澳門之旅 -- Day 1 (Part VI)

食完 cake 之後我地去議事亭前廳拍照, 呢到好有節日氣氛丫.. 去片 

圍住我聖誕樹, 隻隻雪人都唔同架..

睇下睇下... d 雪人幾咁開心...

嘿嘿.. 呢隻個鼻幾高.. 唔知係唔係佢講得大話多..

呢個肥得來好可愛. 好想抱住佢丫

成條街都掛滿燈飾, 好好氣氛

To be continued~~

澳門之旅 -- Day 1 (Part V)

响酒店休息咗一陣之後, 又係時間出發了, 聽好多人話煥記海鮮飯店係好多人等的. 我地唔想等位, 唯有早一點兒食晚餐, 反正午餐都好早食, 而且我地當天又無食 tea.

我地大約六點鐘入去就座, 現場所見, 都已經有不小食客已開始進膳, 而且有d 都差不多食完

我地點咗呢到最出名的紅燒BB鴿 ($38) - 乳鴿皮脆卜卜, 好香, 好嫩

清蒸花甲王 -附檸檬 ($55), 好鮮甜, 清蒸d鮮味出曬來, 無花無假, 可借的係有一兩隻食到有沙

豉油皇中蝦 ($68) - 豉油好入味, 但係 d 蝦唔算太新鮮, 過得去啦, 但做得幾好, 如果用活蝦煮一定一流, 無得頂

最後我地仲點咗是日特價的上湯菜 ($8) - 真係又平又大碟, 可惜掛住食唔記得咗影相

呢餐食咁多野都係食咗 $13X, 係唔係又平又抵食呢

食完之後我地過咗對面的保健牛奶公司,佢已經有30多年, 自設牧場, 我地分別點咗姜汁撞奶同雙皮炖奶

老實說, 個個都話佢奶味較濃, 我覺得澳洲牛奶公司好食過佢

之後我地本想議事亭前地影燈色, 但係天公不個美, 開始落起雨, 所以我地決定去八百伴行下. 我細個果時香港都有八百伴架, 媽咪仲好鐘意帶我去行街街, 宜家澳門的八百伴搬咗, 由以前近港澳碼頭搬到新口岸附近, 共9層. 比以前大好多.

我地上次來澳門食過安琪兒三文治, 佢d牛角飽真係一流, 分量好大, 用料新鮮. 今次我地來到始地, 無打算再品嚐, 但不得不一提, 真係很好味

我地周圍行咗一陣, 超市的食品大部份都比香港貴, 但响超市個層無意中比我地發現老佛爺, 10幾人响到排隊買野, 佢都麵飽一d 都唔平喎, 例如朱古力角包要$15, 咁當然, 比得呢個價錢, 佢d飽都比正常的大一點兒. 排隊有仕有澳門中學生, OL, 家庭主婦同外國人, 我地好好奇係唔係真的咁好味, 所以點咗 new york cheese cake ($25)

聰明的我叫丙丙上去上一層的food court 到食咗先, 唔好番酒店先食, 唔係一陣比我地拎下拎下唔知攪成點

真係好食到不得了, 好香 cheese味, 好滑. 興幸我地下午無响mgm 到食cake, 因為我地一日之內會食2次cake, 唔係就會錯過了. 之後第二日, 我地仲食多次先離開澳門, 可想言之真係好味呢. 本來第二日想試其他, 但其他cheese cake sold out!!.. 好可惜

To be continued~~

澳門之旅 -- Day 1 (Part IV)

跟往我要介紹一下我地今次住呢間酒店, 我地到酒店大堂之後, 等咗一陣先有房

呢個就係reception 位啦, 都唔差

轉個角度看另一邊

8樓等lift處, 同地下係一樣的

32" LCD, 仲有書枱, 遠看海景

浴室 -- 左手邊係浴缸, 右手邊係座廁同花灑

浴室所用的產品係L'occitane

衣櫃有齊所有用品

茶水間有各式各樣的飲品

冰箱內的飲品係要付錢的

房間設有2支水, 仲有每日早上有澳門日報

呢間房都算大, 咁當然唔可以同威尼斯人比啦, 但我自己就樣樣野都好滿意, 我地無乜野打去room service好快就送到, 事後仲要跟進有無錯漏, 有無唔滿意

To be continued~~

澳門之旅 -- Day 1 (Part III)

食飽之後, 我地就座車去咗MGM了

相比咁多間酒店之下, 我自己比較喜歡MGM 之一點, 因為佢有一份貴氣, 唔係話威尼斯人唔靚, 但係多得多有點俗不可耐

之前見過d blog 友影d相有大大的聖誕樹, 但我地去到個時已經不見了, 可能佢地係用真的聖誕樹, 我公司話真的聖誕樹係唔可以放好耐的, 最多係一個星期多d

呢到就係堂, 影落去好似好老土咁, 但係我覺得實境d 紅色花燈係好靚

一入 gift shop 就見到個獅子 logo了

之前睇過d blog 友話mgm d cake 好好味, 本來打算咗呢到食tea 試下, 但係見到之後又唔係咁吸引喎, 所以就無食到了

遊覽過 MGM 之後, 我地就番酒店 check-in 了

To be continued~~

澳門之旅 -- Day 1 (Part II)

在這一刻已經12時了, 我地便去 “海灣餐廳” 進膳.

呢間野好出名下, 分上下二層, 大部份枱都已經訂咗, 所以早到係應該的. 聽講話呢到最出名係腐乳炒蟹, 血鴨, 焗豬扒飯

首先來個麵包先, 無乜特別, 包一個而已

而我地就點咗馬介休球 -六個 ($68) 好香, 好好味,仲要唔得油,但覺得鹹咗d

跟住我地點咗燒葡國臘腸 ($68), 甘香酥脆, 滲著鹹鮮的肉香, 如果送酒實在一流 

最後點咗血鴨, 原來葡式血鴨跟法式血鴨同名為血鴨, 但法式血鴨係用機來連骨榨鴨, 葡式血鴨是混入不同的香料再以1馬鈴薯炆煮, 主角就是個鴨血汁, 也是精華所在.

呢一餐我真係好滿意, 可能係第一次食的關係, 但我覺得葡國菜偏鹹, 我地便向店員請教一下, 原來葡國菜係偏油, 偏鹹的.

呢到得服務都過得去啦, 响openrice 到見到有人話佢地態度好差, 不過佢地唔會主動介紹菜式比我地, 仲有每次都要叫先加水

我們離開餐廳時有人問要等幾耐, 店員話至小要等9個字, 所以我地早早來進餐係無錯的.

地址: 媽閣河邊新街261-A地下

Tel: 853-2896 7878

To be continued~~