丁之手作 -- 後言

唔知仲有無blogger 記得我學過銀黏土呢, 响之前銀黏土手作仔之三到做咗隻介子, 過到今時今日都無送到比丙丙

我想講唔係呢一樣野, 而係法國名牌van cleef 個鑽介design 同我之前做果隻係一樣架, 當時我呢個手作仔丙丙話design 唔靚, 無美感, 哪! 人地而家個design 同我一樣呀, 睇下仲係咪話我無design 人份啦~

買一送一的串燒 @ At Corner

本來想順住我食野的日程去寫, 但係如果我今日唔寫, 到我寫的時候呢個優惠已經完結, 就破例一次啦 (haha… 唔知會唔會有2,3,4次呢)

其實呢間食店都唔係我第一次來, 但係早前收到佢sms 話mon-wed 串燒 + 啤酒買一送一; sun 壽司 + 啤酒買一送一, 其實佢的啤酒係得一種… 朝日是也

尋日同丙丙一早訂咗座窗口的枱, 果然串燒係買一送一, 我地二話不說地點串燒啦.

雖然話買一送一, 但係佢地唔會將貨就價, 之不過下次唔好一次過點太多, 因為佢地唔會燒好一樣就比咗你先, 係我order 咗咁多所有野一齊上. 有d 會快熟d, 有d 會無咁快熟, 所以食食下有d 都涼咗, 無咁好食.

雞翼的皮燒的好脆身,但入面不失其肉汁. 雞軟骨都燒至乾身

你地睇, 牛舌是厚切的,好有咬口

係佢地的雞腎落得太多黑椒了, 之不過以呢個價錢, 總不能同日本的串燒作比較吧~~

粟米點了一客, 但一串比較juicy, 但另一串就比較乾身

最後點咗軟縠蟹卷, 呢個都唔錯, 但份量小了一點兒吧

 

順帶一提, 早前來食過佢地銀雪魚同烏冬, 份量都比較小. 雖然話串燒買一送一, 但現場所見只有幾枱食客. 雖然己有2年榮獲米芝蓮食店, 但係同真正的米芝蓮相比, 仲差好遠的距離吧

 

伊藤 -- Ito San

難得丙丙來我公司附近食飯, 今次一定要用佢食好想食好耐的伊藤

呢間伊藤你都咪唔唔犀利, 午飯時間walk in 一定係無位的, 就算即日訂位都係要座bar 枱, 無法啦, 佢店子好細, 座位唔多, 之不過佢地久唔久就有即劏吞拿魚表演, 係小有食店會做到的

呢個魚生師傅雖然後生咗d, 但係制作認真

午飯時間, 不可以飲酒, 唔係一定叫杯來飲

呢d 漬物我每次都係唔會食的, 不知味道如何

前菜係蘿蔔+豬肉, 雖然感覺有點像平時媽媽的煲湯肉, 但係就好鮮甜的豬肉, 加上清清的蘿蔔, 好味

茶碗蒸好滑, 內有雞肉, 冬菇, 魚申同銀杏, 做得唔錯.

呢到的魚生好出名, 所以第一次來食必點魚生啦, 是次點咗四色丼 $220 (呢個四色丼係可自己選擇喜歡的魚生, 我地點咗 chopped tuna belly, yellowtail, urchin, scallop)

 

我之前都講過呢個有久唔久有即劏吞拿魚, 所以又點小得鮪四色丼 ($320), 雖然我覺得以午飯來講係好貴, 但係唔試過又唔甘心.

呢個賣相係咪好靚呢? 加咗枝花成個丼都唔同曬

Zoom 近d比大家睇清楚d, 中toro, 赤身, 蔥toro, 醬油浸鮪. 佢的份量真係唔野小啦, 因為所有野都係厚切.

中拖羅足充滿油份, 好香,好好味

醬油浸鮪係經過灸燒, 雖然我不大喜歡灸燒過的食物, 但係佢地燒完之後唔會好鞋.

蔥拖羅係即製, 呢個加飯一起食係好好味. 就算係蔥toro, 佢都係好香吞拿魚味, 唔會用下價貨色

赤身本以為係普通, 但佢比起中拖羅沒有油膩的感覺, 而且魚味十足

超飽的一餐, 再來一個芒果味的甜品.

食過咁多間午市魚生飯, 呢間數係最高水準的一間, 但價錢也是最貴的一間呢, 不過我覺得呢個價錢食到咁高質數的食物, 也是值得的.

