2009＊夏＊澳門 -- Part III

Ha ha. 我地今次都有去永利到賭番兩手丫, 不過今次無贏到, 我地拎咗$300 出來, 話咗無曬就走. 本來我地想去新濠天, 但原來佢地6月1日先開張, 所以我地都唔知去邊到好.

想下想下, 丙丙話想去新八佰伴行下喎, 順便食下老佛爺的蛋糕, 上次我地次次去都係得番一種, 其他的都賣曬

今次呢個係blueberry cheese cake, 但我同丙丙都覺得上次個件 cheese cake 好食d, 但呢件都唔差, 一樣係咁好食

跟住我地就去咗八佰伴周圍行, 仲好無聊咁第一次同丙丙試咗最近的出的osim. 我地响香港一定唔會試, 因為唔知好似點咁, 但去到第二到玩下又無壞

無無聊聊咁周圍走咗一陣, 出面又落緊雨, 我地都唔知去邊到好, 想下想下, 不如去食番個碗仔翅 -- 添發碗仔翅美食

呢到好出名架, 好多名人都來食, 平時會大排長龍, 不過因為果時落住雨, 雖然要排隊但係都唔算多人, 等咗一陣就入得, 都算好彩. 店子好細, 座位唔多, 如果都係多人要等都要等好耐. 我地今次點咗雞絲生竹碗仔翅 ($20), 豪華碗仔翅 ($35)

普通版同豪華版原來分別不大, 係多咗一d 材料, 佢地的份量都好足, 有雞絲, 魚翅同竹笙.

食完之後我地又周圍行, 跟住就食番個early dinner, 之後就番香港了

伸延閱讀

2009＊夏＊澳門 -- Part II

2009＊夏＊澳門 -- Part IV

澳門之旅 -- Day 1 (Part V)

2009＊夏＊澳門 -- Part II

跟完豆腐花之後就同丙丙相討去邊到食午飯, 行行下先到祥記麵家喎, 之前行過先到大排長龍, 但今日無人等位喎. 雖然我兩對蝦子麵無乜興趣, 但人人都講到咁好食, 好.. 點到要去食下先

我地今次都唔算好早丫. 12:30 渣... 同平時食 lunch 一樣, 但唔知點解無人等位, 但我地走果時係超多人响門口排隊, 所以丁丁話, 去澳門食野一定要比人早人步, 唔係你會後悔, 因為要等好耐

祥記麵家有50年了, 以竹昇麵而聞名, 佢地最出名係蝦子撈麵 ($19), 最後發現我地兩個都唔鐘意食蝦子麵的, 所以我地的評價不可以作準

反而我地兩個都鐘意呢個豬手撈麵喎 ($19), 豬手好香南乳味, 好食!!

我地仲有點咗炸雲吞 ($28), 佢地的炸鯪魚球的都出名架, 不過我地驚太熱氣所以都係點咗炸雲吞.每隻雲吞入面都有蝦的, 幾好食, 唔錯

食完之後我就陪丙丙去辦正經事了

祥記麵家

地址: 澳門福隆新街68號地下

 

伸延閱讀

2009＊夏＊澳門 -- Part I

2009＊夏＊澳門 -- Part III

2009＊夏＊澳門 -- Part I

最近真係好忙, 好多野都無時間寫番, 响端午節當日因為丙丙有事要過澳門做,順理成章我都陪佢走一趟.

端午節前幾日天色都唔係多好, 不時下著大雨, 出發前都好擔心唔知會唔會好大雨而好快要回港, 不過都算好好彩, 都唔算好大雨, 藍天白雲當然無啦, 不過都算係咁啦.

咁多次同丙丙去澳門都無去過炮台個邊, 次次都係响大三巴到影完相就走, 今次我決定要同丙丙上去大炮台都行下影下相

估唔到會見到蓮花喎。。。

原來炮台上面係澳門博物館

响呢到可以俯覽全澳門的景色.. 原來仲可以見到我地上次住果間酒店 -- 十六浦索菲特大酒店

呢係澳門行程係食, 食, 同食 (咁當然仲有係丙丙要辦的事啦, 呢果先係最重要)

我地到達澳門的第一餐係豆腐花~~

呢一間我地上次去澳門時已經想去食架啦, 但係3點幾去到佢已經話賣曬, 有無咁誇張丫, 所以今次我地下定決心一定要食到, 今次又係搵咗好耐都搵唔到, 問本地人佢地又唔係好識 (開始好懷疑係唔係咁好食呢? 因為本地人都唔係好知)

我地點咗2個凍豆腐花 + 花奶, 其實要食到佢係咪真係滑最係好食熱的, 但因為當日的天氣好熱, 加上我地走來走去咁搵, 所以都係食番凍的.

