又一實驗証明, 分店係差d @大戶屋

最近成日掛住睇結婚d野, 又因為要儲錢, 所以都小咗出街食飯, 又或者去茶餐廳就算. 所以好似好耐都無寫過食評咁, 而家快d 補番先.

大戶屋响香港都開咗一段時間了, 對於响港島東番工的我, 大多數都係去康怡店, 水準一值都keep 得好好. 上幾個月佢响times square 開咗第一間分店, 開咗無幾耐我地去過一次, 但係由於太多人等候的關係, 所以放棄咗

上星期五, 因為要OT, 所以叫丙丙去CWB 到食飯, 超忙的我就交比丙丙想想當天去食乜東東… (但佢想來想去都係d 之前食過的野, 真係毫無新意… complain 中) 佢想去東京和食, 但又唔book 位喎, 咁當然去到係無位啦, 跟住佢又話要去味十味.. 咪玩啦.. 去味十味食一餐幾貴先得架, 又話要儲錢….

最終我就話去大戶屋啦, 睇下要等幾耐位啦!! 上到去出奇地只係要等2張枱

, 但要人齊先入得, 我就叫佢9秒9由times square 過來. 時間剛剛去, 佢一到就有位了!!

講咗咁多費話, 入番正提先, 我地今次點咗2 個set + 1 個小食

♦ 廣島炸蠔

炸蠔, 炸的好香好脆, 一口咬落去時好多肉汁 (好食)

♦ 大戶屋風深川汁蜆肉飯

蜆肉好多同新鮮, 仲有大量紫菜, 但係我覺得湯底太鹹 (so far so good)

♦ 大戶屋午餐

雖然個名係午餐, 但其實唔係午餐, 呢個煎蛋, 炸雞同薯餅

佢同的係日本雞蛋, 味道同中國雞蛋係唔同, 單單蛋黃顏色已經唔同了, 味道唔洗講, 好味

薯餅 -- 內有薯肉, 但唔算好熱, 相比康怡店差d

炸雞 – 呢個真係超唔得丫.. 由因為呢個所以我話開分店會差咗, 炸雞係一早做好的, 上來的時候已經好淋身, 食大戶屋咁耐都係第一次食到咁差都東西, 真係本來我認為一直keep 到的水準都已經不再

所以要食大戶屋, 都係去番康怡店吧, 唔知係咪 CWB 地方大所以唔可以即叫即做呢?

仲有唔知佢會唔會响九龍/新界開分別呢?

 

囍之MAU - Confirmed

為咗一take 成功, 我走咗去買咗本25ans, 呢一本係我生平以來買得最貴的magazine

capture 幾張我想要的style, 因為包包面的關係, 所有頭髮整曬上去會唔好睇.

要求 -- 中式褂要個頭複習的頭, 結婚當日會用鮮花, 仲有註冊都會用鮮花. (宜家D 頭髲太黑, 影pre-wedding 之前同big day 之前都會做colour)

夜晚march-in 同晚裝會用頭飾

佢幫我試咗唔同造型同唔同頭飾, 差唔多玩咗3個幾鐘

佢package 係有分早午晚同 full day 的, 我問佢有乜分別佢話其實分別唔會太大, 因為11月的關係唔會太熱, 妝都會keep到耐唔, 唔洗成日補妝, 佢話無得downgrade, 所以叫我 reserve咗早午晚先, 如果到時想清楚係要full day 咁之前同佢講 (真係老實)

就係咁, 我就confirm 咗呢間同比咗50% deposit 啦!!!

Charming Faces: www.charmingfaces.com

囍之化妝 (二)

我開心丫.. 今日終於confirm 咗MUA 了, 雖然上之試果個化的快d, 但係我覺得呢個 fashion d 同靚d, 仲重要係丙丙大人都覺得ok. 今日唔想多寫試妝經過, 遲d 先寫番啦!!

最後要多謝小歌再一次陪我去試妝, 宜家開始要努力搵攝影師了!!!

囍之尋找心儀的攝影師

對於影相有要求的我, 要搵一個合心的攝影師真一點唔容易, 有要求但無 budget, 即係要响有限的金錢搵一個好好的攝影師

其實我都唔算有d 乜野要求, 我覺得最緊要係影snap shot 有 feel, 捉緊每一個細節, 仲要影到sweet sweet 的感覺, 一定要2P1V

其實我好鐘意 Dennis Mok 的style, 果種感覺, 果種 style, 真係好靚, 不過真係超貴啦, 只係2P 的 package $39000

睇完都真係有d 嚇親, 無法啦.. 唯有放棄. 唉!!! 搵 MAU 又煩, 搵Photography 又煩, 希望快d 搵到就好啦!!! 努力!!! 加油

免費Magazine

話說今日本來打算放工去APITA 到買25ANS for 我星期日試妝,  睇定點set 頭, set d 乜頭好, 我今次真有做功課架... 可惜係已經 sold out, 星期六先番.

