丁之手作四

呢果係心口針, 又可以當吊咀

材料費$225.. 大家又覺得點呢?

潮州陳勤記+源記甜品

丙丙响附近見客, 難得可以接我放工, 今次終於唔洗去 TST 到食飯了, 食乜好呢??

响 openrice 到search 到好多人話呢間潮州菜好好味, 好啦... 等我地食下睇下係咪真係咁好味先

我地點咗鵝片, 樣就幾好啦, 好淋但無乜鵝肉味

好過份丫, 得上面果幾片係鵝片, 下面係鵝肉... 咁我地洗乜叫鵝片丫???

跟住我地點咗蠔仔肉碎 -- 都算多蠔仔, 但係胡椒過多, 食唔到蠔仔的鮮味, 仲有如果加番 d 方魚好d

最後來個煎蠔餅, 賣相已經唔多好啦, 仲有係一d 都唔好食..

呢餐對我來講十分唔滿意, 早知就去尚興到食啦~~~

由於晚餐唔好食的關係, 我地點到要食番一個好味的甜品, 我地就去咗源記, 點咗蓮子雞蛋桑寄生茶同紅豆沙加蓮子

先講蓮子雞蛋桑寄生茶 -- 對女姓係好好架, 補血虛, 通經絡等... 佢地d蓮子好淋, 仲有隻蛋好入味 very very good

紅豆沙加蓮子 -- 真係好沙的, 做得十分好, 蓮子好淋, 可惜係果皮味小咗d

呢間糖水店真係值得推介, 可惜係遠咗d, 唔係我一定會成日去食

潮州陳勤記

地址: 上環皇后大道西11號地下

源記甜品專家

地址: 西環正街 32 號地下

5月22日係一個好特別的日字

 

我會好好記住呢一日..

22 May 2009

丁之手作三

呢個係我第二堂學的, 我覺得幾靚架, 不過都幾貼頸, 張佢轉做手鏈會好襯d

呢條頸鏈用上藍紋米形珠同象牙 (材料費 $240)

導師話象牙唔會可以入口, 買曬就無架啦, 所以咁貴

Lunch Buffet@Cafe Serena

我真係好小好小同丙丙去食自助餐, 最主要原因係我地食得唔多, 好似好貴又唔抵, 上年因為HSBC Credit 的積分換咗一張 lunch buffet coupon, 本來上年年尾想換多張, 但係已經無咗呢個promotion 了.

一直以及我都好想試下呢間buffet, 以前聽好多人講呢間buffet 都幾好, 但係最近上openrice 到睇發覺大不如前, 算吧!! 都係要去試試, 佢 lunch buffet 都唔算平, 大約$2xx, hsbc card 本來個discount 的, 但係我地用咗一張coupon, 所以乜discount 都無

♦ 我地首先食魚生先, 種類唔算好多, 三文魚都算幾靚, 不過食落去有d冰凍的感覺, 一如網上的人所講, 魚生只是一般而已

♦ 燒餅係即制的, 賣相同味道都唔錯, 仲有丙丙精心的裝飾 (紫菜, 木魚等)

♦ 雲吞本來都唔想食架啦, 但係又想食d 菜喎, 雲吞都幾爽口

♦ 青口同蝦都叫做唔錯的貨色

♦ 焗生蠔都唔錯, 所以食咗幾隻

♦ 燒魚我就無食啦, 因為我怕多骨, 但丙丙話味道都ok

♦ 我都幾鐘意食關東煮架. 日本酒店係唔同d, 連呢d 都有食得食, 但點解無我最愛的茶碗蒸呢

♦ 响自助餐的天婦羅真係唔係太好食, 算吧, 都估係咁架啦

♦ 日式餃子都唔錯, 但係皮厚咗d

野食唔算好多, 好多朋友去食自助餐都係為咗甜品, 雖然我兩對甜品唔係超有興趣, 但每每食自助餐時必定會比平時食多好多

♦ 先來個tiramisu, 多番小小酒會好d, 仲有係唔夠滑再來我最愛甜品cream burlee, 我自己一人食咗3個, 實在太好味了

♦再來我最愛甜品cream burlee, 我自己一人食咗3個, 實在太好味了

♦食甜品又點小得cake 呢? 右上果件無乜特別, 左下芒果cheese cake 幾好味 (我自己好鐘意食cheese, esp 芒果). 右下的芒果甜品又係好好味, 芒果好香

