十級忙

忙到我自己都唔知點來形容

25 號睇咗相... 3月先有得睇版, 4月先有得拎.. 過程係點.. 遲d 話比大家知

尋日終於屋企裝完修搬番上去了, 搬屋真係11級煩, 而家pack 野同un-pack d 野攪到雙腳好痛

聽日我會去台灣旅行, 唔怕話比大家知. 今次係我第一次去台灣, 不過之前又考試, 又呢樣果樣, 所以無時間plan 行程

唔講太多了, 太多野想寫, 但太小時間, 希望快d settle down 曬d 野等我有時間寫番我d 未寫的blog 啦~

又一大戶屋食記

真係唔記得呢次係第幾次去大戶屋品嚐了, 本來呢一篇都唔想出blog, 原因係用手機影得一d 都唔靚. 但係今次同以往有d 唔同, 就係我想介紹佢地的期間限定的鰻魚盒子飯

同以住一樣, 點咗我最愛的炸豬扒定食, 我覺得豬扒好似無以前咁好食, 不過論價錢來講水準已經卓卓有餘

記得之前食過的豬扒會帶小許肥的, 但現在已經沒有了

以大戶屋的價錢來講, 呢個鰻魚飯都叫貴價貨 ($128)

點解咁貴, 原因佢呢一條唔係普通的鰻魚, 佢係來自日本愛知縣, 仲有係佢地寫明平時只會用上三分二的鰻魚, 而今次用上全條鰻魚, 所以價錢都比平常貴小許

日本愛知縣的鰻魚同我以住食開的鰻魚飯的確有所不同, 鰻魚香甜, 雖然他始終比不上海鰻, 但的確美味可口

大戶屋周不時都會推出呢d 期間限定, 好似上次食的炸蠔咁, 今次都唔見再有了

p.s. 大戶屋而家已有分店於尖咀了, 住九龍的人唔洗去港島區都可以食到, 聽講話佢地仲有其他特別的菜色, 有機會等我品嚐之後再同大家分享吧!

後記: 朋友話我知佢去TST 分店食鰻魚飯已經架咗價, 本來$128 加到$17X.. 實在太貴了

後記2: 原來唔係加咗價, 康怡係平過TST 的

估唔到世上仲有好人

上星期六, 因為我好趕要去洗牙, 無時間拎錢, 就叫丙丙幫我去櫃員機到拎錢, 佢因為驚我要等佢好耐, 所以連錢都未拎就走咗

到下午佢先發現拎咗張card 但未拎錢, 佢已經第一時間打去card center 話唔記得拎錢, card center 話要做咗clearing 先知有無

尋日card center 打比佢話條數對到, 無錢多, 咁就係拎唔番啦... ... (我話比番丙丙但佢唔要, 點都因為我叫佢去拎錢先無咗, 所以果心一直都好唔安樂

今日, 佢收到銀行電話, 話有人拎番去銀行. 失而覆得, 真係估唔到丫

宜家香港好小會有呢d 人架啦, 仲特登拎番去銀行, 雖然我唔知佢係邊個, 但係我真係好想好想响呢到多謝佢

好心有好報!

跑馬地食記@大少爺+和櫻屋

之前响各大報章到睇到呢間位於跑馬地的海南雞飯, 又好味又好食, 一值苦無機會. 平時又點會開跑馬地先得架, 要去真係要特登去先得.

二話不說, 先來一客海南雞飯, 亞姐問我地要唔要脾, 當然要啦, 原來係要加錢的

飯唔太油, 雞都幾滑, 但無乜雞味, 比起泰妃雞, 實在相差太遠, 等我仲一心老遠來呢到食.

我地仲點咗芋頭油鴨煲 -- 味道... no good~~~

一個十分唔滿意的一餐, 唔會再來第二次

同場加映: 和櫻屋, 買的係日本布甸, 聽人講最好係買咗之後即時食, 雖然佢有乾冰, 但係味道點都係差d. 佢地店子很小, 無枱同椅供應, 所以我地只好走咗附近公園速食

又凍又大風, 再加燈光唔夠, 影得唔太好, 請見諒

我地點咗原味+栗子 & 黑芝麻

好香, 好滑, 果然無來錯丫

相比之下芝麻味更濃更香, very good!! 補嘗咗我之食海南雞唔開心的心情

金山海鮮酒家

其實我同丙丙都知到佐敦有好多好野食, 但係當然要用心去搵啦, 呢一餐地點係由丙丙發板, 佢有真係做功課, 上咗openrice seach, 真係唔野小

去到門口, 見到阿叔响到切海鮮, 好似唔多衛生喎, 但係一場來到仲要咁多好平, 好啦好啦, 試下你係咪真係咁好食啦

先來一煲老火湯 (無相)  -- 是日老火湯係粉葛章魚煲豬腱. 呢果湯味道好濃, 火喉十足

豉椒炒蟶子 - 上碟分唔到邊隻打邊隻, 可能炒完唔可以連體, 味道ok 啦

再來人氣小菜 -- 椒鹽瀨尿虾, 唔算太鮮甜, 但都唔差

最後來的係佢地招牌菜 -- 雲英雞 (所謂雲英雞乃未生過蛋的雞), 所以特別細隻.