無 magazine, 咁唯有搵下本free magazine 啦, 我差唔多期期都有拎架. 今次呢本needs 係講09 關西outlet big sale, 佢仲有好野睇架, 例如係日本資訊, 日本食店等...

今次呢本Concierage 比平時厚好多, 雖然係全日文, 但係由細估到大, 健康又愉快

今期真係好精彩, 有介紹香港私房菜, 麵包店... 實在有太多野啦

佢仲有介紹澳門係深圳... 最令我深刻係佢有介紹東部華僑城. 呢到都係好靚, 而家有好多人都去呢到影婚紗相. 去呢到影一定影到唔想走

有興趣的朋友都拎番本睇下丫, 反正唔洗錢的

我的攝影課

話說想自己影想好睇d, 靚d, 出來效果好d, 我就之前去咗工聯會到報讀咗初級攝影課. 本來想報讀張東老師教導的班, 但第一日報名已經full 曬, 其他地點又唔識合, 所以最後我選擇咗另一位導師的課堂

响網上我只係搵到d人談論張東導師點好點好, 風趣幽默, 個個都係學得好開心

但係.. 我呢位導師, 一字記之曰.. 悶!!!

我已經上咗兩堂, 第一堂講相機點樣可以影張相出來的原理, ISO 同白平行

第二堂學咗光圈, 快門, B快門, 仲有係介紹下得獎相機

老師每次都係對住本地讀比我地聽, 咁當然都有同學唔明再問阿SIR啦 (不過有位同學問完又問, 真係唔知佢係咪真係聽唔明, 連我後面位同學都話唔好答佢, 繼續講啦)

因為所有notes 都係响老師本書都打印出來, 黑白點睇喎, 老師有見及此, 買咗好多本書番來賣比我地, 佢真係識做生意喎

希望下一堂唔好咁悶啦, 仲有係可以學到d新知識!

囍之化妝 -- MUA 篇

呢幾日一番到屋企, 只係做一樣野... 就係上網search MUA

之前因為小歌介紹, 所以無乜點去search 過, 但因為想試多果的關係, 日日咗到好用功 (真係以前讀書都無咁勤力丫, 人地話結婚係big project, 我都係深深咁體會了)

 

Chong's make up

我 big day 果日已經有人book 咗試妝啦, 咗佢到book 試妝都要一頭半個月.. 真係有d 誇張 (我見佢blog 到有人問2011年5月了)

通常响得佢到book 試妝大多數都會confirm, 咁即係我機會不大啦.. 睇下有無得試啦 (其實可以搵定其他都得)

响佢個blog 睇到所人新娘子都好sharp, 好醒神. 個妝又化得好.但都收得幾貴, full day 要$7488

http://tw.myblog.yahoo.com/chongmakeup

 

Charming Faces

我都幾鐘意呢個style, 清得來我覺得帶點elegant. 但大家會唔會覺得清得點唔夠sharp 呢?

http://www.charmingfaces.com

 

Ada Yip Oshima

佢呢d style 我都好鐘意, 不過收費太貴啦, 不作考慮中~~~

http://comtools.esdlife.com/blog/index.php?blogId=1805

http://www.flickr.com/photos/muaadayip/sets/

仲有無其他差唔多style 又平平地呢

 

囍之MUA -- 1st trial

首先我要先多謝小歌

.. 山長水遠開完OT 仲陪我入大埔試妝

呢個MUA 都係好平同好快手... 但係唔知係咪我對佢講話我鐘意小歌隻眼長, 所以佢幫我畫長咗隻眼.. 攪到好古怪同有小小誇張咁

 , 但晚妝都唔錯架...

比咗屋企人同丙丙睇, 屋企人話唔好睇叫我轉MUA (其實都唔係真係咁差姐)

丙丙就話日妝唔ok.. 晚妝就ok.. 我比過小歌朋友d 相比丙丙睇, 佢話呢個MUA 化人地日妝又好正常喎, 你可唔可以叫佢化你正常d 呢?? 聽到都真係唔識答

丙丙叫我試多一個MUA 先confirm.. 但係其他好貴喎.. 大家有無又平又好的介紹呢?

