真的要多謝我的MUA

我估响新婚情報到租衫的朋友一定知佢地係唔可以影相的, even confirm 咗都唔可以, 其實如果我一早知到佢地係唔可以影相, 我真的未必會 join 佢, 之不過唔 join 都join 咗, 唯有想想法子

你地知啦, 要形容一件衫係點唔容易架嘛, 真係頭都大曬. 我有想過 big day 前一日去拎衫, 跟住上去 mua 到比佢睇. 但大家都知之前一日係超多野做, 又要趕呢樣, 又要趕果樣, 咁呢個方案係就係行得通, 但係都唔太美好.

前日我send mail 比mua, 問下佢有乜方案, 佢問我响邊間租, 點會無得影相, 我同佢講新婚情報, 租衫同佢mua 間 shop 都係响TST, 佢2話不說叫我唔洗擔心, 等我 comfirm 咗之後唔再改啦, 比個單 number 佢, 等佢自己落去睇

我聽到之後真係超感動呀, 我唔知係咪果果mua 都會咁對d 客, 但係我真係覺得佢好有 heart, 佢令我煩小一樣野.

今次真係响呢到多謝你 -- Charming Faces 的 Amy

苦惱中的花球

選擇花球係我最苦惱的事. Peony 係我最想最要的, 但係11月頭未必有, 咁都算啦, 但係選邊間做我 big day 好呢  

當然我最鐘意係solomon blemen 啦, 過剛上朋友話佢差唔多要2K, 好似貴咗小小喎, 之不過佢又真係好靚喎, 但out budget 無法啦. 仲有我打咗好多次話電想約睇花球, 但都無人聽, 可能我真係同佢無緣啦

 

Miracle 我都好鐘意架, 我都有上過去睇, 最重要我覺得佢好有heart, 仲有佢話要早一日18:30 去到佢地公司拎, 仲要新郎新娘一齊, 因為如果你有乜唔鐘意, 即刻幫你改到滿意為止. 佢地package 都唔算好貴, 佢地會叫你選一個平的package, hold 咗先, 之後你confirm 咗先加錢. 最大問題係, 之前果一日係好多野做架啦, 我所有book 的野都係TST, 為咗佢又要過海.... UM.. 都係想下先.

用freelance 會唔會risky 咗d 呢, 不過kay florist d 花又真係好靚喎.

提外話, 雖然RON 的silk flower 好係靚, 但你地睇咗以下呢果又會點講呢, 唔好講笑, 我第一眼仲以為係真架, 望真d 知係絲花.

 

雖然呢個唔係peony, 但係 Lip Flower 我都好鐘意, 之不過佢已經唔接受今年的訂單了.

花雨晴都係响TST 架, 但係唔多人comment, 大家又覺得點呢? (註: Blogmate 話 big day 用呢間, 超唔得...out)

Natalie Flower 呢間係都响TST, 我又見magazine 用佢, 大家又點睇呢?

雖然有好多人comment 話秋子好, 但網上睇佢d 花覺得唔係我杯茶

Agnes b 唔係唔好, 但係果果都一樣好似無咗自己style.

唉, 點選擇好呢?? 真係要快手d 先得, 我已經比人慢咗好多好多了.

DYOS free 囍字拖鞋

早在上年已經响DYOS 到訂咗WG 鞋了, 估唔到今次佢地進駐婚紗展

只要6月3日或之前填咗表格, 即可以免費獲取囍字拖鞋兩雙 (每對價值HK$50)

仲唔立即行動!!

http://www.esdlife.com/campaign/dyos/201005/

 

Le Salon De Thé de Joël Robuchon

好早之前己經想响呢間野 try下佢地的tea set, 仲有佢地最出名的牛角包, 之可惜星期六同日前往往都太多人等候, 某日的星期五, 我同丙丙都一齊放假, 所以就打算去過下d 闊太生活

我最鐘意食scone, 但係覺得唔夠香同鬆, 食時我要加上大量的cream 同strawberry

Norwegian smoked salmon and caviar sandwich – smoked salmon 係我至愛之一

Blueberry cheese cake – 好香cheese 味, good~~

朱古力我唔鐘意食, 我估無乜女仔唔鐘意食朱古力架啦, 呢件比咗丙丙食, no comment

雖然好多人都喜愛食macaron, 但係絕對不是my cup of tea, 所以我都係唔評分為皆

呢件cake 超香呀, 好好味喎, 叫乜名堂呢?

