尋找結婚鞋

丙丙同我都要買鞋來影pre-wedding, 佢的黑鞋已經買咗, 只係差白鞋. 早前我同佢去咗金都同旺角荷里活到睇過, 不過連我自己都覺得薯,  丙丙就更加唔洗講啦.不過我地其實心目中都有ok 的, 就係恒豐中心入面的一間店舖, 佢地d 鞋都唔差, 但係睇下仲有無更好的

但係我自己睇來睇去都唔合心, 金都果d 真係唔係我杯茶, 之前係Lanecrawford 見到呢對鞋, 之後又著得番喎, 仲要唔算太高, 不過價錢就... 超貴了

宜家睇要努力尋找銀色+2吋的結婚鞋, 唔知大家有無介紹呢?

港式日本菜@小平津

响operice 到 0 劣評, 果困都話小平津好好味, 究竟有幾好味呢, 人地講不如自己親身去試下

一入到店舖就見到佢地貼點咗好多好評的字句, 但係一打開menu, 原來係港式日本菜, d 人仲話佢地係住家日本菜, 好似差好遠喎

先來前菜, 係牛肉粒, 青瓜同白蘿蔔 (呢個唔洗錢架)

軟殼蟹卷(半卷) $42 -- 牛油果無乜味, 軟殼蟹無蟹膏未, d 飯都唔係好得

鹽燒牛利 $23 -- 一般啦, 太多胡椒粉味, 唔知係咪因為冷藏的關係, 仲有比較多油

碎蔥免治吞拿魚腩飯 $98 - 比起定食Doraya 實在差太遠, 食呢個吞拿魚腩飯有小小冰凍的感覺

牛肉火鍋風味湯烏冬 (二人前) $50 -- 用上火鍋湯底的牛肉汁 (我個人比較喜歡用木魚做湯底, 清d) 牛肉太生, 話曬都係雪藏肥牛片, 所以要唔見汁好似好d, 幸兒烏冬都算煙韌

雖然價錢唔貴, 但係真不知是否自己要求太高, 係咪真係講到好似d 人話咁好食.. 我又唔覺囉. 仲有因為我地無訂枱的關係, 只有1小時多d 用餐時間.

地址: 銅鑼灣波斯富街48號優食橫町3樓

電話: 2893 9697

攝影堂所學

之前報咗工聯會的初級攝影, 但係上咗好多堂都發覺無乜野學, 仲有基於自己成日都唔得閒, 所以都再無番了.

今日我想講下學過的野... 其實我都唔係好記得呢樣野做乜, 做法好簡單, 响黑暗的地方, 我電筒/有一點光的物體, 跟住相機秒數較到2秒, 在呢2秒之內畫你想畫的圖案.

大家都試玩下啦~~

美味壽司@壽司廣

隨著年齡的增長, 對食物的要求越來越高, 記得讀書時代, 元祿已是好味味的壽司, 隨後元氣, 板前, 板長等. 到現在, 呢d 到已經不是我杯茶, 一係唔食, 食就要食d有水準的. 可惜小妹收入低微, 只可在午膳時間光顧這些店舖, 但對我來說已是一大的滿足了

以食壽司來講, 壽司廣係一間得好的選擇, 尤以set lunch 來計, 價錢比晚市便宜一半以上 

Omoikkiri Sushi Gozen (steamed Egg Curtard) $290
16件自選壽司, 每樣可點2件, 其實已足夠2人份量

16件自選壽司包括: (上左起)  2件海膽,1件三文魚籽, 2件蟹肉; (中左起)1件海鰻, 2件甘海老, 2件帆立, (下右起)1件xx, 1件烏貝,2件深海池魚,2件中 Toro

中拖羅雖比大拖羅小點油脂, 但同時小筋, 所以我都係比較喜歡食中拖羅多點兒

海鰻比鰻魚好食好多, 入口軟綿綿, 唔知日本有無海鰻專門店呢?

海膽都係我至愛之一, 不過有了友同我講佢地的海膽係來自大連/韓國.

