以前要去大榮華, 真係要山長水遠, 大家都要要去大榮華食晚飯, 如果無book 位, 都係唔知要等到幾時, 仲有係佢地d點心, 出名又抵食, 比起方間美x, 真係唔洗同人比呀, 無論份量同味道, 大榮華都係跑羸幾條街
自從大榮華仲出元朗响九龍灣開設分店, 都係對我地來講係天大的喜信
蝦餅 -- 好味丫.. 可能我自己本身都喜歡食香口野啦
當歸豬手 -- 我自己本身就唔係好鐘意呢d 葯材味, 不過丙丙就好喜愛啦... 仲話好好味!
鮮竹卷 -- 唔太特別, 不過都好味
wow~~ 蝦絞丫, 好大件, 仲要有好多蝦tim
山竹牛肉~~ 好大件, 仲有好多我至愛的腐竹
呢個芝麻糊真係好唔得, 太甜了, 一d芝麻味都無, no good!!
地址: 九龍灣其士商業中心2樓
由於有coupon 的關係, 所以我同丙丙去咗outback 到食野, 張coupon 價值$88 架, 如果有blogger 要去outback 食野, 記得print 張coupon 出來丫, 可以慳番d. Coupon 去到3月尾架
平時我多數去outback 食lunch, 一來近公司, 二來有lunch set, 晚餐無set 價錢會比lunch 貴好多
今次我地點咗:
Appetizer: Mussels Marinara
呢個一d都唔平架, 不過丙丙知我鐘意食咪點囉, 但係得8-9隻, 仲要係好細隻, 不過都叫做鮮甜, 不其然令我想起年多前响 Anthony's Catch 到食的青口, 又好味又抵食
Main course: Ribeye Steak with side dish baked potato and chef's veggies (served with soup, house bread and Caesar salad)
Caesar salad 同熱的house bread 好好味. 唔得邊個TVB節目大講呢個牛扒點好點好, 但係比起我多年前响到食差咗好多, 仲有丫, 點chef's veggies 唔係好抵, 因為得兩件, 相對個焗薯抵好多
Another main course: Shrimp and Mushroom Pasta
呢個pasta 一d 都唔得丫, 大家千其唔好點, d 蝦一d 味都無, 比起 Ruby 佢差好多陪
Outback: Official Website
今日我再同丙丙去睇樓, 本來打算星期六先去, 但點知佢臨時要出trip, 所以改咗今日
我地今次去咗大圍的金禧花園, 佢地面積係463同416兩種, 又係新地發展商, 樓齡有24年啦, 都算舊, 不過單位都係正正方方, 實用得7成到, 但叫做交通方便, 第日沙中線都係响大圍為首站, 仲有大圍上面張來有大型屋苑, 聽地產經紀講大圍站將來會有5層多商場, 面積會大過沙田新城市廣場同又一城.
雖然大圍站上蓋會有大型屋苑, 但係呎價太高啦, 大約7K一呎, 我同丙丙都覺得貴, 所以都唔會買果到, 但係周圍有咁好發展, 所以金禧都算係一個好選擇, 不過裝修費就會好貴啦, 因為水管各樣都要換
UM.. 點 choice 好呢??
