今日赤口, 所以好多野都唔唔適宜做, 一大清早, 我同丙丙去咗蓬瀛仙館祈福
一去到大學站就發現人頭湧湧, 原來係好多本地遊的旅行團.
我地由粉嶺地鐵站行數分鐘就到蓬瀛仙館了, 佢無車公廟咁多人. 所以好舒服, 門口仲有不小店舖出售太歲衣tim
館內仲有不小飾物出售
呢到的齋菜係好好味, 但時間仲早, 所以未係時間食午食
今年香港求到下籤, 希望一切都係過眼雲煙, 好快會雨過天青
蓬瀛仙館: Website
呢間日本料理位於漆咸道南, 每次經過的時候都想入內進食, 但被佢重門深鎖而卻步, 但總要去試試, 所以我地決定去試下佢地的 lunch set
店內以日式裝修為主, 店內分為2邊, 一邊係撻撻米, 另一邊係bar 枱同幾張桌子
我地入內進餐時都已經係佢地lunch 時間的last order, 所以二話不說就叫咗2個set.
首先來的係薯仔生菜沙津, 好fresh 的前菜
我就點咗迷你壽司+烏冬定食
鳥冬湯底清香滿溢木魚香, 烏冬煙韌彈牙, 但比不上 hokahoka
壽司別有熟蝦, 吞拿魚, 墨魚 同一件唔記得係乜壽司, 仲有係有2件手卷
飯都幾大粒, 但算不上上等的日本粒, 但以呢個價錢, 都算係水準以上了
丙丙就點咗燒牛肉, 佢話牛肉燒得好香好好味.
最後來個甜品, 我見隔離枱係日本人常客就比一個柑, 我地就每人半件, 如果你唔要柑, 可以要咖啡呢
總括來話, 呢間係一間不過不失的日本食店, 我地進食時有人入內購買10幾隻生蠔, 唔知佢地生蠔係咪真係咁新鮮好味呢, 我先老闆娘收佢$80一隻
日本料理 - 櫻: Website
地址: 尖沙咀漆咸道29-31號溫莎大廈
網上食評提及午餐都唔錯, 我地又見過網上menu 都幾好, 所以決定再會一趟
佢lunch時間係去到14:30, 我地到達時都唔早了, 所以入座時只有一枱食客, 我地睇完menu 之後決定點炸雞定食同法式咖喱牛尾, 大阪和風豬肉丸.
首先來個蒜蓉汁菜絲, 藕片, 青瓜片, 生菜沙律(內有洋葱+白酒醋)來醒醒胃, 呼喚一番未甦醒的味蕾
跟住來的就係我地另外點的大阪和風豬肉丸, 一上枱就嗅到一陣好香的豬肉味, 平凡中帶一點不不凡, 肉丸用上半肥瘦的豬肉, 食落甘香. 不能用筆墨來形容
炸雞定食 - 雞炸得皮脆肉嫩, 咬落去仲有好多肉汁流出來
法式咖喱牛尾 – 牛尾煮得淋而不爛, 骨肉之間有豐富的膠質, 微辣中隱約帶出果香的咖哩汁,濃厚兼而,有別於一般的日式咖哩
今日影d想唔係好靚, 但食物質數好高, 會再去品嚐
味十味: Website
地址: 銅鑼灣, 登龍街, 永光中心7樓
Tel: 2836-0671
點解準時收工都會無奈, 今日有得準時收工, 即係代表我明天唔知幾點先收工
無用的美國人, 點解唔可以早d 做曬d 野比我早d做analysis 喎, 仲有係星加坡人, 都是知大家都要放新年啦, 响呢個時候仲去放AL, 玩嘢咩!!!
唉!!! 無法啦, 唯有等你地入曬d data, 希望無乜flux 唔洗點解啦!!!
最近好煩丫. 因為公司有錢比我地讀書, 咁當然要同工作上有關啦. 就係咁, 我就想下係咪應該又拎起番工書去讀呢?
上個星期六, 我去咗灣仔到睇MBA 展覽, 當中有香港, 澳洲, 美國同英國d大學. 我自己本身唔係太鐘意美國d大學, 因為佢比人都感覺好似買個位番來, 除非佢係一d好出名的學府啦, 至於英國, 我又唔想寫論文喎, 好似好辛苦咁. 所以都只有澳洲同香港可以選擇.
香港果d要讀2年, 每年9月開學, 差唔多deadline 報名, 至於澳洲個d, 1年有4個intake, 即係1年可以報2次, 所以如果真係要讀澳洲果d 都唔洗咁急去讀.
問題來啦~~ 讀唔讀MBA 好呢, 要讀的話又讀 HK d U 好定澳洲呢
澳洲個d 每間 U都唔同, 但大多數都唔會好似d local U 咁成日要番學. 我自己本身想讀POLY, 但問過一星期要番2日學, 1 個 sem 要讀2科, 每科都會有幾份工課要做, 仲有係exma, 聽落去好似好辛苦咁. 我又唔係d 好勤力讀書的人, 會唔會讀唔掂呢, 會唔會無曬自己d時間呢
澳洲個邊呢佢一星期只要番1日, 但係要online 答lecture d 問題, 仲有.. 佢地係外國學校, 所以寫case 寫 local firm 好似唔係咁好.
唉!!! 真係唔知點choice好啦!!! 苦惱 です
最近都唔知點解, 超忙.. 無論係自己私人野, 定係工作上都忙到死. 好似一d 時間都無咁, 以前我好多時都會得閒睇下日劇, relax 下, 但我連剛剛過去咗個季日劇都未有時間睇曬, 都唔好話來緊呢季啦, 仲要係今季有乜日劇我都唔知... wow.. 好差呢
上個月趕頭趕命咁做完咗個year-end, 話咁快又開始新一年都mth end 了, 不得不說呢間係我做咁多間公司最好的一間. 何解?! 首先因為 US 人要過X'mas, 平時我地28號要做起的數每到12月就23號要做完, 之所以係咁, 我地先有個好好的聖誕, 唔洗掛心d 野响工作上.
