再來介紹神屋流博多道場. 今次呢間係位於尖沙咀金馬倫道
裝修與銅鑼灣分別不大.
他的名字叫神屋流博多道場, 而非博多道場, 請不要攪錯.
因為needs 讀者的關係, 所以午餐有7折.
先來個吉列炸蠔 $18 -- 本對$18的蠔無乜期望, 但係出乎意料之外, 一上枱便嗅到好香的蠔味, 而且咬落仲有蠔汁.
小妹點咗特選刺身7點定食 $128. 賣相很精美.
為何甜蝦的蝦頭會係白色的呢, 明明係生的喎??
呢個螺肉都好新鮮.
我不喜歡鏗魚, 帶點鯹
有點後悔點刺身, 小妹通常只會點熟食, 今次的感覺有點怪怪, 不是說他不新鮮, 只是... ...
丙丙點的長崎五島牛肉烏冬 + 南蠻炸雞定食 $88
上之而試過佢地的烏冬, 細滑好味.
雞有肉汁, 但油多了一點.
飯後仲有咖啡或茶供應, 結帳為加一前7折, 加一也以7折後計算, 真是很抵吃.
優惠期到今個月底, 尖沙咀及銅鑼灣午市同時可享用.
從前未結婚時22吋腰的媽媽, 因生咗我地, 又全職家庭主婦的關係, 由以前的22吋, 變身為現在的... ... (不能說的秘密)
大肚腩已經同媽媽不離不棄, 平時著開鬆身衫的佢都唔發覺個大肚腩係咁大, 真係要佢keep 下fit 先得啦.
唔講咁多, 即刻去片, 呢d 係我out 咗的衫, choice 咗邊d... 等我緍後先公告吧~~
難得呢件衫咁收身, 但呢個款無論金都又好, 其他婚紗店又好, 都必定有的, 太大路了, out~~
嗱嗱嗱, 好明顯係肥架啦, 你地睇呢件就知. 雖然呢件都唔錯, 但我選咗另一件一樣色但唔同pattern.
呢件都唔錯架, 但係因為有袖所以無咁好睇, 如果選3件, 呢件會係入圍.
再來... 呢件比家姐品評成似窗簾布的pattern, 但其實都幾靚呀, 佢話唔好所以又out
呢件睇落去好唔錯架, 但係影相就差d 啦, 乜都睇唔到.
我地選衫時, 同時間有一家人都响到選衫, 佢地的爸爸同媽媽, 老爺同99 都品評為呢件超 good 喎, 但之不過, 都不是我們的杯中茶
我地本身係鐘的一件過, 果d 辦分開2件的係唔會選, 因為實在老土的要命.
媽媽carry 唔到淺色, 最主要係身型的問題. 佢地話10月再final confirm, 之不過我估佢地都好小會番媽媽衫架啦. 希望媽咪可以keep 下, 唔係得我靚咁就唔好啦.
星期五去註冊處選時間, 明明佢地話工作時間到11:30, 但last section 又係11:30. 可以去到11:45. 唔理了, 當然係選11:30啦, 遲15分鐘所有野都唔洗咁趕.
註冊時間及地點 : 沙田註冊處上午11時30分
********************************************************************
Confirmed 咗註冊時間, 咁當然係第一時間去印帖啦, 星期六我地就去咗昌記印帖, 唔印真係唔知, 原來英文同中文係分開計的, 但又可以唔洗全部印曬中同英喎, 即係你想點就點, 本來我落order 時係要中同部分中英的, 但想想下, 要英d 稿費又要加$150. 我真係得果幾個人唔識睇中文之嘛, 想想下不如diy, save 番仲好啦.
今日打去話唔要英文, 佢地好好人, 話對稿時幫我改單
稿費中文 $200 ; 中+英 $350 星期四有得睇稿, 希望快d 收到, 因為仲想diy 一啲野.
熨金直接印落帖到 $0.7 一張
上次食海南少爺時見到隔離新開的神流屋 博多道場, 其實較早前已在尖沙咀開業, 但一直苦無機會品嚐, 今次响銅鑼灣開分店, 真係正合我口味.
店內的橫裝真的有點像日本的居酒屋呢
Bar 枱的位置可以比客人清楚睇到串燒的情況, 佢地係用上日本備長炭
燒雞中翼 $26 -- 燒得好香, 好味... 之不過有點貴.
蔥花鹽味燒牛舌 $32 ... 小妹鐘情於厚身牛舌, 呢個略為簿了一點,
牛筋煮豆腐 $58 -- 牛筋炆的好好, 唔會太淋, 加上清清的豆腐, 呢個真好太錯的配答.
博多屋台風牛腸鐵板燒$68 -- 內臟呢家野我都不是太喜好, 見佢話所有材料都有由日本入口我先行會去試, 平時只係聽過豬腸, 牛腸唔係話食啦, 連聽都未聽過有得食. 今次來一客牛腸鐵板燒先, 又古佢唔好幾好食喎, 之不過我覺得肥咗小小, 加咗 d 韭菜, 果然係台式風味.
