自從山窿魚蛋結業之後, 好食的魚蛋店越來越小, 筲箕灣的安利是我喜歡之一, 但食品質數近年下降. 因為要入大埔入貨的關係, 發現了蔡潤記.
大埔有2間叫蔡潤記, 一間有叫新蔡潤記而另一間叫蔡潤記, 我無食過 “新”蔡潤記, 但大家都說“蔡潤記” 比“新蔡潤記”好食得多.
是次點了魚片河, 絕對有水準, 魚肉彈牙, 也有魚味.
老公點了牛腩河, 肉很淋, 但比不上坑腩. 但牛肉味欠奉.
店內人很多, 通常都要等位, 這兒是自己找位的, 只要站在後面慢慢等便可. 上菜是很慢的, 不用催, 慢慢等便可.
地址: 大埔東昌街7號地下
再見了...
謝記係我同丙丙拍拖時間中會去的地方, 最係食佢的炸魚片, 得知佢結業點都要去會一會, 生日那天正正放假, 所以就最後一激.
12點多到達, 長長的人龍, 等了大約25mins, 比想像中快.
點咗炸腐皮, 魚蛋及魚蛋河…味道同以前一樣咁好食.
可惜的是… 炸魚片售罄.. OMG.. my favour.. 無機會再食到.
拍拖時回憶之一, 現在只能在心中
因有要事的關係, 所以北上一轉, 正正明生日前一天, 生日週, 我大曬, 食乜我話事. 最近愛上韓風, 就來韓菜吧!!
新羅寶 --- 香港的有分店, 雖然係人仔, 但價錢平好多.
先來泡菜, 話多唔多, 話小又唔係小, 6小碟
呢個係燒牛舌 RMB68, 本以為得幾片, 但原來份量都幾多, 如果係厚切會更加好.
掛住食, 唔記得咗影燒的過程. 仲會附上生菜, 食起上來唔油又健康D.
辣汁五花腩拌大蔥絲 RMB 120 -- 份量大到食要 take away.. 雖說是五花腩, 但一點都不肥膩. 你地見到的黑影, 乃為吸油煙的吸管
牛骨湯飯 RMB 58 -- 唔知大家有無法覺, 韓國人好喜愛食牛肉, 仲有牛骨湯, 平時响屋企多數都係食豬 / 菜, 出來就食小小牛啦. 唔知佢地皮膚咁白滑, 同食牛有無關呢, 但又好似食牛對皮膚唔好喎.
其實仲有點到海鮮蔥煎餅, 又係掛住食唔記得拍照.
最近食得太多, 肥了不要, 夏之來臨, KEEP FIT 是也!!
早前睇雜誌見到介紹一間由新加坡食店, 2位主理廚師乃為文華酒店Chatterbox 出身, 話係正宗都唔正宗的海南雞, 小妹從未去過新加坡, 但對其海南雞十分有興趣, 故某日放工約丙丙一嘗正宗的星馬菜.
(真的十分抱歉, 小妹發覺G10 實在太重, 故時常不帶其上街, 但耐何小妹的手機拍攝的質數相當差, 不竟也用了多年, 希望各位不要介意... 介意都無法架啦~~~)
放工9秒9到達, 是夜乃為星期三, 此店剛開一星期左右, 因為門外有大量新鮮的花牌, 連站立的位置也不多.
我不知道是否有訂枱服務, 但當天眼見好多人都無訂枱, 而且無補票服務, 如果你真係想吃, 就得乘乖地等待, 千萬不要走開. 當天眼見袁詠儀, 袁天經等人都有留枱, 真不知是因他們的名氣所以不用訂枱, 還是真的有訂枱服務
呢到對位維港的景色, 入內桌子無想像中之多, 今次主打海南雞飯 $88 (轉全脾加$10)
先說雞湯, 材料有生菜絲和豆腐, 雞湯是另外用壺上的. 湯有雞味, 但一般而已
另外仲有小食皮蛋慕絲蒸蛋... 超唔好食呀~~~~ Sorry 都要講句, 超no good!!
冰鮮雞 -- 對小妹來講實在沒太大的興趣, 雞味太薄.