呢件栗子超超超甜呀, 好明顯我係唔多鐘意食甜野啦

呢個茶壺好重架, 有D 似我買咗的 Le Creuset

每次食high tea 都有超飽的感覺, 連晚飯都可以唔洗食了, 下次一定要試下佢地的牛角飽先, 仲有我好想好想試下洲際的high tea 呀, 我都講到出口囉, 丙丙識做啦~~

東寶小館--東區之寶?

位於渣華道街市的東竇, 就算你無去過, 點都會有聽過

佢地而家都到好犀利, 聽講話星期六同日一定要訂枱, 唔訂你都咪洗止意有得食, 仲有要訂枱時講明要食乜東東, 星期六同日仲有加一服務 (以上資訊從同事口中得知, 未經證實)

呢間東寶究竟識唔識口我的口味呢? 再睇落去就知了... ...

南乳炸豬手 ($78) -- 唔錯, 幾好味, 南乳好香口, 但係手就肥咗小小

豉椒炒聖子 -- 味道都唔錯, 但係細隻咗d, 仲有唔夠乾身

椒鹽九肚魚 ($60) -- 炸得唔脆, 有小小淋, 唔係太好食

平日唔洗等位到可以來食, 如要等位就咪了, 因為佢地寫明多人, 所以出菜約30 mins, 如果真係肚餓的話, 你都咪話苦等之苦

己買床褥 -- Sealy mattress

一日差唔多有3份之一的時間會响瞓覺, 所以床褥都真係好重要, 雖然我同丙丙平時瞓開果d 都係cheap cheap 品牌, 但係結咗婚真係想用比較好小小

見sogo 半年一次discount, 所以我地買咗Sealy hotel deluxe, 聽講話好多國際5星級酒店包括Four Seasons, Ritz Carlton, InterContinental, Wynn, Le Meridien 等都係用佢呢, 你都咪話唔犀利.

今次sogo sales 有75折, 我買咗4'6*6'3 佢再減$1,800, 中銀card 仲有additional 5% off. 我無睇過門市係咪呢個價, 不過我見佢地不停咁加, 雖然仲有半年先入伙, 但係都係買定先啦, 因為佢地可以hold 一年.

上網睇有d 人話買咗佢日日遲到, 因為唔想起身番工, haha 有無咁誇張呢, 不過真係好期待呢張新床褥

 

Cafe O

丙丙話想食pizza, 又唔想去pizza hurt 果d, 又唔要太貴, 要一次過滿足佢的要求真係唔容易, 仲要係我想到食乜, 有時佢又band 咗我, 佢想到食乜, 我有時又band 咗佢... haah 咁當然係佢band 我多過我band 佢啦, 因為佢成鬼日最叻就係叫我想

今次我選咗响亞畢諾道的Cafe O, 其實佢都有幾間分店, 但係我perfer 呢間多d

Beef Lasagna + Side Salad $74 -- 份量十足, 之不過唔洗比咁多牛肉我啦,我想要闊條麵多d. 至於味道呢... good good good!!

Salami (Salami Slices + Red Onion Jam + Tomato Puree + Mozzarella) - $58 Small

好彩點細渣, 比外國人食的野份量的確唔小, 丙丙仲驚唔夠食喎, 我地最後仲要唔曬呀. 不過味道係唔錯, 至於點好法呢, e... 我真係唔識形容喎

Pink Cadillac (orange sorbet + pineapple + strawberry) $32 (S) / $38 (L)

本來我地只係點咗一杯大的, 點知我地飲飲下佢話你地係咪買咗大架, 我地話係呀, 佢話我做呢杯係細的比你, 唔好意思, 攪錯咗, 再做多一杯細比我. 講真佢唔講我真係唔知佢做錯咗比我, 十個讚

至於味道好fresh, 食完呢d 咁濟的野, 飲番杯真係好正

Official Website: http://www.cafeo.hk/

 

食到一肚火的金寶

我都知响呢d 地方唔可以話好好服務, 但都不至於咁差吧

九龍城 – 一個我同丙丙都好小去的地方, 唔知點解上星期六太想去一趟, 咁就座車去了. 早己過了午飯時間, 因為都係無啦啦想去, 全無意識去邊間食午飯, 走下走下又來到金寶. 好吧, 因為已經太肚餓的關係, 所以是但吃點東西

一進店, 明明仲有好多吉枱, 但點都要我地同人share 枱, 算吧~~

等了良久都無人送上menu, 連枱墊同餐具都法有擺放, 即係全無人理會的狀態下, 佢地d 店員係到你無架喎, 只係叫你等等

點菜時情況如下:

丙: 唔該2碗生牛肉湯濛

後生男店員: 要乜

丙: 唔該2碗生牛肉湯濛

後生男店員: 咩野話

丙: 唔該2碗生牛肉湯濛

後生男店員: 要乜粉

丙: 濛

後生男店員: 2碗呀?