今日的新年多得特別早, 又係剛好係我地月結的時間, 就係咁, 我地又要提前mth end, 原來中國新年都有好多國家會放假的, China, HK, Taiwan, Korea, Singapore, AU 等. 呢d 國家全都同我mth end 有關. 所以佢好放假對我來講都係好事, 因為大家都要做曬d 野先可放假丫嘛!!
在世界任何一個角落, 被稱為米芝蓮餐廳乃為一等一的食府, 在2008年, 香港出咗一本米芝蓮餐廳, 但星級標準並不令人滿意
洞庭樓被米芝蓮評為分舒適的港食肆, 呢間係美心集團的食店,食的係湖南菜.
我係第一之係呢間餐廳, 也係第一之食湖南菜, 丙丙話呢間餐廳都幾好食, 而我對美心集團的餐廳都好有信心, 仲有係丙丙話好味, 我覺得點都唔會差得去邊. 但係價錢呢? 算係咁啦. 都有小小貴, 但係環境同服務都好好, 所以我覺得都值得
menu 好大本, 對我來講唔知點乜好, 又有好多野想試, 所以最終我地點咗set. 唔洗苦惱
呢間野d餐具好精緻, 中式餐廳帶點西化的餐具, cross over得來又好 match
首先來個小食, 好味!!
跟住就係蒜泥麻仁白肉, 好大碟, 唔算太麻, 對我來講好識合, 因為我唔係太食得麻辣
岳陽餈竹節雞盅, 好特別, 你地見到面個件白色野就係雞啦, 佢打碎咗做成的, 個湯好鮮甜, 好味喎!!
北京宮爆杜鵑蝦, 總共有4隻蝦, 雖然好似唔多咁, 但有咁多食野每人2隻就剛剛好啦, 隻蝦好大隻, 爽口
洞庭豆酥鮮魚, 啡色個d係豆酥, 雖然好特別,但係我就唔係太鐘意啦, 因為好"NAU"但魚就好新鮮, 一梳梳的.
雲南小瓜山珍菌, 呢個無乜特別, 但我自己本身好鐘意食菇菌數,所以係咁食食食...
食到呢到, 我已經係好飽飽啦, 呢個湖南擔仔肉子麵都唔係好食得落, 雖然我都有食過幾啖, 但係因為太飽的關係, 好唔好味都好難評了
最後來都甜品啦, 桂花酒釀百果小丸子, 好柏食酒釀丸子, 仲有好香的桂花味, 雖然真係太太太飽, 但係都食咗半碗
呢一餐連小吃, 茶水同加一成為$500. 雖然有點貴, 但係真係好好味, 有機會會再去
今早5:45, 訓訓下突然醒咗, 我習慣會睇下幾點, 丙丙幾點訓 (佢通常訓之前都會 send 個msg 話比我知), 一睇.. wah.. 唔係嘛, 佢5:35 send 個msg 話佢訓啦...
第一次, 真係第一次丙丙都野都到咁夜, 呢幾日佢都好忙, 有時4點幾, 有時2點幾, 有時我好wonder 係佢做得慢定係真的咁多野做. 咁當然, 我覺得兩者皆是.
睇到佢為工作做到咁夜, 我真係好心痛, 就係咁, 我睇完之後都無訓到啦, 一直都鬧鐘響我就起身
我曾經問過丙丙, 你成日都做到咁夜, 無時間休息, 壓力又大, 係唔係值得呢? 佢想都唔想就係值, 同佢覺得做得開心
雖然係咁, 但身體健康真係好重要, 我越來越擔心佢會捱到病同身體會差曬
雖然佢尋晚, 應該話今早咁夜訓, 但佢知道未來幾天都會好唔得閒, 會有好多partner 會約會, 無時間見我, 就係咁, 佢5點幾個時send msg話想同我一齊食飯, 見下我喎...
多謝你! 雖然你很累, 但都抽時間陪我, 雖然你想去遠 d 的地方食得好 d 同舒服 d , 但係我想响你公司附近食完, 同你一齊座車, 咁你就可以早 d 番屋企, 早點休息
我真係好希望你會多加留意自己身子, 野係永遠做唔完的, 錢係永遠搵唔曬, 老闆永遠係對員工要求多多的!! 而丙丙就只有你一個
响永利賭完之後, 我地又去行下, 唔知係唔係呢幾日食得太多, 所以一d 都唔肚餓
我地就係咁周圍行下, 去咗市政大樓, 估唔到.. 呢到又幾靚下喎.. 如果係夜晚, 咁就應該會仲靚d
本來我地想去順德行到食豆腐花, , 搵咗好耐, 最終要問人先知响邊, 但去到佢話已經賣曬, 當時我仲先到有人揸車去買豆腐, 可見困真好味.. 可惜我地無機會食.. 唯有下次啦
見好多人買魚蛋同牛雜, 我地又排下試食下... 總括... "難食", 唔怪得d人話香港得魚蛋好食啦, 我估d澳門人無食過好味的魚蛋, 所以呢d對佢地來講已經係好好味
個幾時不停咁食, 食到個肚有d吃不消, 所以最終晚餐去咗八百伴到同丙丙share 咗個辛辣麵再加個老佛爺cake... 就係咁, 2日一夜的行程完滿結束, 唔知下次旅行係幾時呢?? 好希望係4月啦!!
