再會壽司廣

上次去銅鑼灣壽司廣到食 dinner, 雖然食材真係好新鮮同好好味, 但係食到有啲肉痛, 响網上到睇到佢原來lunch 係平好多好多, 今次我地去咗尖沙咀到試下lunch set

佢裝修格局同銅纙灣好唔同, 我比較喜歡呢到多d, 因為座得舒服d, 銅鑼灣枱與枱之間好close, 無私人空間

我地睇咗menu 好耐, 因為實在有太多的選擇, 最終我地點咗

~ Omoikkiri Sushi Gozen with steamed egg custard ($290)

可以咗壽司紙到點16件壽司

~ Noodles, Inari Gozen with steamed egg custard ($140)

呢個餐有天扶良, 可以1選烏冬或者soba, 仲有2件壽司tim

首先來前菜, 前菜唔止一種, 比起晚間$50/ person, 便宜得多呢

再來蒸蛋, 有冬菇, 雞肉, 銀杏同橙皮,個蛋好香好滑, 好好味

跟住來的係天扶良, 首先來的是天扶良汁同鹽

跟住來的係主菜天婦羅, 唔係太多,有5件同材好新鮮, 炸漿薄薄一層香脆鬆化, 但不知是否先入為主, 我都係覺得稻菊好吃點兒

烏冬好滑丫, 唔知係唔係佢地手打的呢, 超好味

跟住來的係天婦羅跟的2件壽司, 內表雖然一樣, 但入面係唔同, 好大件,好好味

跟住就係我地點都15件壽司了

我地點咗2件海膽, 2件帆立, 2件穴子, 2件甘海老, 2件吞拿魚腩, 2件吞拿魚, 2件油甘魚, 1件赤貝, 1件烏貝 

佢的吞拿魚腩雖然唔係大拖羅, 只係中吞拿魚腩, 但係自選有呢個一真的令我喜出望外, 中拖羅取自魚腩與魚背之間, 比大拖羅小點油脂, 但係中拖羅比大拖羅小筋, 呢到的中拖羅都幾出色, 只係切的薄咗小小

雖則係set, 但係佢唔會比小小海膽你就算, 係好認真的, 色澤金黃, 同夜晚點的無乜分別, 好鮮甜, 可惜佢最多每樣只可以點2件, 唔係我真想點多2件呢

呢到的壽司, 用上日本米, 煮得軟硬適中, 酸甜合度, 握得緊緻, 為一美中不足係休他們不是用上新鮮的山葵, 只是用粉開的, 記得上次吃晚餐的時候, 佢地係用上新鮮山葵的, 是否因為價錢的關係, 又或是尖沙咀呢間用上粉開的呢, 有機會會再印證一下