最後來果楊枝金露, 又係我最愛的芒果甜品

其實除咗我以上食果d之外, 熱食仲有幾樣野, 如魚等, 仲有係印度咖哩同薄餅

呢到仲有雪糕同沙冰供食客自制

講真, 如果以正價來講我就覺得唔係太值了, 魚生種類小, 貴價食品一點兒乜沒有, 連最普通的牛扒都無

以$2xx 來講真係唔算太值

地址: 尖沙咀麼地道72號香港日航酒店1樓

淺談日劇

今季的日劇因為無乜時間睇, 只係睇咗Boss, 由天海祐希同竹野內豐主演, 睇咗幾集覺得都好緊張

今日我又睇咗尋日先响日本上演的Mr. Brain, 由木村拓哉, 綾瀨遙同水嶋ヒロ主演, 記得對上二次木村主演的日劇 -- 華麗一族同Change 都唔合我口胃, 睇咗幾集就無睇了, 今日睇完第一集之後我覺得好好睇, 係今集必睇之選. 聽講話木村自從同綾瀨遙合作過HERO SP 之後, 一值都好想同佢再度合作, 唔知係咪呢個原所以今次佢搵綾瀨遙一齊拍劇呢

最近綾瀨遙真係照紅丫, 好多magazine 都搵佢都cover girl, 仲有佢响好多日本產品都做代言人, 唔知你地有無睇開日本的CM 呢?我就好鐘意久唔久都睇下,

綾瀨遙日本CM

GLICO : http://www.glico.co.jp/ice/giant/cm.htm

生茶: http://www.beverage.co.jp/product/cm/namacya/index4.html

Maxfactor: http://www.maxfactor.jp/200903/special03/index.html

Pantene: http://www.pantene.jp/kanaeru/cm/index.html (不過新的一輯會係新垣結衣了)

丁之手作二

呢條係我响香港珠寶學院業餘進修中心聯合主辦 藝術穿珠及半寶石飾物製作課程(一)學的第一件作品

佢話可以作手錬或者頸錬 -- 呢條係用咗3M 珍珠 1.5條, 琥珀4粒, 松石4粒, 紫瑪瑙4粒同攻玫瑰扣

zoom 近d 比大家睇下個玫瑰扣, 係純銀

我到今日今日都未帶過, 因為真係唔知親乜野衫好, 你地又覺得呢條點呢?

血拼的時間到了~~

最近不停咁洗錢. 已經比丙丙話咗好多次

不過.. 一田同sogo 都crazy sales.. 點可以唔去喎, 咁有discount 好過original price 買丫嘛

仲有佢地sales 真係discount 好多.

我決定下個月唔亂洗錢

我要儲錢!!!

串珠手作之一

呢一條係我第一條學的串珠, 不過唔係响工聯會學的, 第一次做手工都係比較差.

不過佢用上日本珠, 所以做出來都幾好

太家覺得點呢?

 

報咗名了 ~~

今日lunch hour 去咗工聯會報名了, 仲有咗會做咗member.. 因為比2年會費有$60 回饋, 報course 仲有10% discount, 所以計落都算係抵

 

因為有加班的關係以終於報咗攝影了, 雖然唔係我最想教的導師, 但係我下半年有其他plan, 所以都係宜家學咗先. 唔知呢個導師會唔會好悶呢??