Chili Club

食來食去都係老銅, 再唔係就TST, 你唔悶時我都悶啦. 未悶都發毛之前, 今次走再小小, 去到灣仔近金鐘的chili club

今次唔再食中, 西或日, 來個泰國菜吧

在超肚餓的情況之下, 仲要走一條長長的樓梯, 呢朝好丫. 咁辛苦行到上去 (其實只不過係一層) 仲唔係要叫多d 野

說真的, 第一次聽呢個店舖覺得佢個名都好特別, 但係你地知啦, d 乜club 乜club 一定會好貴架嘛, 但係呢間又唔係喎, 走大眾化.

炸蝦餅 -- $34 幾脆同香口, 唔錯

Tom Yum Kung $40 -- 好似唔多夠味, 再辛辣d 就好啦

黃咖喱 $70 -- 無乜特別, 中規中舉

豆角豬頸肉 $60 -- 未食黃咖哩前食豆角覺得好香口, 但係食完之黃咖哩之後再食就覺得好草青味... 所以有時d 野係唔可以max 起來一齊食

店內有中國人, 外國人同日籍的食客, 呢間我覺得中規中舉, 起大眾花路線, 你唔會覺得佢唔好食, 但好好食咩, 又唔係喎. 不過有時去同一間去得多, 想轉換下環境, 呢間都不失為一個好選擇

Lace Punch

中毒太深, 最近成日上網買野.

呢幾日又見到呢個lance punch 做團購

但係 Will you be my bridesmaid 又做好啦, 買來又有無用呢?

心大心細中 ~~~

用法::

用途::

廣州之旅@買物篇 (UPDATED)

呢個復活節最後2日, 我同丙丙北上廣州, 其實主要唔係買結婚野, 而係咁耐我都未座過和諧號去廣州, 又無錢去旅行, 咁唯有選擇超近香港的廣州

呢個行程真係黑仔, 何解? 因為丙丙未上去前個肚已經開始唔舒服, 所以我地唔可以周圍食野. 不過佢驚我唔開心, 死鼎~~~~

我地無住各位姊妹推介的天一酒店, 不過呢間酒店都真係好方便, 我地今次住咗華廈, 其實都好方便, 又近地鐵, 仲有响藝景園對面

我下以的物品大部份都係江南大道, 我地响藝景園問過價, 其實都差唔多, 不過講真, 我覺得好百年內的手牽手價錢都叫做最平, 但有blogmate 話江南大道內有2層商場仲平, 我就無去過, 以下係我買的價錢, 相片後補

利是封 (正方形)	RMB2/12隻
兄弟姊妹利是封	RMB2.5/6隻
普通利是封	RMB1/6隻
包羅萬有利是封	RMB2
禮金利是封	RMB2
封喜帖信封用貼紙	RMB3/張 (50個)
囍字剪紙	RMB1
囍字剪紙 (絨面)	RMB5 (2隻)
囍字拉花	RMB2
對聯	RMB12 (一對) (最普通果隻, 無金粉)
中式茶壺	RMB56 – 買咗全紅 (比白底紅花貴小小)
囍字紙杯	RMB3 (50隻)
咕"0臣"套	RMB28一對 (連蕊)
紅傘	RMB13
紅拖鞋	RMB18 (2對)

咕"0臣"套 ($28)

囍字剪紙 (絨面)

上左:利是封 (正方形) RMB2/12隻

上右:兄弟姊妹利是封RMB2.5/6隻

下:普通利是封 RMB1/6隻

麵創坊

隱蔽的食店, 响英皇道轉入基利路, 因為唔係大街的關係, 所以小為人知. 早前見食評唔錯, 所以就走進此店.

先來醉酒牛舌 ($25) -- 淡淡的酒香, 味道唔濃, 牛舌炆得腍

芝麻鮮雞 ($48) -- 新雞果然係唔同啲, 好滑, 加上芝麻, 呢個好好味呀

呢到的麵係分湯麵同撈麵, 而撈麵可以配上唔同的醬汁.

我要咗本地新鮮牛坑腩拼魚片頭峇拉醬撈粗 ($68) -- 講真, 以撈麵來計我覺得幾貴架.

峇拉醬配撈麵都係絕配呀, 佢有小小的蝦膏同蝦米的香味, 好好味. 魚片頭就比不上我至愛的謝記, 不過都算好食.

至於牛坑腩配上清湯, 不過還是安記好吃一點.

丙丙要咗牛根腩配雞汁蝦子撈粗 ($45) -- 牛腩好淋, 好夠火喉

麵上佈滿蝦子, 好香丫. 但都比不上我的峇拉醬

地址: 鰂魚涌基利路7號太吉樓地下2號舖