之前有睇過我個blog 的人都知道我曾經講過話要响沙田食野無乜選擇, 唔係話沙田新城市廣場無野食, 但係食得多都會悶啦, 仲要係响新城市廣場的食店價錢一d都唔平, 今日我突然想起位於禾輋的陳根記, 我同丙丙真係幾年都唔去一次大排檔, 今次都算係我地第一次, 但我相信不久又會去其他排檔試試, 主要原因係佢味道好, 價錢平, 宜家市道唔好, 我地真係要慳的一元得一元
由新城市廣場出發先經過沙田廣場, 瀝源, 跟住就到禾輋, 雖然有行人天橋, 唔洗經過馬路, 但都唔算好近, 又不是太遠, 咪當食飯前做下熱身
我地點咗牛腩煲, 油盬水蜆同生炒排
牛腩好大煲丫, 真係幾個人都食唔曬, 但味道一般, 原因係唔係我最愛的坑腩
油盬水蜆, 一樣好多, 大大碗, 但蜆比夠細隻, 都好鮮甜
生炒骨做得好好, 酸甜適中,係下飯的好餸
所有餸菜都好大碟, 我地雖然只係點咗3野, 但最終只係的蜆係食得曬, 其他兩樣我地真係有心無力呢
雖然呢個環境座得唔舒適, 但勝在夠鑊氣, 味道又好, 所以我同丙丙會再來試下其他小菜
去旺角食飯, 我同丙丙大多數都離不開朗豪坊, 今日我地去咗郭少芸開的Match Too Cafe, 午飯時間都唔洗等位, 仲有式car位比我地座tim, lunch set 價錢由$48-84包飲品
我地點咗泰式豬頸肉焗飯 ($54) 同蒜蝦天使麵配鮮蓄茄汁 ($60)
先唔講味道住, 單睇份量我覺得太細份了, 對我來講係剛剛, 但其實我的食量不多, 對丙丙來說就太細份了, 相信好多男生都會有同感
丙丙話泰式豬頸肉焗飯無乜特別, 如果你係一個無特別要求的人係可以接受的
至於我呢個蒜蝦天使麵配鮮蓄茄汁, 個汁做得幾好, 但麵唔多, 至於個蝦一d都唔新鮮, 有"梅"的感覺
你問我仲會唔會光顧, 我估未必啦, 除非真係別無他選
地址: 旺角朗豪坊403店
見Openrice 人人都話好食, 係咪真係咁好食丫?? 好幾次經過呢間食店都大排長龍, 有次我同丙丙打算去等, 點知8點幾已經話唔比排隊, 因為當天額先滿, 門口仲有不小有等待入內進食
今次地早早排隊, 但都等了一個多鐘, 店子不算大, 入內左手邊係6人枱, 右手邊係4人座位, 6 人位個邊其實只係座左右兩邊, 中間係空的, 令到食客有私人空間, 但又係因為咁, 所以要等好耐先有得入座
是晚我地點咗和風鮮蟹肉野菜沙津 ($49) -- 都有幾多蟹肉, 睇起上來好似好大碟咁, 但其實係係大大塊生菜墊高咗
醬油燒豬手 ($45) -- 本來以為隻手好細隻, 因為點菜之前都問過店員, 點知一上桌發現係好大隻的, 豬手皮好肥, 肉很嫩, 但係我覺得唔太特別, 好多地方都食到呢個水準
跟住主角出場啦, 係石燒手打烏冬 ($56), 有4片厚切豚肉, 上桌時氣泡同白煙不停地冒出來, 豚肉肥瘦分明, 烏冬好煙韌, 仲有隻生蛋. Good
黑担担手打烏冬 ($60), 呢個係丙丙食, 佢一點都唔欣賞, 湯底係用上黑芝麻, 但係丙丙覺得有點兒芝麻糊湯底, 我自己都係比較鐘意豬骨湯底多D, 大家一致覺得呢個 no good
我同丙丙都覺得如果要等一個多鐘仲要無得走開就真係唔咁值得去, 不過呢個食店係有得訂位的, 當然定位數目不多, 所以要早早booking, 唔洗點等去食就可以. 見openrice d 人個個都話好食, 但我覺得無乜特別, 好多地方都食到煙韌的烏冬, 唯一係佢地的豚肉肥瘦分明, 仲要係厚切, 呢個真係值得一讚
地址:尖沙咀赫德道19-23號地舖
電話:3598 6282
今次我又講下我地去深食野事宜, 你地可能會覺得我同丙丙好無聊, 久唔久就會到深圳行下食下野, 無辦法啦, 香港又細又多人, 有乜地方好去喎. 食野又唔算平喎, 雖然深圳有好多餐廳價錢都同香港差唔多, 但係佢地的服務就好幾陪或以上.
今次我地來到萬象城的王子國宴飯店, 同北京道一號王子飯店係同一集團, 佢地位於深圳萬象城超過平方米, 全宴會廳並無柱位, 所以好多人都會响到舉辦各或宴會, 一入門口就見到好大的水晶燈, 什有氣派
大廳真係好大, 你地睇下, 可以望到好遠
本我我地樣樣野都好滿意的, 但係..你地睇唔睇到下圖有好大人丫, 原來佢地唔係用點心紙, 而係响出面排隊, 跟住有服務生幫你拎到桌上, 但係因為無乜系統, 又唔知有乜食, 成日問你仲要d乜, 有好多野想食又無喎.
我地點咗以下點心, 無論味道同服務都比起金光華的陶源酒家差好多, 雖則網上都有好多人話好食, 但係我就話 no no no!!
呢個商場仲有幾時食店我都想去\試下, 一間係采蝶軒 -- 呢間係金鐘都有, 另一間係留園, 呢間係我情人節同丙丙响灣都食過, 唔知深圳的味道又如何呢?
有幾會我會再去試下其它食店