99%純銀黏土課程(一)

星期二上咗第一堂99%純銀黏土, 我覺得都幾好玩, 不過好彩佢係唔洗再買材料, 因為圖下呢包7g 的純銀黏土, 價值為$3xx, 我地一包分開2次做, 呢個course 係包4件作品, 即係材料費都已經$6xx, 所以呢個course 真係好平

Silver Clay 係由"純銀粉末","水"和"黏合劑"三種成分構成的純銀黏土

制作過程係分4個step, 第一堂miss 都唔係教咗好多野, 都係講解一下乜野係silver clay, 原來佢比起我地出面買都925 純銀仲要純, 所以價錢都會比925貴. 以下就係制作純銀黏土的四個steps

黏土狀態		乾燥狀態		燒製初期		完成
純銀黏土的水份 作適量增減,可調 整其柔軟狀態		乾燥時,水份 揮發,形態 固定硬化		燒製時,純銀粉 末相互結合, 逐漸收縮		製成後,純銀粉 末融解成型,整體 收縮率少於10%

第一堂講咗點樣以線的形狀去做手飾. 老師示範咗唔同形狀的手飾比我地參考, 見佢做就好似好容易, 但係當自己親手做的時候又係另一回事.

本來想做Tiffany 的心型吊咀, 睇就好似好易, 但無實物對住真係做起上來一d 都唔似, 算吧!!! 第一個手作係咁上下架啦, 我地今次只係做咗steps 1 & 2, 下堂會係製成品, 到時post 上來比大家睇下啦

幾好味的日本菜@兔角

上星期五去接丙丙放工, 唉!! 又係 TST, 有時真係想到頭都大唔知食乜好, 仲要丙丙大人唔鐘意食西餐, 中菜我又唔想成日食, 所以日本菜就成為咗我地兩個成日去的地方.

只係睇佢外形, 真係唔知想點, 食物得唔得呢 (今次我無事先上openrice 到睇清楚有無人話好食定唔好食).. 仲要係重門深鎖

入到去係另一番景象, 好日式的裝修, 店內大部份都係日本食客 (即刻個心都定咗)... 日本餐廳-->日本食客-->信心大增

吞拿魚卷 -- 一台就嗅到好香紫菜味, 吞拿魚好香好好味

雞蛋鰻魚 -- 我發覺我唔係太鐘意食鰻魚, 不過佢都煮得幾好味

鹽燒牛舌 -- 燒得好香, 但係厚d 會更好

燒三文魚腩 -- 我同丙丙都一致話呢個得丫.. 好肥美好香

牛肉稻庭烏冬 -- 比我地想像中大碗, 但牛肉份量比較小, 仲有係煮得好熟, 不過就好香牛肉未, 湯底比較清, 唔算好香果種, 稻庭烏冬好滑好好味

地址: 尖沙咀加連威老道明輝中心尖東廣場1樓108-109號鋪

後記: 丙丙話前兩日去呢到食lunch, 佢覺得相比晚市差好遠, 服務唔太好. 問乜都答唔到喎, 以lunch 來計佢都係覺得Hokaka 好好多 (呢d 都係佢意見, 我無食過lunch, 所以唔知)

囍之pre-wedding photo -- My Dream Wedding

今日同丙丙決定咗 join My Dream Wedding 的 pre-wedding photo, 我地一決定就去做.. 所以話咁快錢都咗了

My Dream Wedding 有別於其他公司, 以我所知其他係比deposit, 但佢一係分6期比, 一係一次過比, 咁我地當然係分6次免息分期啦.. 話時話.. 咁大個女第一次分期付款(雖然都唔係我比)

我地big day 係2010年11月6日, 所以我選擇咗一年前2009年11月6日去影婚紗相

8月9日就要去interview 同選衫, 死啦.. 仲有咁短時間.. 點 keep 丫?? 隻手仲要好粗.. 點算好

真係要 keep fit 了

我地要選3個地點.. 邊3個好呢.. 真係要學下人地site visit下

囍之pre-wedding photo

丙丙最近好勤力 (平時無架), 成日上esdlife 到睇呢樣睇果樣, 我地大家都覺得11月係最理想影pre-wedding 的日字, 佢上網見到人地都book 曬11月了, 所以成日都問我想影邊間

