午餐抵食之選@伊呂波

今次我同丙丙第一次來呢間食店, 佢係位於好多日本餐廳的渣甸中心. 今次我係第二次同丙丙食日本燒肉, 記得第一次係去盛八的晚市, 雖然係好食, 出門口唔會好似韓燒咁有一陣陣的燒肉味, 但係晚市的價錢比較貴, 我見响openrice 到好多人都稱讚伊呂波的午市定食, 所以一於同丙丙去會一會呢間食店

午市定食有多種選擇, 我兩看了很久都決定唔到食乜好, 最終我地點咗:-

♦ 伊呂波定食 $90 (可以選擇牛肉, 雞肉同豚肉), 我地當然係選擇咗牛肉啦, 呢個set 仲包括天婦羅, 刺身, 漬物, 味噌湯, 茶碗蒸

首先到來的是刺身, 盛上時用上碎冰墊底, 分別有三文魚, 鯖魚, 吞拿魚同墨魚, 雖然同湖舟無得比, 但係係都唔錯喎, 有驚喜

天婦羅有炸蝦, 茄子, 冬菇, 南瓜同青椒, 呢個好唔得丫, 麵衣過厚, 千其唔好話比自日本餐廳, 連好多港式日本菜都做得好過佢

茶碗蒸 - 大浠, 蛋味不足, 唔合格

最後都主角出場啦, 伊呂波定食 的牛肉都唔錯, 份量都唔小喎, 味道都醃得好好

呢個爐比起一般韓燒大有分別...

♦ 和牛牛肉排定食 $130 - 包括漬物, 味噌湯, 茶碗蒸同和牛

刺身得兩種 - 三文魚同墨魚, 今次呢個無碎冰墊底, 但同樣新鮮

呢碟和牛無論賣相,味道同之前都好大分別,之前個碟無呢碟咁肥味, 話曬都係和牛喎,但老實講, 呢一碟一定唔係高級和牛囉, 之不過$130, 你又想佢地比D也野貨色你丫. 以呢個價錢來話, 都已經好唔錯啦

白飯雖然係細碗d, 但係之前有太多野做啦, 所以都好足夠

最後多個飯後甜品, ice-cream, 無乜特別, 一般貨色

set lunch 呢個price都真係算抵食, 雖然佢地的天婦羅同茶碗蒸不及格, 不竟佢地selling point 係燒肉, 如果以夜晚的價錢比同一樣的貨色, 咁就唔值了

伊呂波: Official website

UPSET~~

上個星期五, 我打去各大旅行社到問青島package, 佢地間間都話未出4月個package price, 我問佢地大約會响幾時出呢. 佢地答最快都要本個星期五或者過多2個星期

因為我一早睇過去青島每日得一班機, 如果想復活節期間去的話, 附加費要$750 per person, 咁我地打算早2日出發, 即係8號, 因為9號開始就要加價了

今日我發現原來package 已經出咗, 打去問之際佢同我講話無曬機位了.....

佢話可以試下後補睇下有無位...

唉~~~ 唔通我呢個青島之旅會胎死腹中

開心, 擔心!!

丙丙最近好努力去為我做一d野.. 雖然响過去的周未我地都有一齊去睇, 但係都係一知半解.丙丙話呢個係佢要做嘅野喎. 唔比我參與, 所以晚晚都上網搜集資料, 分辦好同唔好…E.. 我有點擔心佢會比人騙呢~~~

好味又抵食@住家菜

住家菜係我同丙丙成日會食的一間中菜廳, 原因係佢係帝國中心有分店, 好近丙丙公司, 所以好多時平日食飯都會去果到

今日我地轉咗地點, 去咗利舞台果個, 無來一排, 原來佢後面果間餐廳已經結業, 佢打通咗2個舖位, 地方大咗, 等候時間雙對都快咗

喜愛呢間食店主要原因係佢標榜不油不膩, 仲要無味精, 好有屋企 feel

是次我地點咗:

♦ 麵豉斑塊煲 - 斑塊算不上好新鮮, 但都可以

♦ 腐乳雞- 幾好味, 我屋企好小整, 幾好味喎

♦ 土魷蒸肉餅 - 都好好味, 但係始終無媽媽煮的咁好味

飯後仲免費附送甜品, 每碟餸菜都係幾十元, 枱與枱之間就比較近, 但係呢個價錢, 地點同服務, 無邊間店舖可以比美 

住家菜: Official Website

婚紗展 - Part II

個show 真係好好睇, d model 又靚女, 唔怪之有咁多龍友啦, 丙丙話我成日掛住影女, 咩喎, 我都有影下d婚紗, 好多件都好靚, 嘿嘿, 如果去到選婚紗影相, 都唔知選邊件先好啦!!

婚紗展 - Part I

上個星期日我同丙丙第一次去婚紗展, 其實我地係想去睇下酒席, 影相, 計下budget 要幾多錢, 原來結婚 + 買樓, 真係要好多好多好多錢, 睇來我地要努力儲錢先得

由於我地一早上網登記咗, 所以入場唔洗錢.

我地一入到去就比台灣d影婚紗相公司拉住, 又呢樣又果樣, 差d唔比我地走, 又話我當你係朋友先係呢個價, 你仲有乜問題丫, 問題係我地第一次來, 乜idea 又無, 之前又無上網做定功課, 又乜都唔知. 仲係其實我地都係睇下, 仲未想影婚紗相住, 攪咗好耐, 先可以比我地走

跟住我地去睇酒席, 都宜家, 我地都未決定到攏酒店定酒樓, 酒店好似好貴咁, 但酒樓又無合心, 因為酒店同酒樓的價錢相距都好大, 所以都係要想清楚睇下要儲幾多錢先得

行行下, 又係時間婚妙show 了, haha, 最終我變咗龍友了, 最衰係無帶大機, 唔係會影得好靚