上個星期去咗吉之島買零食, 無意間比我發現到呢個期間限定的櫻塩味薯片, 味道都唔錯, 幾好味. 今日再去唔見有得賣啦, 唔知去唔去得成大阪呢, 如果去得成, 真係要想下有乜野要賣, 因為下年未必會去旅行了
我同丙丙一心想慳錢, 所以唔去d 咁貴的地方食飯, 本來以為去呢到平平地兩個人百多元就可以落樓, 但點知最終都要成2xx, 算吧! 話曬都係食得開心的一餐
我地點咗鮮蔬迷你春卷扎肉撈檬 ($43), 得2條細春卷同小小扎肉, $43 都係太貴, 不過好彩都幾好味.. 如果仲要唔好味.. 哼哼, 我一定會响呢到唱佢丫
生牛肉湯檬($35), 好太碗同味道都幾好, 跟咗香葉同芽菜, 但唔知我係咪對太古城 food court 的生牛肉湯檬情有獨中呢, 我始終都係鐘意食果間多d
炸軟殼蟹 ($68), 我覺得呢個都幾貴架, 一道有想過叫唔叫好, 但丙丙話想食咪叫囉, 都好大碟丫, 但係味道一般, 仲要係好細隻
越色蝦肉雞肉米卷 ($30), 呢個唔錯喎, 4件又唔算多, 兩個人食剛剛好
雖然 openrice 好多喊臉, 但我自己覺得不至於咁多喊臉, 又唔係真係話咁唔好食丫,不過不失啦
地址: 銅鐶灣登龍街永光中心地下
尋晚係第一次同丙丙去睇樓, 又可以話係我第一次唔同屋企人去, 今日我地睇咗欣庭軒, 佢地單位面積係526-549, 實用面積為424-442. 講真, 我真係覺得好細, 好以行兩步就行完間屋咁, 我地睇果時乜傢俱都無, 所以空間感已經係大咗, 不過佢係算實用, 仲要樓齡得8年, 新地樓, 同區來講都係唔錯.
以沙田來講, 大多數樓齡都有番咁上下, 如果裝俢轉水管同電線都要花10萬, 丙丙覺得唔值, 因為都賣出去個時呢人地未必會因為你轉咗水管同電線而比10萬, 佢地只要compare 現時市價去還價.
仲有係大多數沙田的單位面積都好細, 好多都係4百幾呎, 甚至有d係3百幾呎.
唔.. 點選擇呢, 真係好苦惱!!!!!
呢兩日真係好忙, 應該話近幾個星期都好忙, 上兩個星期就四圍去睇旅行團, 今個星期六去咗婚紗展, 今日就去咗睇樓.
講番尋日先, 我同丙丙都睇咗影婚妙相, 有兩間我地都覺得幾好, 一間係 Monalisa, 而別一間係羅浮宮, Monalisa個package 就包外景, 可以去遊艇到影, 羅浮宮就只可以响佢地九龍塘到影, 我地都分別有睇過Monalisa 同羅浮宮的show, 個人覺得羅浮宮d 衫靚好多, Monalisa d 衫真係唔係好得, 我估佢地得show都應該係最靚的衫了, 但係Monalisa 有外景又好似好好多喎. 真係唔知點選擇
跟住我地去睇咗酒席, 大多數都只係有今年的price, 明天的仲未有, 我地都唔知應唔應該咁早book, 因為眼見今年個d加一酒水乜都包, 明年果d只係菜單都已經要加10%, 仲要唔包加一同酒水, 仲有係我都未決定酒店定酒樓好, 酒店一定要洗好多錢. 點choice好呢
又講番今日, 其實早兩個星期我地都已經有去過地產到睇樓, 佢地大多數都係無得即日睇樓, 咁我地都知同明白, 所以咪叫佢約時間再打比我地囉, 唔知係咪佢地太多生意, 定係覺得我地唔會買樓, 所以都無回覆我地. 今日我地再去另外一間, 佢話明天幫我地book 時間, 跟住我地又再走去另一間地產, 佢叫我地等佢一個多鐘, 話即時有得睇, 我地見時間都過咗仲未打比我地, 咁我叫丙丙打比佢啦, 點知佢又話要等多一個鐘, 我同丙丙講話唔睇啦, 一時一樣,所以今日都係得個等字, 乜都無都到, 唔知明天有無得呢?
我地心目中想响大圍或者沙田, 但係真係好小選擇, 好多樓齡都好大, 咁裝修費會好貴, 但係新樓真係唔多, 仲有最大因素係我地資金唔多~~ 要結婚真係唔係一件簡單的事
