小王牛肉麵响高雄都幾有名氣, 真都估唔到會過江來都香港. 不單在沙田有分別, 連在荷里活廣場也有.
是次點了卥豬手, 餐前小吃, 分量不多, 2人剛好, 卥得入味.
單睇湯就知得足味, 湯頭有一點中藥的味道. 還有一點薑味, 雖然我不太愛吃有薑的東西, 但呢個我又接受到. 牛肉好淋. 反而有一點咬口會好D. 牛筋也淋得來有點咬口, 不錯.
至於麵方面, 很Q, 跟我在台灣買的阿舍麵一樣, 不錯.
在沙田食到有這樣水準, 真的是十分難得
地點: 沙田車站圍1號連城廣場1樓102-103號鋪
生日當天, 食完TGW TEA 之後, 已經十分飽飽了, 但點都要食晚飯, 一早訂了餐桌於沙田18到食佢地主打的北京填鴨.
同是HAYTT 酒店同上次於澳門滿堂彩也是同一集團.
由於已食咗afternoon tea, 所以只點了烤鴨2食.
先來前菜 – 醃製了的蘿蔔及花生.
辣醬也分三種 – 有辣椒的, XO醬及單單辣油
蒜泥, 糖醬及砂糖
等了很久才上北京填鴨, 其他桌比我們遲點也己上, 我們追了幾回.
先食皮的部份, 呢個係加砂糖一齊吃的.
跟住就係只有肉
鴨2食之一, 鴨湯
– 唔係好熱, 只是暖暖的感覺, 而且覺得比較 “SO”
另一食飯係生菜鴨崧 – 配以大豆芽一齊炒, 都算唔錯, 但生菜只有數片, 如果多D生菜的話會加分.
呢間的質數比澳門果間差, 服務也是一般而已. 感覺上只是一間普通的中菜廳而非酒店餐廳.
北京填鴨烤出來也比澳門差. 眼見訂了幾次都是FULL HOUSE, 可能期望過高的關係吧, 但味道澳門果間真是勝一疇
睇得我blog 多的朋友都知到我比較喜歡食日本菜同西餐, 過往的生日都會食呢2種菜. 但今年有點例外, 主因係同事門無啦啦講起食龍蝦, 唔講由至可, 一講就好想食. 係想到不得了果種. 就係咁, 今年的庋生就响中菜廳舉行, 仲要係地道中菜館, 非米乜乜果d
丙大人上openrice 睇, 見呢間評價唔錯, 所以就book 咗呢間.
先來個雞燉翅, 用上4兩金勺翅, 份量十足.
話明要食龍蝦, 當然呢個係主角啦, 用上澳洲龍蝦, 價錢對比其他龍蝦係就係貴d, 主因係澳元不續上升, 仲有好多都北上, 因為而家國內人食得起. 但一分錢一分貨. 好味!!
食飯又點小得菜架, 點咗呢個西蘭花炒帶子, 自己炒帶子我覺得好困難, 因為好難掌握火. 仲有佢地的西蘭花同平時食開的大有分別, d 花細好多, 好味!!!
仲唔到呢間中菜餐食物水準高終我的expectation. 有機會會再來.
原來上次野呢一間食店已是2008年, 時間過得真快, 不知不覺得原來已經寫咗2年幾的blog 了.
講番正提先, 响CWB 食上海菜, 呢間算係我比較喜歡之一, 主因他是比較正宗.
老酒醉雞 ($70) -- 花雕酒的味好香濃, 唔會話over 咗.
至於雞件, 沒有太多皮下脂肪, 正合我心意, 肥瘦適中, 肉質嫩滑
清炒鱔背 ($100) -- 唔洗我多講, 大家係咪自到好油呢, 但係呢d 先叫正宗, 上海菜唔油就不像上海菜了, 雖然我比較鐘意食清淡點, 但偶然間放縱一次半次也不失為過.