茶碗蒸 -- 保持一向的水準, 好滑好好味

本來16件壽司係足夠我地2個食的, 但唔知點解丙丙話好似唔飽喎, 所以追加左一個北海丼$150 (有海膽, 三文魚籽, 帆立, 三文魚同鮭, 但係我地唔鐘意食鮭, 所以由師父決定轉另一種魚比我地. 我本人都係喜歡食呢到的壽司多過北海丼

佢可以跟烏冬/魚湯, 要多個鳥冬一定吃不下, 所以都係要魚湯好了,

UM.. 唔記得問係乜野魚, 不過好滑好香, 但係太鹹

飯後來個果盤, 好檸茶以作此餐之終結

伸延閱讀

再會壽司廣

壽司廣 & 天扶良

終於攪掂曬

尋日終於攪掂曬所有野啦, 一早我地去驗樓, 其實都無乜野驗, 因為我地去睇樓果時己經係吉屋. 

Haha, 我地睇得太多單位, 仲有係買果時無考慮清楚, 所以原來我同丙丙都唔記得間屋係點了, 原來都ok 喎, 不過d 水管丫果d太舊, 仲有電線位太差, 所以都可能要做過曬

講番先, 我地之前話律師樓收多我地錢, 原來佢再check 過話唔係唔, 因為一份係agreement, 一份係assignment, 所以要比唔同錢, 我地都confirm 過係真的

收樓之前一日, 律師樓send 咗一份白字仲要係手寫的, 內容係有關同對賣家對數 (地租, 管理費等), 丙丙一睇到就話唔accept, 話曬都係一間律師樓, 呢d 都叫proper document 咩, 佢咪寫e-mail Q 間firm 囉, 無野丫, 咁叫我地比錢, 點都唔得啦, 仲有之前佢地都已經做得令我地唔太滿意, 丙丙話佢地再係咁會响律師公會complain 佢地

尋日佢地打番電話比我地, 佢話呢分野係對方律師樓send 比佢喎, 解釋對我地來講係無用都, 事實就係事實, 人地唔pro 你就要唔pro 啦咩? 跟住佢仲話睇番發覺條數有d 問題, 佢話唔知跟據clause 12, 大廈的維修費應該係賣方bear 的. 哼! 唔係我地complain 佢都唔會再好仔細咁睇番d 野. 呢到都要比幾百架!!

4點幾, 我地地產打比我話賣家confirm 曬ok, 可以交得鎖匙比我地, 地產當然係好緊張啦, 因為佢地等緊收commission 喎, 賣家ok 我地都無再double confirm 律師樓啦, 因為我地想睇下佢地幾點先會打比我.. 最終係5點幾

攪咗一日終於又句一段落了, 宜家要開始供樓 , 真係唔可以亂洗錢了!!

Pre-Wedding 之花球

雖然MDW係有包花球, 但係我地想買一個.. 做?! 唔.. 我覺得我手工差.. 都係唔好啦

我仲想緊買乜野色好, 因為我想big day 用粉紅色 / 淺紫色, 所以pre-wedding 想唔同colour, 但係唔知係咪對呢個顏色情有觸鐘, 選來選去都係呢個色.

Ron 做 d 花真係好靚, 係我杯無, 不過唔知會唔會好細束呢?

鬱金香粉紅繡球花球, 大家覺得點呢?

紫玫瑰白馬蹄蘭花球, 呢個我都幾鐘意架, 不白馬蹄蘭高咗好似好古怪喎

呢個都好靚丫, 茶花花球... 仲有佢地絲帶裝飾好靚丫

 

我之前去過百利都睇花球, 唔靚得來仲要成千元一個, RON d 花球睇落真係好似幾得, 唔知有無jm 用過呢? 會唔會好假呢?

大家覺得邊個靚呢??

 

經一事, 長一智

以.. 今日律師樓終於打番比我, 佢話真係計多咗喎, 以為臨時合約有比stamp duty 喎, 所以咪計咗2次囉.. wah 咁都得??

小妹第一次買樓, 唔知有無人可以答我呢, 係咪律師收以下費用呢?
Registration fee for agreemnt ($210); Assignment ($450); Mortgage ($450)
Search Fee ($265)

仲有丫, 原來唔只咁簡單, 原來仲要比mgt fee deposit, 公共水錶同電錶deposit...

我今日叫佢比番d breakdown 我睇, 佢話好難喎, 都finalize 曬, 好似比人騙咁.

算啦!! 當係經一事, 長一智

後記: 原來佢話無計錯, 一份係assignment, 而另一份係agreement, 所以唔同喎. 而地產果邊confirm 咗人人都係呢個數. 即係無計錯