大坑有得多小店, 我也很喜歡, 但對我來說有點不方便.
今次試咗Piccolo, 喜歡這些小店, 因為往往帶來驚喜
小食點了雞翼, 價錢不太記得, 但好像有點貴 (可能是我這C9太久沒出外用餐才驚覺貴). 香味十足, 但不夠辣.
聽聞此店的Agloi Olio 很好吃, 但食力有限, 下次再品嚐
店子很細, 枱也不多, 因為所有食物點餐後才製造, 所以等候時間有點長.
如果見大排長龍的話, 可以下次才光顧.
英式早餐, 平時好小入廚的丙丙, 今日左忙又忙, 雖然唔係話十分好食, 但係愛心就有200分啦
本想打算食中餐, 但係丙丙話我鐘意食西餐, 所以最終去咗AMIGO.
先來牛油麵飽, 玫瑰花形狀的牛油, 好美, 而且好滑
先來appetizer, 我喜愛我煎鵝肝, 待應响面前加熱個汁再淋上鵝肝到.
外脆內嫩, 底部有幾件白蘿蔔, 有助去除鵝肝的油膩
丙丙愛喝的洋蔥湯, 無試唔知係乜味 
我的周打魚湯, very good, 蜆肉新鮮, 湯又鮮甜美味, 待應在面前加熱, 蠻細心~
湯之後就係免貴的西柚雪芭, 酸酸地, 用來醒胃
我點的香煎鱸魚帶子, 外脆內嫩, 還有魚的肉汁, VERY GOOD~
老公大人的牛扒, 肉汁又是桌前加熱, 我覺得黑椒味大濃, 蓋過牛扒的肉味, 除非是有很大的雪藏味, 否則就有點可惜. 
丙丙話佢太飽了, 所以無點甜品, 而我就點了cream brulee, 味道無乜特別.
餐廳服務好細心, 又有live band, 可以點歌, 我就點了當日same day slide show的 “I’m Yours”
還有就是每位女士都送上玫瑰花一支, 真的是有點驚喜
丙丙响Royal Garden 到買咗蛋糕, 希望年年都咁甜甜蜜蜜
時間去番3月, 是日係小妹的生日. 食完山窿魚蛋之後(BLOG),就去咗TWG 食afternoon tea.
TWG Tea 係星加坡的茶公司, 在日本, 英國, 美國都有分店, 今次終於來到香港了.
呢到以茶之主,
所以茶的品種十分多, 真係睇到眼都花. Tea
book唔係一頁兩頁, 係成日, 每一種茶都有詳細咁講解, 一下只比三本書你, 真係花咗半個鐘先點到餐.
圖下就是店員泡製茶的地方
老公點了Scone,
我就點了mango cheese cake. 至於茶呢..
唔~~真對不起, 實在有點久遠, 所以完全忘記. (下次會寫快D)
老實說, 今次真係失望而回, Scone 同mango cheese cake 都好一般,
本來店員話mango cheese cake係daily
special, 當我滿心期望中, 但只是平平無奇而已.
至於茶方面, 壺內只有茶, 沒有茶葉, 所以不可以添加的.
對我來說, 一次就夠了, 沒有下次呢.
食西餐, 往往午餐比晚餐抵好多, 今次就試咗响The Mira有米之蓮星星的Whisk
先來一大籃的包, 有各式各樣不同種類
再來一杯開胃的果汁, 酸酸的. 但唔太美味
無影低menu, 上番佢web 到發現唔同咗了, 佢係食時令野, 所以menu都轉得好快.
Starter – 三文魚配上魚子醬及三文魚子好味~~
而我呢個就係用咗魷魚及蕃茄醬再加上打到起泡的蕃茄汁, 醒胃同好美味
Australian Beef Tenderloin – 另加$30, 但份量蠻小, 好彩我唔係大食之人. 好嫩好juicy
呢個係乜東東, 原來係薯仔薄切, 而薯仔與薯仔之間好creamy,好香口.
French Confit Duck – 呢個係一個好花時間的菜, 有機會我都想試下煮, 呢到的油鴨皮脆肉香.
vanilla floating island – 大愛!! 用蛋白打成, 上面撒上花生同果仁. 又香又滑.
之後仲有幾樣甜點, 用來送coffee, 我就點了latte
舊同事開舖, 所以打尖出咗佢個blog 先.
早2日apple daily 都有報導過, 大家可以重溫-->click
是日team lunch, 決定去呢間到食. 小店位於加路連山道, 賣的係英式食物, 你可以食到all day breakfast.
先來個麵包先, 同平時食果d 唔同味, 但唔記得咗問有乜分別, 我自己有小小蕃薯味, 唔知味覺有無錯誤
呢個salad 係加咗$20. 因為本來只有salad or soup. um... 蔬菜好新鮮, 但我點呢個餐都係$88, 加$20要呢個沙律好似唔多抵咁. 仲有因為太多野食, 所以唔加都得.