 

仲有仲有, 我仲報多咗個course, 就係我之前所提及的99.9%純銀黏土銀飾工藝初階, 唔知會唔會好玩呢, 希望唔好又好似上次咁啦..

遲來都報告@榮式燒雞扒

之前响加路連山道見到一間小店大排長龍, 我就同丙丙講要搵日來呢到食, 去完日本的第二日, 我地行開CWB, 之前因為去旅行洗咗好多錢, 所以果餐決定要食平d, 想下想下我就想到呢到一值話想試但苦無機會.

呢最出名係乜, 聽佢個名都知啦.. 咪就係雞扒囉

店子好細, 唔算好多位, 野食都等一陣先出, 可能係即叫即做啦

我地點咗榮式燒雞扒飯 ($34) 同榮式雞扒雞扒飯 ($34)

碟飯都幾大碟, 上網見到好多人話超好味, 自覺就好普通, 未至於報章所報導的一試難忘囉. 的而且確佢地係炸得唔會乾巴巴.

不過大排長龍... 未至於此囉

嗱!! 唔係我咀尖丫.. 連隔離枱都話無特別架~

食完之後發覺跟住果期飲食男女就有介紹呢一間, 原來好多名聲係佢地捧長客, 所以先咁有名

日劇 - 午餐女王

尋晚終於睇曬午餐女王了, 2002年的日劇今時今日先睇, 不過又真係做得唔錯喎.

由竹內結子, 妻夫木聰同江口洋介主演, 最估唔係係光四郎 -- 山下智久, 佢個樣同求婚大作戰係一樣架, 一d 都無變... 其他人都唔多唔小有所改變了

我對個結局有點兒不滿, 因為最終無交代竹內結子鐘意邊個, 我就覺得佢應該choice 妻夫木聰, 對自己鐘意的人毫無保留咁表達出來..呢一個劇真係好值得收看, 唔知係咪人大咗, 好多時都覺得新不如舊

今晚會努子寫番我久違的食評.

我的二三事之1234

之一

最近好想學攝影, 本來一心打算平平地去工聯會學, 但點知第一次去果時佢原來第二日先開始接受會員報名, 由於我唔係會員, 所以要11號先有得報名, 但點知當日打去問的時候, 佢同我講我想報果班已經 full 曬 , 有無咁快丫 , 其他班上課地點同時間都唔理想, 最難得係我說服丙丙同我一齊我.. 唯下有無加堂啦

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

之二

睇下睇下工聯會d course, 我又想學99.9%純銀黏土銀飾工藝初階,真係唔好咁大聲,丙丙知道又會話我,我上次己經學咗藝術穿珠及半寶石飾物製作課程, 果課程唔好貴 $550, 但係跟住買材料先貴丫, 差唔多要 $1800, 最死係 d 野又老又土, 做咗都唔多會帶, 所以有幾樣野我只係學咗, 無買材料, 但係純銀黏土銀飾工藝初階係己包材料喎, 都係想清楚先

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

之三

最近不停咁睇日劇, 其實我一值都有睇開, 不過今次睇呢果係因為我見好多blogger 話睇完午餐女王之後愛上蛋包飯, 所以我決定搵香d舊野睇, 果然又出乎意料之外好睇喎, 仲有小小就睇曬了, 跟住就追番今季的日劇

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

之四

突然發覺最近懶咗update 果 blog 因為掛住睇日劇, 一日24小時都真係唔係好夠用, 要分配下先得

蓮香樓之分店 -- 蓮香居

丙丙話好耐無去過蓮香樓了, 好掛住佢地的食物, 所以我地一於尋日去開中環就打算去呢到飲茶

星期五晚上網比我睇到原來蓮香樓响上環到開咗分店 -- 蓮香居, 所以我地決定會一會呢間分店同本店有無不同之處

蓮香居比蓮香樓大好多, 店子有二層之多, 無一層的面積都比蓮香樓大, 但係一樣都要搭枱

佢地所有班子都係新雇用的, 場面比蓮香樓更亂. 所有碗同碟都係未清乾淨, 仲有食物或者係油漬响到.