蓮香糯米一字骨 ($25/件) -- 蓮葉的香味真係好吸引, 糯米吸收了蓮葉同一字骨, 香味十足, 至於一字骨, 輕輕就可能骨肉分離, 可能言之係上等之肉
而家真係乜鬼都年經化, 後生細仔又點會無啦啦走去利苑食晚飯先得架. 有見及此, 佢地開咗間上海菜館, 走的路線同翡翠拉麵小籠飽相約.
呢到的菜式唔貴, 數十元就有交易, 份量細細碟, 最適合2-6人享用. 上菜
老干媽煸四季豆 $55 -- 味道幾好, 但好似油咗D 喎, 仲有小小過咗火, 你地睇唔睇到黑黑地呀??
古法秘製茶燻鴨 $68 -- 味薄, 無乜鴨味.
椒鹽九肚魚 $58 -- so far so good 啦, 無乜驚喜.
睇網上食評好壞參半, 即係好睇你當天的彩數, 對我來講乜無驚喜.
不需10分鐘所有餸都上桌... 讚.
當你食完, 9秒9清理桌上食物, 續而問你要唔要甜品, 過咗數分鐘唔見你落order, 再問多次, 務求要你知覺結帳, 如果真係想傾計, 呢間就唔洗去了.
近呢一年TST 多咗幾座新的商場, 最後呢個大型商場終於落成, 早前我就去咗"迎" 到食晚飯, 你地睇, 佢個 backdrop 係咪好靚先.
仲有好靚的夜景, 是晚都有好多人來睇場. The One 呢到勝在所有樓層都係樓底高
呢到的菜色係新派潮粵, 所以細細碟.
蓮香脆皮鵝 -- 真係唔錯喎, 同海港有得揮
薑蔥炒頂角蟹 -- 好多蟹羔, 但係我個人覺洗得唔太乾淨, 個蟹穀仲有小小黑色. 不過就炒得好香.
呢到的菜款色唔算多, 仲有唔係大碟, 個人覺得適合2-5人, 多人的話真係未必夠分, 又或者要點套餐.
未上wedding planner 之前都覺得呢間酒樓好好, 但係上咗幾堂之後就發覺有好多問題原來之前係無留意的, 下篇再詳談
平時去開佢隔離的住家菜, 見到隔離呢間香港香港大牌檔好有懷舊感覺, 其實只不過裝修到好似60/70年代的茶記
是次點咗2個小菜(包飲品... 無記錯的話好似有湯tim)
茄子斑腩煲 $55
份量10足, 呢味好過住家菜喎, 斑腩新鮮, 仲有好多我至愛的菇tim.
霸王雞 $55
有雞味, 份量都好多. 加上蔥花, 真係唔錯.
呢間的菜式選擇無住家菜咁多, 但味道都唔錯, 又多一個選擇
我同丙丙真係好小落太子同旺角一帶搵野食, 最主要原因係我倆都是在港島區工作.
今次想試下新野, 所以來咗太子西洋菜街北呢間小店. 單睇門口, 差d 以為佢地係中醫店, 原來係食小菜的.
木做的餐牌都係第一次見. 因為係晚飯時間, 呢到地方唔大, 仲要係晚飯時間, 所以要同人share 一張枱, 如果2家的餸到齊, 都係飯都放唔落.
所有小菜都係套餐 ($68) -- 雞另加$5, 所有套餐都包一碗老火湯, 仲有米粉, 白飯等都係任食的.
唔好以為送就係差野, 雖然同媽媽煲果d仲差好遠, 不過味道都唔錯.
本來想點雞, 可是是日已賣曬, 果然好好賣, 唯有下次有機會再品嚐
um.. 今次無影到餐牌, 所以唔記得d 餸係叫乜名, 仲要最主要係食咗太耐..
好似係豬眼根同支竹. 味道都幾好味
排骨乜乜乜煲, 底下有大量生菜.
每個套餐仲附上菜一碟, 都係夠曬健康, 仲有係無味精.