呢個mushroom soup. 真係好得呢, 唔係一早做好曬架, 係你order 先開始做. 因為首先要炒香咗啲蘑菇湯先. 跟住打碎, 聽講話佢同咗十幾粒蘑菇, 仲唔止一種, 除咗打碎之外, 仲有一粒粒的, 所以會有咬口 (但呢個蘑菇湯唔係日日都有架, 所以要睇你彩數了)
傳統法式油香鴨腿, 全隻鴨腿, 面係煎香咗, 入面好香好淋, 有肉汁, 雖則話係butter rice, 但其實用上好小的butter, 反而睇落有一點點的黃色, 但食落又唔覺.
呢個pannaa cotta 係送的. 售完即止. 自己本身都買咗材料, 但我一定唔會好以佢咁重本點, 因為食到底見到黑色一點點, 原來係用上新鮮的vanilla, 但其實vanilla油會香過用新鮮一支支的vanilla囉.
最後來杯coffee, 店主真係好細心, 呢個杯係非常熱的, even 咁凍的天氣都唔會話一下子d coffee 就凍曬.
晚餐會比午餐貴一點, 太約百尾至200. 午市不設加一,但晚市係有加一服務的. 順帶一提, closed in sunday.
Address: 11 Caroline Hill Road, Causeway Bay, Hong Kong
Tel: 2881-5598
某某日同丙丙去咗 times square 呢間798 unit 到食 dinner, 我比較鐘意佢的格局, 收費又唔算貴
先來食個包先, 唔係熱, 暖暖地, 加上butter, 但唔可以食太多, 唔後之後就食唔到野.
水牛城香辣雞翼 (10pcs) $98 -- 味道有d 似 Ruby, 不過丙丙覺得辣 d 就好, 但對我來講就恰到好.
松露野菌寬條麵 $108 - 菌類係我的至, 呢個松露野菌夠曬香
炭燒厚切豬扒, 青蘋果薯仔沙律, 蜜糖芥未汁 $128 - 呢個都幾好味架, 之不過食食下見到 d 豬肉紅紅地, 食完之後响romi 果blog 到得知係咁架喎, 因為醃肉果 d 粉係紅色, e... 之不過我就唔多信啦, 比著你又夠唔夠擔食呢?
好豐富的一餐, 好彩有大食丙座陣, 小妹食得一半就食唔落了.
週年紀念好想去半島Chesa 到時, 可惜比人book 咗全場...呢到係我同丙丙好有紀念價值的, 而家要想想去邊到食好, 大家有無好idea 呢?
時光倒流, 回到小妹3月27日的生日, 是日乃為星期六, 當天的節目就係海洋公園, 從來都未响生日去過海洋公園, 聽聞多咗好多新野, 生日唔洗錢, 一於玩番日.
未出發之前當然要醫醫肚啦, 早前來過呢間Brunch Club 食 dinner, 味道都唔錯, 所以想試下佢地的英式早餐.
無論無何時候, 呢到都係暗暗的, 要影得好我真的要進修一下先得.
先來小妹的早餐, Omelettes (smoked salmon & parmesan cheese), side dishes on homemade brioche toast ($68), 三文魚唔係太靚, 煮得味道一般
丙丙呢份係 Egg Benedict ($68). 丙丙話 The Flying Pan 好食好多, 我都同意, 佢食咗一半就唔想再食了.
佢地無 set 架,要另外比錢先有drink. 無論味道, 價錢, 賣相, 我同丙丙都覺得早前食 The Flying Pan 好食好多陪, 呢到的晚餐都唔錯, 但早餐就一定無下次了.
Website: http://www.brunch-club.org/index.php
好早之前己經想响呢間野 try下佢地的tea set, 仲有佢地最出名的牛角包, 之可惜星期六同日前往往都太多人等候, 某日的星期五, 我同丙丙都一齊放假, 所以就打算去過下d 闊太生活
我最鐘意食scone, 但係覺得唔夠香同鬆, 食時我要加上大量的cream 同strawberry
Norwegian smoked salmon and caviar sandwich – smoked salmon 係我至愛之一
Blueberry cheese cake – 好香cheese 味, good~~
朱古力我唔鐘意食, 我估無乜女仔唔鐘意食朱古力架啦, 呢件比咗丙丙食, no comment
雖然好多人都喜愛食macaron, 但係絕對不是my cup of tea, 所以我都係唔評分為皆
呢件cake 超香呀, 好好味喎, 叫乜名堂呢?
呢件栗子超超超甜呀, 好明顯我係唔多鐘意食甜野啦
呢個茶壺好重架, 有D 似我買咗的 Le Creuset
每次食high tea 都有超飽的感覺, 連晚飯都可以唔洗食了, 下次一定要試下佢地的牛角飽先, 仲有我好想好想試下洲際的high tea 呀, 我都講到出口囉, 丙丙識做啦~~