講真, d 人話好有雞味, 皮爽肉嫩, 真係對唔住啦. 可惜小妹味蕾有點問題, 食唔出好特別的雞味, 至於皮爽嘛, 我又唔食皮, 真係唔知喎, 但的而且確係小脂肪. 聽講話除咗呢到同品香樓有得賣呢隻雞之外, 就別無他處

講番句公道話, 其實可能我見佢地呢個環境已經未食就開始扣分, 因為店內衛生真係...

原來莊士敦廣場都有分店, 咁我估如果有下次的話我必定去分店, 感覺會好一點吧.

地址 : 佐敦吳松街66號
電話 : 2332-7366 

心裏心裏有個迷

其實我想問下大家會唔會去莎x同卓x到買化妝品呢?

自問我自己就唔會了?? 點解? 仲記得當年讀書時, 去咗莎x到買咗支香水, 佢sample 比我聞係無問題架喎. 但係買咗番去開咗閒咗唔同味. 所以自此之後都我無再同佢地買呢d野. 但係我又唔係一d 野都唔買, 我會買下日本果d洗頭水, 仲有係暖包咁囉. 好似都無買過其他野了.

我記得以前有小篇報導話佢地係賣過期 / 差唔多到期的貨品, 但唔知係咪真, 但吸取之前的教訓, 我都係perfer 比多小小錢去counter 買好過了

記得有一次一個國內朋友來香港, 佢問我點解呢d 店舖差唔多所有人都係國內人. 點解無乜本地人去買架呢? 你地唔到呢d 地方買架? 點解呢? 我當時心想, 無理由話我覺得佢地賣的貨有問題, 所以我最後只係答, 因為counter 可以慢慢試, 仲有sample 送, 呢d 地方無囉

講咗咁耐, 其實我想講, 我地响香港唔會入呢d 地方買野, 點解去到日本同台灣等地方又唔去counter 買, 要去葯房呢? 大家都知葯房係比counter 平好多, 但係大家真的唔怕佢地都係賣差唔多到期都貨品咩?

呢個問題一值都响我心內, 希望大家可以話我知點解大家唔咗香港呢d 葯店到買野. 但去到其他地方又去呢?

靚靚頭飾 @安室奈美惠

靚靚的安室, 佢個頭花好靚丫, 用呢d 來做 big day 頭飾大家覺得點呢? 

 

All the day breakfast@ The Flying Pan

講咗好耐好耐好耐 (耐到都係差唔多有幾年了) 話想去呢間餐廳到食個 english breakfast, 但係都無的起心肝, 終於... 某某星期六同丙丙一齊去呢到食brunch.

呢間係24小時營業, 無論任何時候, 賣的野都係一樣, 入到去外國人多過本地人, 可能係中環的原故吧

佢個 menu 都係太complicated, 呢到只係其中一頁, 太多睇到我唔知點選擇好

所有野都好似有fixed menu, 但係又好似唔係, side dish 自由選擇

丙丙點咗country omelete, 蛋包住chicken, sausage gravy 同cheddar cheese

side dish 佢點咗 -- lyonnaise photo & tomoto soup

本來想點egg benidict 但最後就點咗 flying pan

flying pan 本身係包咗3 eggs, 2 bacon, 1 ham, 1 sausage patty

而side dish 我就點咗baked beans 同 garden salad

食完呢3集蛋, 睇來一個月都唔洗再食蛋了

最後來個orange juice, 真係要消消濟

好滿足的一餐, 但係超飽.

Website : http://www.the-flying-pan.com/

我的床上用品

今次响sogo 同一田的大減價中, 我平時都以為一田d 野會平d, 但其實今次發現唔係架, 一來sogo card 有additional discount, 二來又唔洗排咁耐喎

今次响sogo 到買咗呢一set Sheridan, 原價$2470, discount 後$988 (sogo card 仲有additional 5% discount)

仲有响一田買咗呢個新出的 after discount -- $1,065

今次買唔到紅色床單, 睇下幾時有discount 再買.

望下望下, 突然發現, 呢2個pattern 都幾似下..

