生日當天, 食完TGW TEA 之後, 已經十分飽飽了, 但點都要食晚飯, 一早訂了餐桌於沙田18到食佢地主打的北京填鴨.
同是HAYTT 酒店同上次於澳門滿堂彩也是同一集團.
由於已食咗afternoon tea, 所以只點了烤鴨2食.
先來前菜 – 醃製了的蘿蔔及花生.
辣醬也分三種 – 有辣椒的, XO醬及單單辣油
蒜泥, 糖醬及砂糖
等了很久才上北京填鴨, 其他桌比我們遲點也己上, 我們追了幾回.
先食皮的部份, 呢個係加砂糖一齊吃的.
跟住就係只有肉
鴨2食之一, 鴨湯
– 唔係好熱, 只是暖暖的感覺, 而且覺得比較 “SO”
另一食飯係生菜鴨崧 – 配以大豆芽一齊炒, 都算唔錯, 但生菜只有數片, 如果多D生菜的話會加分.
呢間的質數比澳門果間差, 服務也是一般而已. 感覺上只是一間普通的中菜廳而非酒店餐廳.
北京填鴨烤出來也比澳門差. 眼見訂了幾次都是FULL HOUSE, 可能期望過高的關係吧, 但味道澳門果間真是勝一疇
食西餐, 往往午餐比晚餐抵好多, 今次就試咗响The Mira有米之蓮星星的Whisk
先來一大籃的包, 有各式各樣不同種類
再來一杯開胃的果汁, 酸酸的. 但唔太美味
無影低menu, 上番佢web 到發現唔同咗了, 佢係食時令野, 所以menu都轉得好快.
Starter – 三文魚配上魚子醬及三文魚子好味~~
而我呢個就係用咗魷魚及蕃茄醬再加上打到起泡的蕃茄汁, 醒胃同好美味
Australian Beef Tenderloin – 另加$30, 但份量蠻小, 好彩我唔係大食之人. 好嫩好juicy
呢個係乜東東, 原來係薯仔薄切, 而薯仔與薯仔之間好creamy,好香口.
French Confit Duck – 呢個係一個好花時間的菜, 有機會我都想試下煮, 呢到的油鴨皮脆肉香.
vanilla floating island – 大愛!! 用蛋白打成, 上面撒上花生同果仁. 又香又滑.
之後仲有幾樣甜點, 用來送coffee, 我就點了latte
Ritz Carlton 終於响今年開幕, 早咗生日時已經想去, 但當時未開幕, 所以去到復活節時先第一次踏足呢間全球最高的酒店
高茶於15:00 才開始, 我倆14:15已到達, 就現場所見, 等待人數有幾百人, 去到15:15, 才有職員同我地說就算我地等, high tea 都已完結. 所以我地無再等, next time 吧
有時d 野就係咁, 食唔到就好想去食, 死心不息, 我地選擇咗唔响週六/日, 果然無乜人. 今次我地14:30 抵達, 唔洗好似上次咁排隊, 有2個職員負責登記, 佢問我係咪食high tea, 我話係, 佢話而家幫登記我 The Chocolate Library. 心諗, 唔多對路喎, chocolate liabrary 係咪食朱古力架呢? 我唔like chocolate 架喎. 一問之下原來係有2間食high tea 的, 一間係 the chocolate liabrary, 另一間係 The Lounge & Bar. 佢登記時又問我登記邊間, 係咪服務有問題呢?
去到14:50 職員開始按次序打電話比登記之人上101樓, 但眼見有人問到佢地未, 就即刻話可以上去, 2個職員佢地分別負責唔同的餐廳, 登記又係佢地, 打電話又係佢地, 所以場面有點混亂
首先係搭lift 去L103. 真係話咁快就到
到咗大堂之後要座番電梯落一層
我地當然係選擇窗口位啦, 但其實唔太好座, 因為張椅係固定咗, 無得拉前.
場內的環境唔錯, 好fashion.
好大支水晶燈. 仲有現場奏樂
當天天氣唔太好, 景象比較模糊
作為一間五星的酒店, 我覺得真的有d 野係接受唔到. 真係有諗過寫信去complain 呢
1. 比我同的茶杯竟然仲有其他野响到, 無洗乾淨
2. 茶隔係咪真係咁小呢, 我同丙丙2個分別點咗唔同的茶, 咁話明係茶隔, 點都會有茶葉响茶隔到架啦, 佢地要我倆供用一個, 咪張2種唔同我茶混咗一起.
講完激氣野, 講番個high tea 先.
我地點咗2人份量的tea set, 總共有13款, 每款有2件.
好多人都會由上至下咁食, 但我就比較鐘意由下至上, 因為scones 要熱先好食.
附奶油同orange jam. 鬆餅都係半島做得比較好一點, 但都好味.
"lvory" berries shot -- 酸酸甜甜加奶凍一起, 好醒胃, 我覺得呢個係全個set 都好味的甜品
Canneles -- 第一次食, 但唔識欣賞, 外面係焦糖, 內裡好像吉士的東西.
跟住係第二層
杏仁鳥結糖泡芙
我唔係點食到杏仁味, 有點硬, 唔鬆化. 好像放得很久
Blueberry Cheese Cake -- 軟滑可口, 美味之一
草莓杏仁撻 -- 生果新鮮, 但無特別.
macaroon -- 對於一响唔太食得甜的人來講, 係偏甜.
最上一層係鹹點 -- 超唔掂
法式軟芝士黃梅合桃包 胡椒牛肉麥包及煙三文魚醬刁草牛油軟包,唔係 "um" 就係硬. 好似隔咗幾夜咁, 差差差!!
講番茶啦, 我地點咗Lukull Darjeeling & Morgentau. 我個人覺得大吉嶺好飲過朝露.
對呢間五星酒店, 可能期望過高, 所以超失望, 下次再去其他地方高茶吧.
唔經唔覺就過咗半年了, 响呢半年過得真係好開心, 心廣體伴
5月6日為我地半週年, 當天去咗文華東方的Café Causette到慶祝
去得Café Causette 通常都係去食high tea, 但我地就選擇咗食晚餐, 酒店來講比較casual, 唔得話有乜dressin.
比我出乎意料之外, 都幾多食客
先來大大個麵飽, 好吃, 好軟熟, 附加2個sauce.
closed up 個包, free of charge 得來又比咁大隻, 食完都唔洗食其他啦, 抵!!!
呢到乜菜式都有, 好, 咁就先來個泰式炸蝦餅, 做得真係好good 呢, 香脆可口.
香蒜白汁煮青口, 大部份都係剛熟, 有d 就生得d 帶腥, 食青口真係要拎住個殼左夾右, 右夾咗先好, 刀义始終唔方便.
烤澳洲海鱸魚柳, 配番著, 菠菜及龍蝦汁
最後就係主角甜啦, 點咗mango napoleon (OH! 原來唔記得影sauce, 附有vanilla 同dark chocolate.
d whipped cream 真係又香又滑,打得好輕, 就算食咗肥小小都抵.
唔知係咪得登唔要當做的芒果, 定係d 芒果唔靚, 帶點酸.
丙丙話乜宜家多咗咁多慶祝架? 無法啦, 而家多咗响屋企食飯, 小咗出街食, 唔多d 慶祝又點得呢?
係喎, 想問下結咗婚的朋友, 你地仲會唔會慶祝拍拖紀念日架呢?