佢仲有牛腸鍋, 呢個比較正宗日本風味, 但必需要2人前起, 所以跟本無可能食到, 下次再有機會才吃吧.
長崎五島烏冬$65 -- 日本人喜歡來個飯或鳥冬作為一餐的總結, 其實係比較飽肚的食物, 五島烏冬係一本3大烏冬之一, 作為一個烏冬痴的我又點可以錯過呢
烏冬好滑, 湯底有著陣陣的鰹魚香味.
又多一間食店可以選擇, 唔知香港仲有無其他的九州料理呢?
E... 上次倒數好次唔係好耐的事, 咁快又要再倒數, 而家進入白熱化倒數
數番我上個月話要完成的事先
To be finished in July
1. Bridesmaid dress -- confirmed (10月先拎)
2. 媽咪衫 -- conformed (8 Aug 試衫)
3. 爸爸禮服 -- confirmed (不過爸爸話祥興都得唔好, 改咗幾次...唉... 唔做都做咗, 算吧)
4. Decoration -- to be confirm
5. Book 註冊處 (23 July 2010) -- complete -- 今日會去交擬結婚證書
6. DIY (簽名筆) -- will complete in Aug
7. confim 印帖 -- will complete in Aug
8. 褂鞋 -- done
9. 花車佈置 -- to be confirm
To be finished in Aug
1. 以上深紫色
2. 兄弟呔
3. DIY (table card, Menu card, 介子枕)
4. 入利是
5. 買豬卷
6. choice march in photo.
7. 紅酒
今日將會去註冊處交擬結結証書, 一定唔可以遲到, 之後就會去昌記印帖. 開始好緊張啦, 印好之後想 DIY 小小野, 到時真係要快手D 先得
上咗第一堂"港式婚慶籌辦實務証書課程" 今堂主打教有乜方法响香港註冊, 原來香港同香港人結婚係好簡單, 但係原來同唔同國家的人咁就會麻煩好多
上堂間仲講咗原來美心中式唐餅唔係用蓮子造架, 係用薯蓉, 所以會無左百手好合的意思, 所以買之前一定要問清楚長輩
有好多人會upgarde 條魚, 原來upgrade 東星斑一定要註明係紅色, 唔係紅色就唔係東星架啦, 咁價錢都會平好多, 到時argue 都無謂啦.
跟住落來會學唔同的知識, 個好鐘好快就過咗, 上得真係好開心
呢個係miss 的web, 大家有興趣可以去睇下.
http://hk.myblog.yahoo.com/weddingstudy@ymail.com
http://hk.myblog.yahoo.com/yoyo-club
早前睇雜誌見到介紹一間由新加坡食店, 2位主理廚師乃為文華酒店Chatterbox 出身, 話係正宗都唔正宗的海南雞, 小妹從未去過新加坡, 但對其海南雞十分有興趣, 故某日放工約丙丙一嘗正宗的星馬菜.
(真的十分抱歉, 小妹發覺G10 實在太重, 故時常不帶其上街, 但耐何小妹的手機拍攝的質數相當差, 不竟也用了多年, 希望各位不要介意... 介意都無法架啦~~~)
放工9秒9到達, 是夜乃為星期三, 此店剛開一星期左右, 因為門外有大量新鮮的花牌, 連站立的位置也不多.
我不知道是否有訂枱服務, 但當天眼見好多人都無訂枱, 而且無補票服務, 如果你真係想吃, 就得乘乖地等待, 千萬不要走開. 當天眼見袁詠儀, 袁天經等人都有留枱, 真不知是因他們的名氣所以不用訂枱, 還是真的有訂枱服務
呢到對位維港的景色, 入內桌子無想像中之多, 今次主打海南雞飯 $88 (轉全脾加$10)
先說雞湯, 材料有生菜絲和豆腐, 雞湯是另外用壺上的. 湯有雞味, 但一般而已
另外仲有小食皮蛋慕絲蒸蛋... 超唔好食呀~~~~ Sorry 都要講句, 超no good!!
冰鮮雞 -- 對小妹來講實在沒太大的興趣, 雞味太薄.
蠔油白菜-- 沒甚麼可評... 正常
肉骨茶鐵沙煲 $72 -- 聽說用上豬骨湯底加當歸, 杞子和沙參等藥材素熬足4小時, 愛吃呢個菜的丙丙品評為當歸味太薄, 但對我來講而是很重的當歸味了. 可惜的是附上的油條不脆
黑蘿蔔糕 $58 - 店員推介呢個黑蘿蔔糕, 不會像平時食到的白蘿蔔糕, 用上蒜茸, 菜脯, 蛋漿, 新加坡黑醬油 (廣祥泰的陳年老抽王). 我覺得唔夠乾身, 不過呢個又可能係星加坡的特色.
鐘意與否真的好講個人口味, 對我來講我比較鐘意太妃雞多一點, 不過可能呢個先係正宗口味.