再戰天喜 (己結業)

某某星期六同丙丙食完午飯, 到夜晚都唔肚餓, 但係如果唔食小小野, 到11點肚餓上來都唔知點好, 所以我地決定都係食日本野, 細份d 適合我倆

本來想去試下恒和鑽石大廈的其他店舖, 但係都唔知選邊間好, 所以最終...我地去番天喜, 一來有信心d, 2來想試下佢地夜市的食物水準

先來個前菜.. um.. 我都唔太識形容, 味道ok 啦, 無乜special.

北海道蟹棒沙律 ($52), 好好味丫, 北海道蟹棒同其他蟹棒味道果然係唔同d, 仲有蟹籽都好鮮味

串燒係我的至愛.. 呢到的牛舌厚切都不算便宜 ($58) 但係味道的確唔錯, 仲因有厚度咬落去先好味

雞翼塩燒 ($48) -- 果皮燒得好脆, d 肉咬落仲有肉汁 good!!

我聽到呢到的老闆同其他食客的說話, 果來呢間同備長都係同一老闆, 唔怪之佢地的串燒咁有水準啦

最後來個超飽肚的東西, 就係軟殼蟹加州卷 ($78) -- 大家都知食牛油果有幾飽肚架啦, 所以食呢個係必飽的,  但係我地點咗呢個之後等咗好耐先有, 在問咗幾次之下差點我地要cancel order 之際佢先來到, 軟殼蟹我估都係新鮮炸的, 點解用"我估". 因為我食的時候已經係凍冰冰了.. 唔知係咪師傅唔得閒定係乜呢?

總括來講, 雖然係美味, 但係價錢比起午市實在差太遠, 為咗節省金錢, 都係午市夠為適合我呢~~

My wedding shoe -- DYOS

早前响dyos 到訂造咗對鞋, 終於有得拎了 (其實都拎咗幾個星期, 不過宜家先有時間post 番出來)

唔知點解, 响呢間屋企影出來的相永遠係唔合心意, 希望屋企快d 裝完裝等我再影多次

Dinner buffet@Marriott Cafe

丙丙話我咁辛苦影pre-wedding + 減肥, 為咗為勞下我, 決定同我食飯餐buffet 喎. (之不過其實我都從來無減過肥 ) 不過唔理啦, 佢話去食飯餐好咁當然去食啦

JW Marriott 的 buffet 一直都大受好評, 但係我就從來未去過, 今次好其待呢一餐, 所以丙丙早幾過星期就book 定位, 唔知呢一餐同Yamm 有無大分別呢??

先講冷盆 -- 壽司得以下三種, 種類唔算太多, 刺身也不是我今次的target, 只得北寄貝, 三文魚等

蟹子沙津好好味, 出乎我意料之外

沙律吧有好多種選擇, 仲有2種唔同的煙三文魚, 但係味道對比之下比Yamm 差好遠.

跟住到主角出場啦!!佢地分別係加菲蟹, 龍蝦仔同波士頓龍蝦. 老實說, 大家對佢地的蟹同龍蝦都一致好評, 但係唔知係咪我當日的水準比較差, 加菲蟹無鮮味, 波士頓龍蝦比龍蝦你好一點, 但都不算好鮮甜, 仲有去到8點已經只得龍蝦仔.

早前問過店員lunch buffet 同dinner buffet 有什麼分別, 他問告之分別在於龍蝦, 但lunch buffet 只係26x 而dinner buffet 係43x, 咁我覺得lunch 會worth d, 而且龍蝦跟本唔太好食

對相之下蝦反而鮮甜, 值得推介

青口都係鮮甜, 而長腳蟹就只得鹹味而沒有鮮味, 仲有Yamm 所有長腳蟹都已經開咗邊, 好容易就食得, 而佢就仲要慢慢剪開

熱葷都有好多選擇, 例如佢地最出名的花膠, 的而且確係幾好味. 但係食多2件就超飽肚.

佢地無蒸全條魚, 但就有呢d 一件件的班片

仲有最估唔到的係平平凡的意粉, 我反而覺得好香好好味喎

至於牛扒, so far so good, 無特別驚喜

佢地的甜品選擇都有很多, 係回本必食之一. 仲有Haagen-Dazs ice-cream, 但我覺得Haagen 太甜啦, 但喜歡食的朋友, 佢地有4種選擇

總括來講, 呢餐buffet 的好失望 (可能我見好多好評而期望過高吧) 我覺得Yamm 好食過JW 好多, 但係有好多人都話Yamm 差咗好多, 唔知係咪真? 見openrice 佢地的負評比起JW 多好多. 但JW我都覺得物非所值... 咁Yamm 咪

講真, 如果以lunch 來計, 我覺得JW 的確係一個好選擇. dinner 呢? 我個人覺得好一般.

(P.S. HSBC 白金card 有8折, 加一以原價計)