是次因為搭枱的關係, 所以唔好意思拿起相機拍照...

所謂新不如舊正正合適到用於此. 我地點咗棉花雞, 比起舊店呢到所有食物都好多油, 仲有我地的棉花雞仲要係末熟的. 原來我地同桌其餘2家人, 先後都有點呢個, 而大家都雞都係未熟.. HOW COME.. TOO BAD

其他食物都比舊店差, 又好小點心出爐, 幸兒我地座近廚房位, 所以有點心出爐可以9秒9拎到, 如果座入面見到點心車先出來拎的話跟本無可能拎到任何點心. 新出爐的點心不到一分鐘就沽清, 可想言之情況比舊店更差. 最後所有人都响廚房問口等出爐

一間比本店仲差的食店, 你估我仲會唔會光顧?? 短期一定唔會, 睇下佢遲 d 會唔會有改善啦

聽同枱的人話蓮香樓宜家內部裝修, 6月1日先重開. 所以要去蓮香樓的朋友要注意了

 

丙丙b'day@海景軒

本來好想同丙丙放半日假一齊去360玩, 我地到今時今日仲未去過丫, 呢幾日仲要係咁好天, 但係丙丙話好多野做, 所以唔去得喎.. 吓.. 要番工咁即係無得準時走啦, 呢個真係頭痛丫, 又要食中菜, 又要唔貴, 又要响尖沙咀區... 真係考起我丫

但係呢小小野又點會難到我丫, 最終我選擇咗海景嘉福酒店的海景軒, 佢係洲際集團其下, 所以都唔會太差

前菜我地點咗蔥油海蜇, 份量好多, 但始終比不上上海老店

花雕蛋白蟹拑 ($98/隻) -- 蟹拑好大隻好鮮味, 花雕唔會太濃, 做都恰到好處, 蛋白都好香滑, 果然係招待菜

蜜梅京燒骨 ($128) -- 燒骨肉質鬆化, 但係略縑過, 但如果可以酸一點就更好了, 呢個都幾好食, 但有小小美中不足

丙丙話如果自己有焗爐都可以做到喎.. 嘿嘿!! 有機會等我買個焗爐睇下你係咪真係可以做到好似人地咁好食

黑松露菌炆雞件 -- 好有fushion, 但係無乜特別, 雖然隻雞好有雞味, 但係就食唔到黑松露的味道, 佢仲另外有個汁比我地, 驚我地唔夠, 但都係無乜味

呢到唔算話一間好超高水準的餐廳, 但如果以酒店的價錢來計佢都叫便宜了

仲有係HSBC credit card 有8折, 所以折咗之後呢一餐係$59x

Pre 丙丙生日飯@湖舟

自從上次食過湖舟之後, 丙丙對佢念念不忘, 所以佢話想生日前再來食喎, 又慶祝佢 xx 歲生日

今次我地大家都一樣點咗三色丼, 我就要咗海膽, 銀雪魚同中拖羅.

而丙丙就點咗海膽, 中拖羅同三文魚子

每一個set都附有漬物, 前菜,茶碗蒸同味噌湯

前菜係菠菜加上木魚汁, 好味... 唔知茶碗蒸係咪用上雞湯呢, 因為食到一陣陣的雞湯味

講番個主角先, 切碎咗的中拖羅好香, 比起定食Doraya 好食好多, 你地睇果色澤就知啦. 由於我唔食三文魚子, 所以唔知係乜野味, 但係丙丙就話好好味, 今次d海膽有d 腥, 真係好失色

