2012 情人節晚餐

由於要工作的關係, 所以大部份菜都一早準備好, 今年的情人節如上年一樣, 都係响屋企作菜, 嘿... 唔洗又貴又唔抵.

Starter: Jamón ibérico de Bellota
得blog 友介紹, 去咗荃灣入貨, 真係好好味, 最重要係熱咗隻碟, 等佢唔洗咁凍, 配與紅酒, 真係一流呀

Soup: Cream of Mushroom Soup

做法容易, 之不過, 我發覺, 我無一隻靚靚的碗呢

Main: Roast French chicken with lemon and rosemary roast potatoes

一天前預先醃製好, 最難的部份是皮肉分開. 無論內內外外, 皮上, 皮中最加入大量的醃製品.

Dessert: Crème caramel

今年的dessert同上年一樣, 上年係第一次做, 今次係第二次做, 進步咗.

總算係白色情人節之前出番呢個post, 最近有點忙, 忙乜?? 係啦.. 連碎碎諗都無寫, 今晚得閒會寫番.

二月小日記

27/2/2012
Yahoo blog 又攪邊科, 點解唔見曬D 圖, 係咪要我搬佢先安樂...


14/2/2012
情人節快樂!!
平日係老公煮早餐比我食的, 今日就我煮比佢食.
今日煮咗egg benedict. 下次會更加完美.


13/2/2012
又係在家做飯的日子.
晚上為情人節甜品作準備


12/2/2012
今日去花墟買花, 仲有買咗好多盆herbs.


11/2/2012
今日去咗荃灣, 為咗買iberico
之後就回家等收sofa.
晚餐就做咗boeuf bourguigon, 超好味呀, 無得頂.


10/2/2012
review 番上年, 自從結咗婚之後就係忙忙忙. 最大問題係唔知忙乜喎...
以前成日會上網睇下有乜好食, 同丙丙周圍去食好野, 而家小之又小, 多咗响屋企食野, 但又唔係d 乜野sepical 菜.
唔得啦, 我要做番真正的自己. 所以買咗drama 响今個月同下個月睇.
仲有係search 咗野食要target 去.
J2 而家Mon-Thu 做緊我的公主, 又幾好睇喎, 反而本土果D 好悶呢.



7/2/2012
最近花咗好多時晚上網買野, 呢到睇果到睇, 話咁快就過咗一日, 好彩我只係睇日本網站, 如果睇Gmarket / 淘寶, 咁就不得了
本來想寫blog, 但係拎咗啲相出左睇右睇咁又一日


6/2/2012
元宵節快樂


5/2/2012
仲係好唔舒服, 但一早約咗去老師家拜年, 幾辛苦都要去


4/2/2012
本來今日約咗舊同事上來我家, 但係因為老公身體不適, 加上自己都唔太舒服的關係, 所以要改地點.
一大班人要諗去邊到, 都係幾苦惱的事
晚上去咗上Rachel 的堂, 愛死了, 遲點同大家分享


3/2/2012
身體不適. sick leave~~~

Honeymoon 英法 - Day 6 .3 (史上最流的倒數)

逛完Lafayette之後, 回酒店休息片刻就外出用晚餐了

今次選擇咗Champs-Elysees的LEON.



我地點咗兩款唔同口味的青口,拍照上分別不大,但其實就好唔同. 法國的青口真係美味呢... 


餐是跟沙拉及炸蝦圈的. 而薯條係任食的, 但又食得幾多呢. 一盆青口大約為EUR 20, 但一支可樂就成為EUR5.5了. 呢間不是一間高消費的餐廳, 外國的可樂真是十分昂貴呢 


食飽過後, 又在大街上四處逛, 但我估佢地治安不是太好, 你看, 關了門的店要釘上木板, 怕被人破壞. 警察已著上甲, 帶上長槍, 很可怕呢~~ 而且入Champs-Elysees仲要checking 身上物品同scan 身添


Champs-Elysees大街的夜景真是很美.


由於怕沒有公共汽車的關係, 所以無去巴黎鐵塔的一帶, 只在Champs-Elysees 處遠望


巴黎的倒數, 是那麼的靜, 沒有10,9,8... , 沒有煙火, 只是巴黎鐵塔無啦啦地閃.
原來這是代表己踏入2011 了. 附近的人會開香檳慶祝. 就言而己.

伸延閱讀

Honeymoon -- 英法之旅@序及酒店篇

Honeymoon 英法 - Day 1.1 (Heathrow Airport)

Honeymoon 英法 - Day 1 (Part II)

Honeymoon 英法 - Day 2 (Part I)

Honeymoon 英法 - Day 2 (Part II)

Honeymoon 英法 - Day 3 (Part I)

Honeymoon 英法 - Day 3 (Part II)

Honeymoon 英法 - Day 4 (Part I)

Honeymoon 英法 - Day 4 (Part II)

Honeymoon 英法 - Day 5 無目的的到處走

Honeymoon 英法 - Day 6 (出發去巴黎啦)

Honeymoon 英法 - Day 6.2 (由 ChampsElysees 出發)

恭喜! 恭喜!