其實呢到最出名係龜苓膠, 好似係賣$500一碗架, 唔知有無人食過呢?
連最近的樂活時尚坊都有介紹過佢呢.
http://www.cetv.com/v/cetv-video-4102.html
http://www.cetv.com/v/cetv-video-4103.html
早前响 JJ 個 blog, 發現到灣仔呢間小菜館, 價錢又抵又好味, 仲攪到丙丙愛上咗佢, 之不過唔係樣樣野都咁好味...
1st Visit
啫啫泰國通菜煲 -- 蝦乾, 肉碎同通菜. 蝦乾好香惹味.
韓式烤骨煲 -- 大份, 超熱, 入味. Very good!!!
2nd Visit
啫啫泰國椰菜苗煲 -- 今次的蝦乾比上次仲香仲好味, 椰菜苗好嫩.
杞子荷葉蒸雞 -- 男人都係鐘意叫雞同食雞架啦, 所以丙丙對呢一味超愛, 不過的而且確有香雞味, 我唔識分係咪新鮮雞定雪雞, 不過一d 雪味都無囉
3rd Visit
每次都見到有人點鵝肉, 我地呢次去都點番下先, 但我覺得同潮州菜館差好遠, 都係炒野對我來講比較吸引
豉椒炒大蜆 -- 上次完見到有蜆, 而且有好幾枱都點蜆, 所以我都今次都點咗, 真係好大隻, 都算幾鮮味, 但都有點辣, 仲有小小沙
食咗咁多個菜, 最差最差係呢個, 我食咗一件就無食,我真係想退番比佢. 呢個係石班豆腐, 但好明顯係d 石班好唔新鮮, 因為係超超超鮏.. Very Bad!!
結帳時老闆好似玩急口令咁計錢, 仲有佢都幾show off 下, 唔洗我地叫都會自動自覺加水
平時呢d 格局的小炒好小係一家大細好食, 因為始終店子唔算大, 不過呢間不單止一家大細, 仲有好多情侶呢.
位於渣華道街市的東竇, 就算你無去過, 點都會有聽過
佢地而家都到好犀利, 聽講話星期六同日一定要訂枱, 唔訂你都咪洗止意有得食, 仲有要訂枱時講明要食乜東東, 星期六同日仲有加一服務 (以上資訊從同事口中得知, 未經證實)
呢間東寶究竟識唔識口我的口味呢? 再睇落去就知了... ...
南乳炸豬手 ($78) -- 唔錯, 幾好味, 南乳好香口, 但係手就肥咗小小
豉椒炒聖子 -- 味道都唔錯, 但係細隻咗d, 仲有唔夠乾身
椒鹽九肚魚 ($60) -- 炸得唔脆, 有小小淋, 唔係太好食
平日唔洗等位到可以來食, 如要等位就咪了, 因為佢地寫明多人, 所以出菜約30 mins, 如果真係肚餓的話, 你都咪話苦等之苦
上網見好多人都話呢間小廚幾出色, 是日同丙丙一齊來個測試
menu 選擇唔多, 唔知係咪因為節日都關係定係平時都一樣 (是次晚飯為農曆新年後)
點咗呢到出名的照牌菜 -- 蔥油雞. 小妹真係見識小, 差d 以為佢係炸子雞, 原來係外皮炸到好脆, 再加蔥油而成. 呢個味道都唔錯, 雞都幾嫩.
朱洪武豆腐 -- 响openirce 十個有十一個都話好食, 但對我來講, 麵衣太多, 要我幫佢起皮, 即時想起港式天婦羅. 豆腐入面夾咗雲腿同竹笙, 可能我家的媽媽間唔中都會做呢個菜, 只不過豆腐唔係炸, 而係蒸, 所以自覺無名特別.
如果你們真的要我平分, 我只會比合格一點兒吧. 差唔唔講得, 好好咩又唔係喎~~ Average la~
地址: 灣仔船街7號寶業大廈地下
