東京5日4夜之旅 -- 後記

呢個行程的package 响永安旅遊到買的5日4夜, 座西北航空.

由於我地係星期六出發, 所以要加 200. Tota $6299/person (未計燃油附加費)

座西北航空 - 優點

最主要係佢早機去, 夜機返. (因為我地當天黑雨, 所以遲咗起機), 正常情況之下, 下午3時應該到達酒店

座西北航空 - 缺點

1. 係無得一早online checking, 唔知係唔係經永安買的關係, 去程時因為我地早到機場, 所以無出現無得一齊座的情況. 但回程時我地就本來無得一齊座的, 後來空姐話無雙連位, 我隔離位係無人位的, 但呢個位要加USD50. 實在太貴啦, 如果佢話USD20, 我會用咗我去程時因為漏水而compensate 我個2張coupon. 我地再問佢有無其他辦法, 佢先話睇下有無人會轉位, 但未知的, 要登機個時先知.. 好彩我地最後都有得一齊座, 但班機真係好full, 所以無得一齊座都唔出奇

2. 要有漏水的心理準備

KEIO HOTEL - 優點

1. 近多個地下鐵, 去邊都咁方便

2. 酒店房間大, 2個行李放响房都卓卓有餘

3. 早餐有4個餐廳choice, 唔洗日日食同一樣野

4. 申請咗酒店的vip, 可以delay check out (VIP可以响Keio Hotel 到免費申請)

最後, 我發現如果經香港旅行社book keio hotel, extend 一晚要$1000多d. 但係如果經日本個樂天旅遊到book 酒店, 一晚都係$500幾一晚. 計起來機票經香港旅行社, 酒店thru 樂天旅遊, 我地呢個行程可以慳番$2000, 用呢d 錢買野同食野, 都不知幾好呢

東京5日4夜之旅 - Day 5 (Lunch @ 三國一)

寫到呢到, 日本5日4夜之旅差唔多結束了, 時間真係過得好快, 好唔想番香港, 如果可以玩多幾日, 去多d 地方, 食多d 野就好了

 

不過呢幾日真係食咗好多野. 我估比起平日的幾陪

 

最後日我地都無乜地方去, 只係於新宿行下,因為男朋友話想買西裝,所以我地作最後衝刺. 由於我地6點幾起飛, 所以book 咗1:50 的機場巴士由酒店直接去機場,其實可以座2:30的, 但係我地想去到機場買下手信,因為機場係免稅的

 

午飯我地去咗位於酒店過2條街的三國一

 

 

我地點咗腐皮烏冬同豚肉烏冬, 湯底好清, 好好味, 烏冬彈牙有口感

 

我一向到好鐘意食烏冬, 特別係新鮮手打烏冬, 點解香港只有拉麵專門點而無烏冬專門點呢. HAHA.. 我地仲响東京買咗烏冬番來香港, 唔知味道如何呢

 

 

 

 

 

東京5日4夜之旅 - Day 4 (Dinner @ かに道樂-Part II)

第三道菜係螃蟹蒸蛋, 除咗有一大塊蟹肉外, 蒸蛋上面還蓋上一層濃湯

第4道菜係燒蟹, 小心燒燶喎, 店員叫我地蟹肉放下, 但我覺得蟹殼向下, 咁d 肉汁唔會流失

第5道菜係火煱, 個人覺得d 蟹肉無乜味, 反而d 湯好鮮

第6道菜係天麩羅, 佢個面衣比早上食的較薄, 我鐘意呢一種麵衣多d

 

第7道菜係壽司, 到呢個時後我已吃不下任何東西了, 不知味道是如何呢

 

第8道菜同第9道菜分別為蟹肉麵豉湯同雪米滋

 

 

 

總括而言, 呢一餐真係好好味, 除咗第一餐响北澤食壽司之外, 呢餐係响日本令我最難忘的

 

門外仲有d 紀念品, 真係識做生意呢

東京5日4夜之旅 - Day 4 (Dinner @ かに道樂-Part I)

下午食完飯之後我們便回新宿行下, 到晚飯時間 19:00, 我們便到かに道樂食晚飯案

かに道樂的特色係建築物的外觀都有一隻超大又要動的螃蟹, 店入面非常日式風味

我地點咗一個for 1 人的餐(共9 道菜), 仲有係蟹飯 & 蟹糕壽司

 

我地oder 的時後問店員呢個餐係for1 人定係2人, 佢話係1人. 我地自附近d食客每人都叫咗2個餐. 但係一個餐都有9道菜, 甚一個人食得曬, 所以最終我地決定叫一個餐再加2個小食

 

 