丙: 係2碗

過咗一陣, 後生男店員走過來問

後生男店員: 係咪要2碗?

丙: 係2碗呀, 你係咪同我落咗2碗? (都講咗咁多次, 佢真係耳仔有d 問題架?? 開始有點火滾)

後生男店員: 係呀, 落咗架啦

等咗一陣, 個女店員 (好似亞姐) 走過來比咗一碗我地, 我地同佢講order 咗2碗, 佢話無喎, 得一碗, 我話頭先個男仔先double confirm, 佢仲有係落咗2碗, 點會無呀? 佢好唔滿意話同我地落過

其實一食果下我都想叫丙丙唔好要濛, 因為真係碎到呢… 真係有d 夾到夾唔起

我地仲有點咗蝦餅, 但係太油了, 碟上d 油可以倒落來

好啦. 都了結帳, 今次係女店員(亞姐) 負責

丙: 係咪可以用credit card

亞姐唔理我地…

丙: 請問係咪可以用credit card

亞姐唔理我地…

過咗一陣, 亞姐問個男店員: 係咪可以用得credit card

後生男店員: 係呀, 你過100 就可以用架啦, 101,102,103 都可以用架啦

丙就比咗張credit card 佢

亞姐: 簽名… (好惡的態度)

丙: 簽咩名呀, 都未look card

亞姐: 簽名呀, 呢到呀…(wah~~~ 呢d 真係乜態度呀?? 通常都係一次過連簽card 果張單一齊簽架啦, 簽唔緊要, 但唔係呢d 態度囉)

你都咪話食物唔係好食, 單單係服務我都要比負分佢啦

食野途中好闆不停咁話d 伙記, 又話呢樣又話果樣. 有人點菜d 職員又唔走過去, 如果你耳仔真係聽到我都覺得無問題, 但係人家講咗幾次你都仲聽唔到, 係咪應該走過去呢, 好彩佢唔係咁對我, 唔係我一次話佢.

其實我都唔係要求佢地好好的服務, 我都周不時會去茶餐廳果d, 但係不至於咁差囉,

食咗一餐唔開心的午餐, 去番tony 到買cake 令自己開心番

MDW 第二次排板

話說上次4月2 日初睇排板, total 16 頁有14頁要改, Kathy 話大約2 weeks 可以改好, 到時send mail 比我睇, 唔洗去佢shop 到

4月尾打去問點解仲未有, Kathy 話幫我追咗, 佢地做緊

尋日再打去問, 都過咗1個月有多啦, 點解仲未有, Kathy 話佢地睇過, 有幾張要重申掛過, e… 我記得上次係有1-2張想唔到點改, kathy 話send 番去比designer, 睇下佢地想點改, 唔係所有野都我地幫佢做, 佢地唔洗做咩… 唔通就係呢2張相, 要我等到5月25號先有得睇, 到時都唔知係咪真係有得睇

記得之前我有朋友响mol 到影婚紗相, 咁佢地幾rush, 緍期前1-2天先做起比佢地, 佢地知你urgent 都唔會快d , 佢地話要快就要加錢.

但係我呢個case, 等下又一日, 等下又一日, 好彩早影, 唔係到時都唔知點算, 所以各位姊妹, 如果响呢個集團影婚紗相, 最好都係早d 啦

試新野@天膳

呢間壽司店都開咗有一段時間, 今次第一次去, 所以對我來講係新野

網上食評對呢間的品評都好高, 佢地的壽司店師傅係分別為第一批的見城本地師傅& 天芍師傅組合而成.

前菜, 茶碗蒸同麵豉湯, 係定食必有的東西

自選三色魚生飯 ($160) 選擇咗蔥拿魚腩, 海胆, 帶子

單單看賣相就知份量十足啦, 新鮮的食材係魚生飯的必要條件, 呢到的魚生不單新鮮, 而且仲好鮮甜, 不過下次可選特上魚生飯, 仲有有多種唔同的鮮魚呢

自選壽司定食 ($140) 可選擇10 種壽司, 每樣只可點一件, 其實同特上差唔多, 但價錢就平$70, 所以呢個比較抵食

今次點咗大吞拿魚腩, 中吞拿魚腩, 油甘魚, 赤貝, 帶子, 海鰻, 甜蝦, 碎蔥拿魚腩卷, 深海池魚, 雲丹

呢個真係又抵又好味, 真的估唔到以$140 可以食到大/ 中吞拿魚腩, 雖然無上次响伊藤咁肥美, 但價錢唔同不能作compare, 赤貝新鮮爽口, 海鰻香甜, 怪不得有人話食咗呢個之後覺得壽司廣比下去了. 雖然以飯來計始終不及壽司廣始終略勝一籌, 但係魚生的美味道差唔多, 但價錢就相差好遠了