去到今日先叫做比較得閒update 番個blog

在此祝各位

 

心想事成

 

身體健康

 

龍馬精神

 

想果想得果樣

 

本來想多買點花, 但最終唔合心, 所以無買

 

只係買咗串串金

 

都開得唔錯呀

 

 

 

而廁所就放咗一盆細小的蘭花

 

一月碎碎諗

19/1
今日好努力做野, 本來要OT, 但最終唔洗. GOOD
丙丙今日無番屋企食飯, 而我就大家樂.
而家就蒸緊年糕, 睇下好唔好食, 好食就蒸多底比屋企.


18/1
今個月要放CNY, 真係做到氣咳, 本來想去hair cut, 但早一個星期打佢竟然話所有時段都full 曬, 我已經唔係要指定髮型師.
後來發現另一分店有位, 所以請咗半日假. Hair cut 完就去買過年野, 真係仲累過番工呀
今日丙丙本來話要出街食, 又出街食, 真係唔想呀, 最死係屋企樓下無野好食. 而且我又好累, 所以叫佢煮韓國麵
唉, 難係唔好食囉. 佢話過咗年要換番喎, 睇下佢表現啦...


17/1
今日丙丙要做飯, 當然最後佢無做到啦, 出街食飯, 我係唔會妥協的.


16/1
轉眼間己經好多日無update 過blog 了, 連碎碎諗都無寫
今日好激氣呀, 老公平時會洗碗, 同洗地, 其他野一定要叫先做.
今日番咗佢屋企食飯, 食完飯又唔肯走喎, 如果係同屋企人傾計, 我唔覺得有問題, 最大問題係... 佢响到睡覺喎...
大老呀, 你一個人响到瞓, 咁我可以有乜做呀, 呢個始終係你屋企, 唔係我屋企, 又叫我入房拎野, 話曬係你屋企人的房, 我又點可以自出自入呢
一早同你講咗, 我要趕住番屋企洗衫, 呢幾日唔好天, 啲衫好難乾. 叫咗幾十次先肯起身番屋企.
番到屋企洗咗2機衫, 又要收衫, 叫你幫下手就話唔得閒, 次次都係我做, 我唔係工人呀... 佢竟然同我講, 佢夠要洗碗啦....
而家邊個一放工9秒9番屋企煮飯比你食先. 你洗碗係咪好應份呀, 夠膽同我講呢句野...
由今日起, 你買你cook 我洗囉, 反正我覺得你洗碗又慢又唔乾淨. 大家倒轉做下囉. 你一日唔同我道歉同改善你的態度, 我係唔會就範的.


4/1

食完lunch 同同事去咗shopping, 就咁就買咗件褸

旅行完第一日正式煮飯,丙丙最近好似好累咁, 唔通仲未recover??

 

 

 

3/1

諗好曬今晚食乜餸, 仲買好咗, 但丙丙突然話唔番屋企食… (氣)

但仲好, 等我有時間响吉之島最後一日九折血拼

 

 

 

2/1

尋日番到屋企9秒9洗咗2機衫, 但係仲有好多機要洗, 唔知係咪之前太早起身都關係, 今日明明係假期, 但8點幾就起咗身了. 做咗好多家務

 

 

 

1/1

由哈爾濱回港, 咁快就過咗8日行程了, 遲d 補番遊記啦

 

 

2011年大事回顧

懶洋洋的一年, 當大家都寫完大事回顧, 我現在才有心情動筆開始寫, 但遲寫總好過無寫呀嘛…

 

一月

Honeymoon 回來, 得閒煮下飯, 煲下湯

 

 

二月

新年 – 忙… 緍後第一次派利事, 又要去相方家長到, 仲忙過未結婚. 有新居的關係, 朋友來我家.

去咗澳門睇水舞間, 食同hea

 

 

三月

無事做,得閒睇下樓

 

 

四月

繼續搵樓

 

 

五月

去咗澳門.. hea

月底買咗樓, 但… 好景不常... 樓市即跌...OMG

 

 

六月

廣州遊玩

放樓比地產

 

 

七月

幾經辛苦, 再三減價, 終於賣咗樓了

 

 

八月

開始學花球, 希望有一日可以靠呢個唯生

 

 

九月

開始搵短期租, 但唔容易

搵裝修, 傢俬

 

 

十至十一月

Confirm 裝修, 四出搵材料, 燈等

Confirm 傢俬

 

 

十二月

裝修完成, 抺抺抺, 9秒9搬離短租處

去哈爾濱旅行

 

 

 

2012年 --- 希望去多d 旅行, update 番個blog, 學有關wedding, 有朝一日唔洗番朝九晚6

12月碎碎唸

20/12
自己一個食lunch, 之後去咗shopping, 買咗去旅行要用的暖包.
放工去咗買手套, 希望唔會凍死啦.


