YEAH!!!

20080326 旅行社打比我, 第一句話唔好意思.. 唉!!又比我估中咗, 成唔到團, 但佢話遲一日出發得唔得, 已經成咗團. 佢話仲唔洗我地加錢

我當然係想去啦, 對我來講請多一日假同請小一日假都唔係咁成問題, 但係對丙丙來講, 真係超大問題了

我打比佢問佢可唔可以, 因為咁請法連easter, 佢成個星期都唔洗番工啦, 佢話要想下喎, 要想即係唔得啦..其實我都好明白架, 做野緊要丫嘛, 仲要係唔好景的時候, 但係我真係好想去喎~~

我同佢講, 4月5號係我地拍拖1000日, 仲有我想食和牛, 我响blog 之前都講過呢個係我其中一份想要的生日禮物, 比唔比, 睇你啦~~

丙丙聽到我唔開心, 咁佢又知我真係好想去喎, 所以就答應咗我啦~~~

我都知好似有點兒那個, 所以我再真係問佢係咪真係得架, 我想去係一回事, 你得唔得又係一回事, 佢話無所謂啦, 你開心咪得囉, 你睇下你把聲, 即刻開心曬啦. HEHE.. 咁人地係想去丫嘛

但係擔心又來啦, 呢5日佢會唔會日都講電話連影相都影唔到呢? 如果係我又會好唔開心了.. 希望唔會啦.. GOD BLESSES ME~~

OSAKA, KYOTO , KOBE .. I’m coming

串燒店@鳥燒居

早前比我發現到尖東有呢一間食店, 佢係位於富豪九龍酒店內的日本餐廳, 但其實佢本身唔係富豪酒店其下餐廳, 同酒店一d關係都無架.

cake shop 附近有一條電梯, 上一層係係了.

由於我兩無定枱的關係, 所以我地被安排座bar 枱

牆上有的木牌寫上串燒的食物, 好有日本小形居酒店的感覺

店員先送上二碟前菜, 分別有蘿蔔茸同漬物

先來手羽先 ($40) , 日席師父熟練地在雞翼上灑上鹽巴, 不一會美味的雞翼就呈現眼前

再來紫蘇菜肉卷 ($40) -- 呢個好特別丫, 我第一次食, 味道都唔錯喎

牛舌 ($42) -- 我覺得就簿咗d, 厚番d 好更加好味

炸蠔 ($62) -- 除咗串燒, 燒物都唔錯喎, 好新鮮又唔會過火, 恰到好, 大大件. good!!

最後來2 個飽肚食物, 分別係咖哩牛肉烏冬 ($66) 同年糕烏冬($55), 年糕烏冬唔係好值咁貴, 牛肉烏冬都無乜特別. so far so good 咁啦

呢到仲有午餐架, 價錢大約為$60-80, 下次可以來試下佢地的午市定食

丙丙覺得d 串燒都係味+味好食d, 我就覺得差唔多. 兩個都咁好食

地址: 尖沙咀麼地道富豪九龍酒店1樓

香港天文台開放日2009 - Part II

行完室外, 就到行內室內啦. 一入展覽館就見到大大幅的颱風信號.

跟住就係一連串的地面氣象觀察器

跟住又到另外一個展覽館, 又係一連串的閃電, 幅射儀器

你問我睇到之後有乜感想?! 我可以話你知佢地的風速測試一定唔準, 因為天文台當地點一d 風乜沒有, 不過我响當天見識到到好多不同我儀器.都算係上咗一課

香港天文台開放日2009 - Part I

上星期日丙丙去咗旅行, 但我自己都有自己的節目, 就係香港天文台開放日2009. 好耐之前都好想同丙丙來呢到, 但無法啦, 唯有下次啦~~

等咗好耐好耐, 天氣又熱又無風, 真係等得有d辛苦丫

呢個係虹吸式雨量器 ~ 收集的雨水通過濾網進入浮缸, 浮起裹入面的金屬浮筒, 金屬浮筒的高度用來代表降雨量

水滴式雨量器 ~ 雨水經收集漏斗流入蓄水缸底部, 令缸頂的水流, 並在水管嘴口形成水滴. 利用1光學計數器來統計水滴的數目來斗算雨量及降雨強度

降水感應器 - 感應器的警報發出鳴聲來是提示何時下下及停止下雨

普通雨量計 - 內放置一膠樽來收集下水, 每小時把收集到的雨水倒進量筒內來測定雨量

查迪型降雨強度測量器 - 用來測量降雨強度

流動自動氣象及輻射監測站

遙控小型輻射巡測車

溫度表棚 - 來量度乾球和濕球溫度

溫度百葉箱 - 用來量度乾球和濕球溫度, 作為表棚的後備儀器

暑熱壓力測量系統, 為2008年馬術比賽而設計

生日飯

今日食咗兩餐生日飯, 一餐係同事請我去大戶屋食午餐, 真係估唔到佢地仲記得我生日.. 多謝曬!!

另外一餐係同我的好朋友去咗盛八到食晚餐.. 我地不停食同講野, 連帶咗相機的我都唔記得同人&食物影下相, 開心的時間永遠過得好快.. 好似食咗唔係好耐就已經十點幾.. 希望下次可以再食長d.. 再傾耐d!!!

Thanks so much for your lunch and dinner ~~

閒談我至愛的綠茶@伊右衛門

唔知大家有無飲綠茶的習慣呢? 我每朝早起身必定要飲番杯奶茶, 番到公司必定會飲綠茶

飲綠茶的習慣應該係又丙丙送第一盒綠茶比我, 以前我都覺得綠茶無乜特別, 可能係好同唔好的分別啦, 自從佢買咗伊右衛門比我之後, 其他綠茶的都唔喜愛了, 呢隻伊右衛門係加入咗抺茶, 而且佢綠茶同抺茶的比例恰到好處, 相比伊藤園, 伊右衛門有過之而無不及, 所以前係值得推薦的綠茶

唔同地方售價亦有差異, 比如話Sogo 售價為 $39, 現今吉之島做緊減價為$28.x, 但是價錢比上回前減價時已貴咗幾元了. 無法啦!! 日元不停升值, 所有日本貨物的價錢比起之前都高出好多個巴仙.

唔通連個天都唔鐘意我??

今日我再打去問大阪成唔成團, 上個星期頭都打過去問, 佢話報名人數已經過咗10人(要10人先成團), 但係仲未confirm 機票同酒店, 成團指數為80%, 今日我再打去問佢話仲未夠10人喎, 有無攪錯, 我佢地明明上次話已經有十幾個人, 我再問佢你地上次明明話有十幾人啦喎, 佢答我可能係有d人轉咗團...等

我再問佢地如果成唔到團, 有無其他日子, 佢地話4月1日至3日同5號到成咗團, 唯獨我要去果日(4月4號) 係未成團, 仲有係1-3日都已經 full 曬, 5號果日得番9個位, 但團費係$6199.. 比起我之前報貴咗$700 啦

佢地話最遲會响3月27日知道成唔成到團, 當日會係我的生日, 唔知佢地會唔會比呢份生日禮物我呢?? 但係都係渺忙的機會多d 啦!!