenpick Dark Chocolate.. Movenpick 一向都係我至愛, dark chocolate 仲要唔甜tim.. very good

跟住我地加咗$15要咗個日本蕃薯雪糕, d 顏色有點似芋頭雪糕, 但味道丙丙話就有蕃薯味

呢一餐對我來講不太滿意, 雖然話就話係半價, 但係我覺得有點張貨就價囉, d野食比起lunch set 要差得多, lunch set 大約係百零二百元到, 但食物方面就好食幾陪以上, 以後來呢到食都係食lunch 好了, dinner.. no way

地址: 太古城中心二樓262號舖

Tel: 2967-9678

I－thai

最近有不小百貨公司大減價, 首先就係sogo, 之後就有一田百貨

今日係一田百貨半年一度大減價, 我同丙丙都想去睇下有無平野買, 所以就相約咗放工之後去沙田

平日番工後約佢真係好困難, 因為我多數都可以準時收工, 而佢大多數都唔知幾點走得, 所以往往我都等了又等.. 今天我都已經唔係準時收工了, 而佢話會盡力準時收工, 果然不出我料, 又係遲到, 無法啦, 咁我唯有响沙田搵定位

老實講, 我開始越來越唔鐘意响沙田食野, 無論好唔好食, 價錢都唔平, 尤其是新城市廣場裝修咗之後, 價錢比以前仲要貴

想來想去, 終於我決定去 i-thai 食, 本來想去simple thai 但一定又要食幾百完落樓, 算吧, 係時候要節儉d, 經濟唔好丫嘛

首先來個泰式炭燒沙嗲 ($48), 我要咗3串雞同3串豬,豬燒得比較乾, 雞比較好味

跟住係蒜茸越南牛油雞翼 ($48), 完全食唔到蒜茸同牛油味, 不過炸得幾香口, 仲有係大量洋蔥, total 有6雞翼, 呎個價錢份量都算多

最後我地點咗泰式香葉肉碎炒飯 ($48), 呢個無乜特別, 初初都係今為未食個呢樣所以叫來試下, 但係好小好小肉碎同無乜香葉味

不過, 講真, 呢個價錢都算係平,平時我响公司附近的茶餐廳食個 lunch 都要 $40-$50啦, 仲想點喎, 雖然佢同個名係有d 出入, 但係都唔算得好差.

之後我地去咗一田, 但係發覺人太多, 我地好快就走咗, 乜都無買到. 算吧! 响Sogo 已經買咗好多野了, 今次唔買啦

鼎泰豐

記得多年前, 位於黃埔蔡瀾美食坊開左香港首間鼎泰豐, 但係惡評如潮, 令我卻步

聽好多人講去到台灣, 一定要去鼎泰豐一嚐佢地的小籠包.. 可惜至今我都未去過台灣, 所以都係未食過佢地驚為天人的小籠包

不久之前, 台灣的原班人馬再過江來香港開分店, 每每到咗晚飯時候, 都超多人等候入座, 係唔係真係咁好食呢, 今日我就大約6點左右去到... oh no, 已經要等位了, 好彩唔係要等我多張枱, 而且時間尚早, 等就等吧!!

大幾過咗半個鐘, 終於有位了, 唔算等得好耐, 因為我地早去到.. 如果唔係, 要等上一句鐘呢

我地點咗冰鎮白玉茄($28), 凍凍地, 無乜味, 因為出面未見過有得食, 所以點下睇下好唔好味.. 點知.. 好清啖

原盅牛湯麵 ($58), 呢個湯好清, 味道都OK

紅燒牛肉麵 ($58), 呢味會湯濃d, 同d 牛肉唔係切片, 係一大件, 我個人鐘意呢個多d, 但老實說, 我覺得廣東道的台灣牛肉麵不比他差呢, 而且價錢還便宜點兒

最後來到小籠包 ($48), 聽講話每一小籠包均有18摺, 而且餡料規定重16克, 個人覺得佢唔算太多汁, 比起金滿庭, 我覺得金滿庭好食一點兒, 唔知係唔係先入為主呢

呢到d服務都幾好, 店員一叫即到. 呢點值得加分, 但有d店員唔識講廣東話, 對我來講無乜問題, 咪當係練習一下普通話囉

 

地址: 尖沙咀廣東道新港中心三樓130舖

電話: 2730-6928