19/12
今日窗簾軌上來安裝, cf 話唔記得咗找地的單, 打電話先記起, 我地已經遲夜安架啦, 一陣再夜又比麻煩的管理處complain.
丙丙負責睇佢安裝路軌, 我番到屋企時己經安裝好曬. 一睇之下就發現條路軌比我訂窗簾長, 丙丙仲話無問題, 我叫佢度下, 果然不出我所料. 真係睇小眼都唔得.
無法, 打去窗簾店叫佢幫我做長小小.
sofa 店今日回覆, 佢話新年前會送另一張sofa 比我, 而家呢張座住先喎


18/12
北上做窗簾. 比香港平一半有多, 我地去呢個係高尚一點, 所以價錢都貴一點點


17/12
一個cf 來睇下有無題, check 好曬話下午安窗花
安裝好浴屏, 裝好後廁所好細, 轉身都無乜位.
sofa 今天送來, 但發現佢有個線位拆咗再車, 攪到有個"lon"位, 打去sofa 店睇下點攪.
最終cf 話來唔到, 下星期再續
今晚做冬. dad & mum 第一次來我家, 今日又好忙, 所以去咗屋企樓下酒家食, 冬至的菜比平日貴幾倍倍, 又唔好食


16/12
好耐無同同事出去玩了, 今晚去咗hot pot, 一邊傾下計, 一邊打邊邊. 快樂時間過得特別快.


15/12
好耐都未OT 過, 但year-end, 唔OT 係唔得的, 無法了~~


14/12
去咗skw 食lunch, 順便買餸同生果, 比較鐘意傳統街市.


13/12
約咗kitty 食生日飯, 一齊傾計真是一大樂事


12/12/2011
放了2天假, 今日要交report, 又一作戰
放工番到屋企, 無一早prepare 好餸, 所以hot pot... happy~~~
cf 今日打來話唔見咗窗花size. 丙丙答覆咗cf 話自己度. 但係佢又點知點度呢, 做大咗又唔好睇, 細咗又唔靚, 唔係去到邊邊架嘛. cf 打來我都叫佢reject, 佢又唔聽.

11/12/2011
繼續抺抺抺... HP下降...


10/12/2011
正式入伙... 抺抺抺... 手爆裂...
晚上沒煮飯, 去咗河畔到食, 果到有好多餐廳, 要一一品嚐


9/12/2011
9時正傢俬店員已到要安裝傢俬, 仲以為佢10點先到, 早餐都未食完就要走去開門
安裝到差唔多3點先安裝好曬全屋傢俬, 但有小小錯, 要再做, 佢地手工唔錯. 無什麼甲全. good~


8/12/2011
今日開始會於假, 但仲忙過番工.
一早要裝抽油煙機, 買咗富士皇, 消委會話最好喎, 果然係唔同d
下午送全屋傢俬, 一早同傢俬店講咗我地屋苑細, 張餐枱唔拆腳係入唔到. 佢又唔做拆腳.
好啦, 入唔到. 但真係今次有貴人, 隔離屋响屋企, 開咗門比我地借位, 順利入到.
時間剛剛好, 傢俬走咗就到煤氣, 安裝咗煮食同熱水爐.


5/12/2011
CF confirmed 星期三會交樓, 今日己安電子鎖, 廚柜己做了7成.

4/12/2011
9點多, 油漆cf 己到, 好眼瞓, 但無法.

又去咗旺角買門頂及浴室用品

 

 

3/12/2011

今日全屋地皮終於完成. 好warm 好有家的感覺

座廁, 門鎖己安裝好, 但係座廁水箱蓋拎唔起, 要搵cf 跟

廚柜己到, 星期一會安裝

 

 

2/12/2011

發覺今年仲要清5日假. 決定放半日

 

因為吉之島吉日, 去咗買sofa, upgrade 咗做全真皮, 而家啲野真係比上年貴咗好多.

 

之後自己一個人行街, 去咗睇skin care, 以前一直用開日本貨, 但係自己日本同事連平日飲的水都買外國支裝水之後, 為安全起見, 都係買其他國家. 但係所有化妝品counter 都係sale 我最貴個隻, 而家就買皇牌, 咁再過10年用乜好.

 

夜晚join 咗丙丙去買浴室用品, 之後仲一齊去咗happy hour. 突然發覺今次係第一次同佢一齊HH 呢…

 

 

1/12/2011

進度真的十分大分慢. 今日繼續油油. 發覺本來的特色牆身同catalogue 的顏色差好遠, 變得一點都唔特色

安裝好云石吸咀. 大門等.