蠔油白菜-- 沒甚麼可評... 正常
肉骨茶鐵沙煲 $72 -- 聽說用上豬骨湯底加當歸, 杞子和沙參等藥材素熬足4小時, 愛吃呢個菜的丙丙品評為當歸味太薄, 但對我來講而是很重的當歸味了. 可惜的是附上的油條不脆
黑蘿蔔糕 $58 - 店員推介呢個黑蘿蔔糕, 不會像平時食到的白蘿蔔糕, 用上蒜茸, 菜脯, 蛋漿, 新加坡黑醬油 (廣祥泰的陳年老抽王). 我覺得唔夠乾身, 不過呢個又可能係星加坡的特色.
鐘意與否真的好講個人口味, 對我來講我比較鐘意太妃雞多一點, 不過可能呢個先係正宗口味.
一日都夜丙丙都叫我想下食乜東東, 自己又唔去想喎, 又要好, 又要馬兒不食草, 邊樹有咁多又平又靚姐.
Simple Kitchen, 位於總統戲院樓上, 分室內用室外, 大班朋友一齊食又得, 2口子食又得, 得咗!
炸釀雞翼 $60 (2隻) -- 內有肉碎, 蝦, 馬蹄,莞茜, 胡椒... 好味呀!!
冬蔭功 $70 -- 用料10足, 唔算好辣, 食咗開胃曬.
皇宮大蝦蛋網炒貴刁 $85 -- 賣相已經好吸引
青檬, 花生, 紅椒再加上糖, 酸酸加小辣, 超醒胃. 蝦又好多蝦膏呀, 又大隻, 真係唔錯喎.
食泰國野又點小得咖哩呢, 呢個咖哩牛都好好味呀,可惜無叫飯, 浪費咗d 汁.
來個近鏡, 係咪好吸引呢.
呢間泰國菜又平又抵又好味, 之平過食完超口渴, 下次再去
我都知响呢d 地方唔可以話好好服務, 但都不至於咁差吧
九龍城 – 一個我同丙丙都好小去的地方, 唔知點解上星期六太想去一趟, 咁就座車去了. 早己過了午飯時間, 因為都係無啦啦想去, 全無意識去邊間食午飯, 走下走下又來到金寶. 好吧, 因為已經太肚餓的關係, 所以是但吃點東西
一進店, 明明仲有好多吉枱, 但點都要我地同人share 枱, 算吧~~
等了良久都無人送上menu, 連枱墊同餐具都法有擺放, 即係全無人理會的狀態下, 佢地d 店員係到你無架喎, 只係叫你等等
點菜時情況如下:
丙: 唔該2碗生牛肉湯濛
後生男店員: 要乜
丙: 唔該2碗生牛肉湯濛
後生男店員: 咩野話
丙: 唔該2碗生牛肉湯濛
後生男店員: 要乜粉
丙: 濛
後生男店員: 2碗呀?
丙: 係2碗
過咗一陣, 後生男店員走過來問
後生男店員: 係咪要2碗?
丙: 係2碗呀, 你係咪同我落咗2碗? (都講咗咁多次, 佢真係耳仔有d 問題架?? 開始有點火滾)
後生男店員: 係呀, 落咗架啦
等咗一陣, 個女店員 (好似亞姐) 走過來比咗一碗我地, 我地同佢講order 咗2碗, 佢話無喎, 得一碗, 我話頭先個男仔先double confirm, 佢仲有係落咗2碗, 點會無呀? 佢好唔滿意話同我地落過
其實一食果下我都想叫丙丙唔好要濛, 因為真係碎到呢… 真係有d 夾到夾唔起
我地仲有點咗蝦餅, 但係太油了, 碟上d 油可以倒落來
好啦. 都了結帳, 今次係女店員(亞姐) 負責
丙: 係咪可以用credit card
亞姐唔理我地…
丙: 請問係咪可以用credit card
亞姐唔理我地…
過咗一陣, 亞姐問個男店員: 係咪可以用得credit card
後生男店員: 係呀, 你過100 就可以用架啦, 101,102,103 都可以用架啦
丙就比咗張credit card 佢
亞姐: 簽名… (好惡的態度)
丙: 簽咩名呀, 都未look card
亞姐: 簽名呀, 呢到呀…(wah~~~ 呢d 真係乜態度呀?? 通常都係一次過連簽card 果張單一齊簽架啦, 簽唔緊要, 但唔係呢d 態度囉)
你都咪話食物唔係好食, 單單係服務我都要比負分佢啦
食野途中好闆不停咁話d 伙記, 又話呢樣又話果樣. 有人點菜d 職員又唔走過去, 如果你耳仔真係聽到我都覺得無問題, 但係人家講咗幾次你都仲聽唔到, 係咪應該走過去呢, 好彩佢唔係咁對我, 唔係我一次話佢.