其實記得我第一次去婚紗展的時候, 我覺得CDL 好靚丫, 因為佢地d衫都好靚, 仲有佢地的外景園林, 但係睇得多咗, 發覺個個响果到影都係同一個pose

至於蒙羅麗莎同法國婚紗我一開始就唔係好鐘意, 可能我覺得佢地的婚紗唔係好靚, 所以無乜好感

上星期六去婚紗展時, 我同丙丙第一次去睇唔係style 的pre-wedding photo, 我地睇咗zara bride, 佢都幾平下, d style 我同丙丙都幾鐘意, 但係就無咗我最想要的水晶教堂景囉. 今日上網睇zara 原來係新開的, 佢地租衫的服務態度好差囉, 所以佢地幾平都好, 都係唔會考慮了, 唔想比咗錢又影得唔開心, 一肚氣咪死

今日我地去咗my dream wedding, 佢地同蒙羅麗莎&法國係同一集團, 但係style 就好唔同, 我地見佢影d 相出來的效果同zara 都差唔多, 响esdlife 都一至好評, 雖然比起 zara 貴好多, at least 佢地比人讚, 但係又無咗我最想要的水晶教堂囉, 仲有影外景同室內的衫好唔同, 所以都仲考慮當中 (會唔會有機會影2輯呢??)

佢地咗婚紗展係有外地拍攝的, 我都幾鐘意星加坡的外景, 但係咁樣會洗大咗好多, 我地之後仲要買樓同傢俬, 但我又真係好鐘意喎!!!

好苦惱丫

 

囍之鑽戒

我的鑽石戒指

 

講真. 鑽石戒指呢一樣野我真係唔識, 早前丙丙上網不停咁睇人地買乜牌子, 有乜要注意, 咩叫好同唔好

其實有好多上樓舖都好平, 仲有cert 同 3 excellent, 不過佢話有8心8 箭只要係睇到都叫做有8心8 箭, 即係乜野意思呢??

比如話有小小缺口, 都叫做係8心8 箭喎

雖然d大店會mark up好多, 但佢又唔識, 所以都係信心的保證

周生生都有唔同系列的, 最後佢選擇咗love diamond, 因為呢個系列係完美cutting.

 

面係8 箭, 底係8心(影出來有d難道, 唔係影得咁靚). 佢話鑲咗子後就睇唔到8心, 所以係佢買一粒鑽石跟住再鑲的

 

佢話一生人只會送一次(求婚戒指), 要送就要送最好的, 多謝你丫丙丙!!

囍之婚戒

話說上星期去完 Royal Garden 簽咗contract 之後, 丙丙話不如今日去買戒子囉 (其實我地之前都睇過PN, 4C.. 但係都唔合心, 只係得cartier love collection 我鐘意的.

丙丙話响web 到見到幾個月就加一次價, 反正都睇中咗, 不如早d 買啦. 佢話上網d 人話北京道果間d sales比較串, 我話好似element 有一間, 由TST座車過去都幾近, 所以決定走一轉

我地去到之後話要呢個LOVE 18K 白金, 跟住試咗size 之後, shop manager 同我地講宜家elements 做緊promotion, mon-wed 消費滿$10,000 可以有$500 cash coupon, 咁我地可以幫你即時用番, 佢話平時佢地一定唔會有discount 的, 所以今次真係好抵, 就係咁. 佢幫我地hold 起咗一對戒子, 今日番去買 (其實佢地可以唔話比我地知即時賣比我地, 但佢地無, 真係好好人丫)

今日我上Elements 個web 到睇過, 原來coupon 係先到先得, 額滿即止. 我地去到elements 之後, 先到好多人排隊, 咁即係未送曬啦, 跟住我地就入咗去買了. 當丙丙比錢的時候, 我問佢我洗唔洗去排隊先呢, 佢話唔洗喎, 點知.. 我地去到的時候佢地話已經送曬啦.. 吓.. 咁點算丫?? card 又碌咗.

佢見我地咁快番去都知已經d coupon送曬, 立即9秒9 打電話去幫我地攪掂, 最後都攪咗大半個鐘, 佢用盡所有方法幫我地攪掂, 唔洗我地走多一轉. 佢地都有即刻打比其他hold 咗野的客人, 叫佢地唔好來

Elements 的promotion 係mon - wed, 仲有今個星期同下個星期渣. 由12:00-22:00 (不過我地今日19:15 都已然送曬了, 所以要買的朋友記得早d 去啦~~

http://www.elementshk.com/big5/hot/promotions.php?pageno=1&id=73

仲有仲有, cartier 可以3個月內免費刻字, 等我同丙丙想下刻d 乜野先!!