最後來個餐飲同凍橙, 食得超飽, 所以點咗熱檸茶

以午餐來說, 呢餐都唔算平, 但比起晚市, 真的便宜很多很多呢, 下次我們都只會光顧午餐, 平食好味而有水準的壽司

地址: 尖沙咀彩星集團大廈7樓

Tel: 2377-9877

超大份量的二人餐@Parkview

雖然我同丙丙都係住向沙田, 但係都唔鐘意去沙田食野, 因為大部份都係幾貴, 仲要等位等得好辛苦

今日我地想食西餐, 見 Parkview未食過, 又唔洗等好耐, 最重要係主打有機菜, 所以一於去試下

我地order 咗個二人餐, 有前菜, 湯, 麵包, 主菜2個, 甜品同餐飲, 只係$2xx

呢個前菜係丙丙食的, 我無食到, 所以唔記得係乜東東

呢個係我最鐘意食的煙三文魚露笋, 好美味

Main course 有好多選擇, 我地點咗牛扒同雞扒, 中間仲有西籣花同薯菜, 真係超大份丫, 我地連呢個都食唔曬, 唔好話另外一個main course

另外一個main course 有西班牙飯同意粉選擇, 我地就點選咗西班牙飯. 無乜味道同無乜特別,仲要係無乜餸

最後來個甜品同餐飲作為呢餐的完滿句號

餐廳明明係標榜有機食物, 但係我唔覺得邊啲係有機食品, 又或者佢只係一小部份係有機, 如果食客係一心來此想食有機菜, 我估會有被騙的感覺呢

腳傷

隻腳扭傷咗都大大話話有個多月了, 睇咗好多次鐵打, 見唔好又再轉.. 最後出而敏感, 又要去睇西醫食敏感葯. 到宜家, 隻腳都仲有小小腫同黑黑地, 大力按落去有一個部位都有小小痛

見係咁,我擔心老咗會風濕, 所以決定去睇醫生叫佢轉介我去睇骨科, 睇下有無需要照下 x-ray.

最終我星期一去咗卓健都轉介去骨科, 就係咁, 尋日早小小走去見咗骨科了, 入到去個醫生睇一下我隻腳, 就話我韌帶拉傷, 要做物理治療, 就係咁, 2分鐘就睇完, 等轉介又等咗半個鐘

佢就咁望一望乜都無做過就話我係韌帶拉傷, 我都係唔多信, 所以決定今日再去仁安醫院門診部睇多次醫生, 睇下佢點講

今次個醫生好細心, 將我隻腳左扭右扭, 睇下我邊到痛, 佢話都係好小事, 休息下就會無事, 如果過多2 個星期都無好轉就要再來, 佢話其實係有小小韌帶拉傷, 開咗d葯比我同比咗d葯我搽, 希望快d好番啦

三河屋

不久前睇過不眠王子同歌地的blog 話呢間野又平又好食, 我又點會放過試食的機會丫, 同丙丙講開, 佢話呢到好容易去, 佢識去喎... ... (其實好多時佢都話識, 但最終會走咗一大個圈先到), 今次佢實牙實齒咁話佢真係識去, 好啦, 為有信佢啦

本應我地係plan 咗去迪迪尼的, 但係起身好似唔係咁好天, 所以cancel 咗, 跟住我地大家瞓多一陣先再起身, 就係咁, 我大約一點幾去到大圍站會合丙丙

本來丙丙話去赤柱, 咁去到銅鑼灣先食野, 但係我好肚餓了, 仲要係去到銅鑼灣先想食乜, 肚死我咩, 跟住我突然想起紅磡的三河屋, 咁同丙丙講我要去個到食, 咁佢就帶咗我去了

丙丙話佢age 3 果响果到住過喎, 知點行, 最終我地都係走咗一個圈先搵到, 都算快

我地去到都已經係2點幾了, 佢2:30 就lunch closed, 但好彩係無乜人等, 但店內桌子好小, 密密的座得唔係咁舒服, 用即棄的杯裝水裝茶

入面多數人都係點拉麵同豬扒飯, 我地點咗天婦羅烏冬同咖哩豬扒飯

先講天婦羅烏冬, d烏冬做得好多, 好滑, 湯底有鰹魚的味道, 唔知有無食對呢

直得一讚係佢d天婦羅係分開上的, 3有隻蝦, 1條小魚, 1件冬菇, 1件茄子同1件番薯, 都真係好多丫

咖哩豬排飯 -- 咖哩都算好香, 但d飯好唔得, 太淋了,而且只係暖唔熱, 豬排都ok, 但稍薄, 我見好多人叫白汁豬排飯, 同佢仲有好多其實特別的小食, 下次試下先

呢餐成為 $106, 都真係好平, 仲要唔洗加一, 但個老的店員有點惡, 好似想食人咁, 後生果個就好好多

仲有係佢隔離店有日本小食賣, 唔知係唔係同佢有關連, 但係d野係超貴, 一罐果汁酒要賣$18, 但超市只係大約十完咗右

去果時經過有幾間美髮用品, 所以我地食完飯行番去買野, wah, 呢到超平丫, 之前响廟街到賣已經係平, 但呢到仲平, 我買咗hair loction, 响廟街賣要$6x, 但呢到$4x..., 下次都响番呢到買先

跟住我地去咗吉之島行, 丙丙話買野煮比我食喎, 行過見到又有期間限定的牛蒡薯片, 記得之前响味+味到食過牛蒡天婦羅, 超好味, 今次都要買番呢個試下先...