其實我都唔係要求佢地好好的服務, 我都周不時會去茶餐廳果d, 但係不至於咁差囉,
食咗一餐唔開心的午餐, 去番tony 到買cake 令自己開心番
食來食去都係老銅, 再唔係就TST, 你唔悶時我都悶啦. 未悶都發毛之前, 今次走再小小, 去到灣仔近金鐘的chili club
今次唔再食中, 西或日, 來個泰國菜吧
在超肚餓的情況之下, 仲要走一條長長的樓梯, 呢朝好丫. 咁辛苦行到上去 (其實只不過係一層) 仲唔係要叫多d 野
說真的, 第一次聽呢個店舖覺得佢個名都好特別, 但係你地知啦, d 乜club 乜club 一定會好貴架嘛, 但係呢間又唔係喎, 走大眾化.
炸蝦餅 -- $34 幾脆同香口, 唔錯
Tom Yum Kung $40 -- 好似唔多夠味, 再辛辣d 就好啦
黃咖喱 $70 -- 無乜特別, 中規中舉
豆角豬頸肉 $60 -- 未食黃咖哩前食豆角覺得好香口, 但係食完之黃咖哩之後再食就覺得好草青味... 所以有時d 野係唔可以max 起來一齊食
店內有中國人, 外國人同日籍的食客, 呢間我覺得中規中舉, 起大眾花路線, 你唔會覺得佢唔好食, 但好好食咩, 又唔係喎. 不過有時去同一間去得多, 想轉換下環境, 呢間都不失為一個好選擇
無帶相機同手機影, d 質素都係差d, 下次都帶番相機
唔知大家有無飲綠茶的習慣呢? 我每朝早起身必定要飲番杯奶茶, 番到公司必定會飲綠茶
飲綠茶的習慣應該係又丙丙送第一盒綠茶比我, 以前我都覺得綠茶無乜特別, 可能係好同唔好的分別啦, 自從佢買咗伊右衛門比我之後, 其他綠茶的都唔喜愛了, 呢隻伊右衛門係加入咗抺茶, 而且佢綠茶同抺茶的比例恰到好處, 相比伊藤園, 伊右衛門有過之而無不及, 所以前係值得推薦的綠茶
唔同地方售價亦有差異, 比如話Sogo 售價為 $39, 現今吉之島做緊減價為$28.x, 但是價錢比上回前減價時已貴咗幾元了. 無法啦!! 日元不停升值, 所有日本貨物的價錢比起之前都高出好多個巴仙.
上個星期去咗吉之島買零食, 無意間比我發現到呢個期間限定的櫻塩味薯片, 味道都唔錯, 幾好味. 今日再去唔見有得賣啦, 唔知去唔去得成大阪呢, 如果去得成, 真係要想下有乜野要賣, 因為下年未必會去旅行了
我同丙丙一心想慳錢, 所以唔去d 咁貴的地方食飯, 本來以為去呢到平平地兩個人百多元就可以落樓, 但點知最終都要成2xx, 算吧! 話曬都係食得開心的一餐
我地點咗鮮蔬迷你春卷扎肉撈檬 ($43), 得2條細春卷同小小扎肉, $43 都係太貴, 不過好彩都幾好味.. 如果仲要唔好味.. 哼哼, 我一定會响呢到唱佢丫
生牛肉湯檬($35), 好太碗同味道都幾好, 跟咗香葉同芽菜, 但唔知我係咪對太古城 food court 的生牛肉湯檬情有獨中呢, 我始終都係鐘意食果間多d
炸軟殼蟹 ($68), 我覺得呢個都幾貴架, 一道有想過叫唔叫好, 但丙丙話想食咪叫囉, 都好大碟丫, 但係味道一般, 仲要係好細隻
越色蝦肉雞肉米卷 ($30), 呢個唔錯喎, 4件又唔算多, 兩個人食剛剛好
雖然 openrice 好多喊臉, 但我自己覺得不至於咁多喊臉, 又唔係真係話咁唔好食丫,不過不失啦
地址: 銅鐶灣登龍街永光中心地下
