而家的生活比起未嫁時仲要忙碌, 一個星必有1日要番娘家食飯, 仲有一日係要番老爺屋企 (幸兒2家都住得比較近, 所以唔順要一定星期六同日番屋企食飯)
早前仲要番wedding planner, 不過課程已經完結, 但將會學番學術上的野 (反正無人工加, 那學費就當作加人工吧. 不然的話就好像loss 咗咁)
一星期總會有2日响屋企煮飯 (如果丙丙都在家的話, 但是他總有很多的節目)
在家一日好像沒休息的, 日劇已遠我而去了 (實在無太多時間睇).
洗衫, 煮飯, 掃地, 洗地等… 我是一個十分注重清潔的人, 同事們叫我請鐘點, 不是我不想, 但是要我一個星期先清潔一次, oh!! My godness. 我真的不能忍受!!!
Blog 好野想update 但都無暇去做, 希望過完年會好點, 多d 自己的時間, 我真的要好好安排一下.
回想做女時的日子, 真係好好, 乜都唔洗做, 又唔洗買餸同煮飯 (雖然煮比老公食係好開心, 但係我手腳太慢, 要花好多時間) 仲有做女時可以儲到多d 錢, 而家又要比家用, 又要供樓, 仲要買餸同水電煤等雜費, 雖然呢到小小, 果到小小, 但加起上都總叫多咗好多支出. 真係要好好學習一下怎樣才可儲多點錢, 我真的想買間大一點的住所.