味道都ok, 但無乜特別囉.

深圳一日行 -- Part II

跟住我地就去少年宮站的書城了, 呢個書城真係好大, 鄰近仲有好多其他的建築物, 如音樂廳, 圖書館等, 呢到真係文化集中地呢

你睇下, 呢到d 建築物幾靚, 外型就有呢, 但內面呢, 最差係洗水間, 未行到去門口已經聞到有一陣味呢

圖書館真係好靚, 仲有係好多層, 好多書. 佢地d書咁平, 有幾多人仲要去圖書館呢, 答案係好多, 可能係唔需要錢呢

唔經唔覺, 我地响少年宮都過咗一個一午了, 丙丙買咗幾本書, 所有錢都係由我付, 應該咁講, 今天所有洗價的係有我比, 點解, 咪就係丙丙佢無人民幣囉,嘿嘿, 又要去大陸又無人仔, 跟本就係騙錢, 算吧, 今日開心無所謂啦, 我今天就包咗佢啦

跟住我地去咗豫園上海飯圧到食飯, 呢間係位於科學館站

前菜有樣好, 黃豆同海帶都幾好味

我地叫咗蟹粉豆腐 -- 佢用個爐熱住佢, 唔怕凍咗

陳員外小烤肉, 其實係南乳烤豬肉, 好香南乳味, 好好味

最後係千張鵝, 好特別, 係有鵝肉, 但入面有芛, 但我唔食芛呢, 鵝肉好嫩

呢餐對我來講好滿意, 下次我想試下樓上間王子飯店呢..

深圳一日行 -- Part I

丙丙話想去深圳書城買書, 就係咁, 我地又上咗深圳了

每次上深圳我地都係由羅湖個邊過境, 今次我地轉一轉, 改由落馬洲, 但係如果去落馬洲果邊, 我地又唔知去邊到食午飯好喎, 就係咁, 我地就買咗深圳旅遊書了

比起羅湖, 我鐘意落馬洲果邊多d, 過境大堂又靚d, 大d, 舒適d

落馬洲果邊幾多高樓大廈

跟住我地座地鐵去竹子林站的金悅軒

呢間酒樓都幾大丫, 成三層樓咁多呢

唔知係唔係被我感染, 丙丙開始鐘意飲菊花茶了, 仲有佢鐘意飲呢一隻, 點解, 咪因為1每次都係由服務生幫你加水囉, 飲完有人加, 你睇佢幾懶, 咁當然啦, 呢一隻d菊花會靚d, 價錢當然都會貴d啦

呢到d小點由RMB4.8-精點RMB20.8, 比起香港真係平好多呢, 仲要係佢地d服務仲要好過香港好多.

韭黃蝦腸 -- RMB18.8 好多蝦, 仲要係好大隻, 好味

笋尖蝦餃皇 -- RMB20.8 wah.. 有5隻咁多丫

XO醬炒蘿白糕 -- RMB14.8 我覺得佢唔係大多XO醬, 炒得唔係咁好食, 比起我地去開陶源酒家差好多呢

鐵板煎多春魚 -- RMB20.8  煎得好幾好, 唔錯

家鄉咸水角 -- RMB8.8

荷香紫蘿雞 -- RMB16.8  呢個未見過, 好香荷菜, 內有雞件, 唔錯

最後仲有free生果食tim

呢餐食咗大多野了, 食到好飽, 但比起國貿站的陶源酒家, 我喜歡陶源酒家多d呢

地址: 深圳市褔田區深南大道6013號, 中國有色大廈2-4層