首先來個熱綠茶

 

呢支木棍係用來挑蟹肉

 

佢有2種不同味道的醋, 左手邊的味濃d, 右手邊果個d 醋味淡d, 個人喜歡右手邊呢個

 

大家估唔估到呢個係乜東東呢, 係用來裝住d 蟹殼

 

未幾, 第一同第二道菜上啦, 係一隻完整的蟹丫, 仲有好多蟹糕tim, 佢將d 蟹腳開邊, 適合我呢d懶人. 味道唔洗我多講, 好鮮甜, 好好味

 

呢個係蟹腳刺身, 比起熟蟹, 熟蟹好味好多

 

跟住上場就係我地散叫的蟹飯同蟹糕壽司. 先講蟹飯, 佢係用咗西餐的煮法, 下面係飯, 上面係蟹肉加芝士, 再放咗焗爐到焗. 佢好食過香港d 焗飯多多聲

 

 

蟹糕壽司-- 平時我到板前係必點之一, 睇落去好似好普通咁, 但其實佢有內涵, 入口一啖, 好甘, 好香的蟹糕丫, 同香港的真係無得比, 佢差唔多4分3 係蟹糕 4分1 係飯, 不得不大叫好好味丫. 唯一美中不足係d 紫菜唔夠脆

東京5日4夜之旅 - Day 4 (Lunch @葵丸進）

在淺草逛得累了, 當然係找間餐廳坐下來休息一下, 雖然時間仲早, 但是都係早點兒住膳, 免得要排隊

淺草有幾間天麩羅老店, 為三定, 中清, 大黑屋同葵丸進

葵丸進 是昭和21年(1946年)創業的天麩羅店, 店初他們於築地魚市場經營魚檔的商店, 故此能保每天都選用最新鮮, 品質最好的魚, 蝦等食材. 如蝦係選用鹿兒島的, 鱔魚係取用木更津, 星鰻則選用長崎的, 為了炸出鬆脆的面衣, 他們用了胡麻油君上秘傳的天麩羅汁, 讓客人品嘗到江戶前的天麩羅

店舖好大, 分別有上層同下層, 我們被安排上層, 座下之後, 店員立即送上熱毛巾同menu

我地分別點咗

1. 特上天丼 -- 內有才卷海老二尾, 穴子, 旬魚, 青味, 小新香 YEN 2,680

2. 大海老天丼 -- 內有大海老二尾, 青味, 小新香 YEN1,880

 

由於只係午餐而且食早餐太飽了, 所以沒點太多食品. 

食物方面, d 飯好香好好味, 食材都好新鮮, 好香麻油味. 但美中不足的係d 天麩羅同飯放咗一起, 飯的熱氣令天麩羅變得淋身. 仲有係麵衣太厚了

雖然係好吃, 但未去到傳聞中都驚豔的地步, 相比之下, 我覺得香港的稻菊還要好吃呢

 

食飽之後, 我地便回新宿了, 我地回去時的車站同去時果個入口唔同, 呢個有壁畫同展覽品

東京5日4夜之旅 - Day 4 (雷門篇)

Day 4 本應係去橫濱, 但經過一論商議後, 決定上午去淺草, 下午响新宿shopping

 

日本的氣像廳果然好犀利, 昨日天氣仲好差, 但今日呢.. 就超好了

 

由Keio hotel 出發, 乘都營大江户線到藏前轉淺草淺再前往Tokyo Metro淺草的雷門出口

雷門係淺草的標誌, 到過日本的朋友一定要去過雷門.雷間乃淺草寺的大前門, 經過仲見世通り,便會到達淺草寺,仲見世通り的兩旁有很多的商店, 但同一樣的東西價錢都會有分別, 所以最好係睇曬之後回程時先買, 一來唔洗拎住好淺草寺, 二來睇清楚邊間平先買

呢一間係專買人形燒餅的, 所有人形燒餅都是師傅即場制作的, 係好出名的一間, 由於新鮮制作, 所以保存期得幾天, 所以建議差不多最後個天先到雷門買手信回港, 會不然回港時已經過期了

呢間係大福餅. 喜久屋, 專賣糰子的, YEN110 有一串, 一串有3個, 在旅遊書的介紹下, 我地都去試食, 好唔好食, 因人而已, 對我來說, 我就覺得太甜了

由仲見世通り一直走, 便會去到淺草寺, 此乃日本最早一批寺院, 入寺前, 必先到手洗處盛手洗手, 以示禮貌

 

由仲見世通り一直走, 便會去到淺草寺, 此乃日本最早一批寺院, 入寺前, 必先到手洗處盛手洗手, 以示禮貌