你問我好唔好食, 搵咗咁耐又咁辛苦, 點都會話好食, 其實我覺得同深水埗果間差唔多, 不過佢加咗花奶所以會香D

想去食的朋友記住啦, 响德按成樓到入 (即係手信街對面)

直行會先到同善堂

先到瑩燊地產果條街就係了

伸延閱讀

2009＊夏＊澳門 -- Part II

人情 & 禮金 -- 有感而發

其實父母有無想過我地其實唔係有錢人家, 睇 forum 見到好多人都話女家媽媽要幾多圍酒同禮金, 仲有西餅, 中式唐餅, 燒豬卷... 呢d 野佢地知唔知係好貴架

唉!! 想結婚, 又要有樓, 又要呢樣, 又要果樣... 跟本無乜可能, 我地唔通識變錢咩

有時想佢地點解要生我呢, 點都唔會係為咗禮金丫嘛, 收咁多我地日後生活點喎, 佢地有無想過呢?? 我估佢地都係想我地過好的生活架嘛!!!

擇日子

超煩丫, d 網上通勝一d 唔係個個準, 最死係一個話果日宜嫁娶, 但係一d 又話果日忌 嫁娶喎, wei.. 同一日係宜定忌丫.. 唔好玩野喎

唉~~ 通勝又未咁快出, 點算好呢?

囍 囍 囍 囍 -- 搵酒席

之前提及22/5 係一個好特別的日子, 呢日就係丙丙同我求婚啦

因為當時仲未同屋企人講, 所以都未公開.

 

上星期日佢親口問我爸爸同媽媽可唔可以.. 佢地一口應承咗. 但係問咗一句, 點解唔今年呢? 今年係好年喎, 不過一切都未plan, 仲有係想儲多d 錢先

 

屋企人覺得我地好誇張, 咁快要book 定酒席, 佢地都唔知要搵一間心儀又要係好日子係幾困難, 仲要我地想星期六or 日 (我覺得當然最好係星期六啦, d 兄弟姊姐休息一日先番工, 唔好要人家咁辛苦丫嘛, 佢地當天佢地一定會好辛苦)

 

本來我地target 都係一d 酒樓咁, 好似八月花,北京樓同洞庭湖咁,butterfield's 最後所有都reject 曬

 

八月花 -- 我地target 係14圍 (可能有加同減), 但係佢地最多都係14圍, 多一圍就要座出去.. 咁又好似對d 賓客唔係咁好咁, 無stage

北京樓 -- 間一part 比我地, feeling 唔太好, 無stage

洞庭湖 -- 新婚房超細, 又無椅套,仲要有d 椅係藍色, 無stage

八月居 -- 中式design, d 燈有d 奇怪, 驚同d 衫唔match

以上四間都係無stage, 好似普通食飯咁

 

butterfield -- 我地幾鐘意架, 不過佢大廳最多12圍, 其它要入咗去房, 有小小牆隔咗(不過佢地打比我同我講開曬會好d 喎, 咁可能會再睇下)

 

跟住我地就去番睇酒店了, 始終酒店都係grand d, 但係一定會loss 囉

我地睇咗好多間:-

 

日航 -- out reason: grand ballroom 我地太小圍, 細room 又最多14圍

海景嘉福 -- 我地幾鐘意架, min charge 129k + 10% (sorry 14圍即係成萬一圍, 小妹比唔起)

Marco Polo Hong Kong -- 本來都覺得幾好, 但係d 燈完全係for conference.. not good

Kowloon Hotel - Out.. reason: only for 10 tables

都會海逸 - Out Reason: for 16-33 tables.. min charge 太貴了

Marco Polo Price min charge 120K+10%  -- 都幾好, 但我地14圍要meet 到佢min charge 一圍都幾貴

 

 

真係十個苦惱丫!!!

Dinner @Ruby Tuesday

因為之前買咗G10 的關係, 所以送咗張Ruby Tuesday 的 coupon 比我地

自從沙田搬咗舖之後, 我地都未去過, 丙丙都一值想去, 但係original price 又好貴, 所以今次真係天助我也

首先點咗 portabella mushroom caesar salad ($132) -- 幾好味架, 大磨菇真係好香好好味, 不過好似貴咗d

Parmesan Shrimp Pasta ($192) -- 份量比之前小好多好多, D 蝦好大隻

最後 Ruby's Chicken Wing ($88) - 味道一樣, 但比之前細隻咗好多好多..

大家睇下 -- 都唔知應該話係隻蝦大集定係雞翼超細隻

無 discount 的話係唔值得食囉, 不過有的話都一試無防