另一個同上係一樣, 分別在於銀雪魚, 雖然無上次咁鮮甜, 但都好味

以上兩個都好大碗, 我同丙丙都食唔曬

話時話, 今次d 海膽真係唔係好得, 如果我地第一次來食到呢個質數, 再食的機會會細d, 所以上篇提及好唔好食有時真係好睇彩數

其實呢間係一間好高質數的日本食店, 下次會去食佢其他的食物

 

申延閱讀

必食之選@湖舟

Openrice 20大排名之一@Applegreen

之前同丙丙經過呢間餐廳都有好幾次, 每次都好多人仲要一定要訂枱, 後來上openrice 先知佢係20大的排名, 佢响TST 同MK都有店舖, 係咪真係咁好食, 真係要試過先知

我地响五一當天到會呢間餐廳, 唔知係咪 d 人去曬旅行的關係, 平時 friday 會超多人, 但當人仲有吉枱

先來一個是日餐湯 -- wild mushrooms ($28), 呢個湯都幾creamy, mushroom 係打碎曬, sorry, 唔知係咪小妹味蕾遲鈍, 所以食唔到蘑菇的香味

跟住來個 salads, 我地點咗凱旋沙律配烤雞肉 (half portion) ($51). 如果得2個人的話一定要叫half portion 丫, 因為都幾大碟, 點 full portion 一定唔可以點2個main course.

講番個沙律先, d 菜唔係好新鮮, 有d有小小啡, 仲有係烤雞唔香, 切到好細粒, 所以都係一般而己

Pasta 方面我地點咗南部香辣 ($108), 我地問過店員有乜材料, 佢話有d 海鮮, 蝦, 同腸咁

呢碟pasta 都好大碟, 食完都有9成飽了, 至於海鮮方面, 我地眼見只有一隻蝦切咗4件, 腸就比較多, 真係好想問番個店員呢d都叫做有海鮮咩?? 我地真的想退貨. 至於 pasta 方面做得恰到好處. 唔會好淋身

最後我地點咗三文魚配蕃薯蓉 ($132), 出奇地呢個又好食喎, 三文魚好香好味. 仲有蕃薯蓉都好甜. 但因為我地太飽的關係, 所以最終take away

你問我好唔好食, 我就話唔好食多過好食, 未至於openrice講得咁好食姐. 不得不提,我地本來想點青口的, 但佢地話今日唔新鮮喎, 所以唔賣, 都算係咁啦~~

是好與否, 都係要自己親自試過先可以作評論, 因為有時又好講彩數

Applegreen: Official Website

Address: Shop3, G/F, No.5-7 Hanoi Road, Tsim Sha Tsui

五一之旅@迪欣湖

風和日麗去邊好, 當然係下郊外, 吸收一下新鮮的空氣啦

迪欣湖開咗咁耐, 我地兩個都未來過... 話曬都係香港人點可以未去過架.. 好一於去行下先.

迪欣湖活 動中心佔地約達30公頃, 位於迪士尼主題公園旁, 內有全港最大的人工 湖,緩 跑徑,兒 童 遊 樂 場,服務中心和植物林等等

嘿嘿!!! 原來係無乜野睇架, 仲話係活動中心, 最有特色只不過是湖中的噴泉, 當天只有數人租小艇於湖上玩樂

本來以為呢到會無乜人, 點知係超多人, 本來呢到係人單車租的, 但當天未見有人租借, 但係家長帶咗小型單車比小朋友玩樂

我知呢到係拍結婚照外景其中之一地方, 如果我未去過可能都會選擇, 但係去過的話就NO NO NO, 跟本無乜靚景點

唔知係咪大好太陽的關係, 當天好多花都已經謝曬

响香港好小見到柳樹, 但响呢到有喎

因為真係無乜野睇, 所以我地好快行軏, 呢個係巴士站, 外型都幾靚, 仲有風扇, 夏天等車都唔會太熱

唔知係咪呢到都係迪士尼都範圍, 所以連街燈都有迪士尼都 logo

咁早行完又無野做, 我地就去咗東涌果outlet 行街了.