飯後仲有生果同雪糕 (or coffee), 我當然係點咗雪糕作為呢一餐美味的完結啦

地址: 銅鑼灣渣甸中心12樓

New Bangle

原來我一直寫blog 都係寫食野同結婚, 今次講下其他野先.

早前响magazine 先到呢條bangle, 真係襯casual wear 一流, 忍唔住手入貨了~~ 其實我覺得黑色比啡色靚, 但係我casual wear d 衫唔多襯黑色,所以最終買都係買咗啡

d charm 真係好靚, 自己都好睇意, 之不過.... 點解個扣會係開口呢?? 雖然帶咗幾次都仲未出事 -- touch wood, 但係開口的扣好快會比我攪到唔見咗條鏈

新的柜墊

早前响ikumi 到見到佢响日本到買咗呢張濱文様的餐墊, 睇完之後對佢念念不忘, 最後搵buyer 响網上訂購回來

大家睇下ikumi 的 presentation, 係咪好靚呢, 我自己已經有 idea 架啦, 因為屋企細, 所以家俱會買白色為主, 咁呢張野會放响鞋柜頂, 上放小花瓶

(Source : http://www.wretch.cc/blog/ikumichan/13162009)

其實呢張你野可以做乜都得, 有日本人張佢做掛畫, 又有人包飯盒.

而家開始想下點為新屋decoration, 真係想下都開心

係咪真係咁得先?? 榮興小廚

上網見好多人都話呢間小廚幾出色, 是日同丙丙一齊來個測試

menu 選擇唔多, 唔知係咪因為節日都關係定係平時都一樣 (是次晚飯為農曆新年後)

點咗呢到出名的照牌菜 -- 蔥油雞. 小妹真係見識小, 差d 以為佢係炸子雞, 原來係外皮炸到好脆, 再加蔥油而成. 呢個味道都唔錯, 雞都幾嫩.

朱洪武豆腐 -- 响openirce 十個有十一個都話好食, 但對我來講, 麵衣太多, 要我幫佢起皮, 即時想起港式天婦羅. 豆腐入面夾咗雲腿同竹笙, 可能我家的媽媽間唔中都會做呢個菜, 只不過豆腐唔係炸, 而係蒸, 所以自覺無名特別.

如果你們真的要我平分, 我只會比合格一點兒吧. 差唔唔講得, 好好咩又唔係喎~~ Average la~

地址: 灣仔船街7號寶業大廈地下

 

名古屋菜@鳥羽

呢間食店都好多人介紹過, 真係估唔到名古屋菜會引入香港, 太好了, 唔會成日食來食去都係單單d 刺身丫, 壽司, 天婦羅同串燒

喜歡飲清酒的朋友有福了, 單單睇佢地呢個架就知有幾多啦

先來個牛舌小食

梅酒 ($35)是我的至愛, 每每去到日本餐廳都忍不住手, 但係呢杯的梅味淡了一點.

haha.. 又係牛舌, 我的至愛, 串燒中必點之一

廣島蠔 ($28) -- 外面燒到好脆, 入面留有蠔的肉汁.

雞腎 ($18)

粟米 ($15)

炸腐皮溫泉蛋($43) -- 呢味夠曬特別啦, 外面係腐皮, 入面係一隻剛熟的溫泉蛋, 必點之一

八丁味噌焗米茄子($48) -- 之前睇電視節目介紹佢地呢個味噌, 好犀利架, 做呢個味噌的廚師因為咁而拎到博士

腐皮蝦餅 ($48) -- 呢個似天婦羅多d, 不過未响其他地方食過, 可以一試

手羽先唐揚 5 件 ($48) -- 又係呢到必點丫, 同我去名古屋食的唐揚一樣, 不過就超多味精呢, 食完要成日飲水, 辛度可以自己選擇, 記得一座底就要點丫, 因為要等好耐呢

最後來個炒飯食飽個肚, 呢個炒飯叫乜名堂, e... 真係唔多記得, 皆因呢餐都已經係一月頭食的了~~

最後補充一句, 呢到座位唔多, 記得訂枱

Official website: http://www.toba.com.hk/