稻香漁港 – 又平又好食

寫完情人節, 我又想寫番我同丙丙星期五發生都事, 話說丙丙一早想定咗想去APM 到食泰國菜, 佢話果間幾平又幾好食, 我兩放工如是者就去咗到, 當天有min charge 喎, 我地心想,又唔係情人節, 攪乜鬼會有min charge架, 仲要百幾元一位, 雖然呢個價錢我地都應該食到, 但食唔食到係一件事, 佢有min charge 又係一件事, 我覺得宜家市道都唔算太好啦, 佢地仲乜仲搵個pre- valentine’s day 喎, 就係咁, 又本來想去的餐廳最後決定唔去

我都有好一陣子無來過APM 了, 我記得以前有間白木屋, 本來我地係想去果間到食, 但係點知已經結業, 取而代之係一間打邊爐的店子, 門口不小人排隊等待入座, 但呢間唔係我杯茶, 跟住丙丙就話想去九龍灣睇下乜野做.. 又就係咁, 我地就去咗九龍灣了

一出MTR 就見到個稻香廣告, 我地從來都未去過稻香食晚飯, 之前都有想過去, 但外於太多人等位所以我地最終都係放棄, 今次我地去到只係要等3張枱, 咪以為3張枱唔洗等好耐, 原來佢地2人枱都有得book 位, 每叫3張booking 枱先入一張walk-in 枱, 門口真係超多人呢, 個個都話book 咗枱都要等, 咁又等幾耐丫?! 最後我地等咗大半個鐘先有得入座. 平時我我一定會放棄唔等, 但因為今次我見到佢門口有個廣告 “蝦蝦大笑” – 即係白焯蝦只需要$8一斤, 半斤$4都係好半.

今次我地點咗白焯蝦一斤 ($8), 金蒜聖子($98), 苦瓜炒排骨

首先係白焯蝦上場, 好新鮮, 都算好大隻, 但我一眼看就知一定無一斤, 平時我同丙丙間唔中都會買下野煮下飯仔, 白焯蝦係我地喜好之一, 因為簡單容易.

聖子共有4隻, 都算幾大隻下, 好新鮮, 但有點兒over-cook

最後係苦瓜炒排骨, 無乜特別~~, 不形容也吧!!

呢餐真係幾便宜呢, 順帶一提, 如果有compass visa 或 DBS, 星期一至四仲有88折添!!

ღ情人節晚餐ღ 留園雅叙

留園雅敍係其中一間我最喜愛的上海菜, 城中不小名人都會去呢間食店到進餐, 記得上回就見到任志光, 所以水準一定有番咁上下.

餐廳的設計有別於一般的上海菜館, 長長的吧枱供應著各色各樣的酒(紅酒, 日本酒, 中國酒等), 較為西化自然

响情人節當晚, 我同丙丙決定再會這間餐廳

是晚我地點咗宮保雞丁 ($80). 因為小妹喉嚨有點不適, 細心的店長幫我地改為小辣, 上菜時仲問我地辣度可唔可以.. 會唔會太辣

味道的確唔錯, 如果再辣一點兒會更好, 腰果比較淋身,唔夠脆.

跟著我地點咗金衣肉蟹 ($300), 點菜時店員同我地講呢個好好味, 一定要食. 其實我地都知, 上次食完之後對呢個菜念念不忘. 响網上睇到話呢到係做金衣肉蟹的始祖, 正確與否, 下回要問問店員印證一下

見so good的節目我先知金衣肉蟹要肉上多隻蛋黃才可以做出呢個效果, wow~~食完呢餐又唔知會肥幾多呢, 唔理啦, 食完先算啦

$300 一隻蟹你可能話比較貴, 同橋底辣蟹相比, 無貴可言, 大大隻的蟹貨真貴實, 蟹身也洗刷得乾乾淨淨, 大量的蟹膏真叫人愛不適手

最後我地點咗麵豉A 菜 ($80), 呢個菜我覺得有點貴, 但係佢只會同最嫩的部份, 所以都算物有所值

話說當天係情人節, 我地只能安排2人枱, 佢地話要點著蠟燭進餐, 我地話唔需要, 但佢地話好要好氣氛, 仲幫我地張燈光較至昏暗, 我同丙丙都想… … 宜家係食中菜喎, 又唔係食西餐, 感覺有點奇怪, 但店員一番好意, 我地就由他吧

臨走時, 店長又講多次金衣肉蟹係好好食, 又話我地兩個人不能點太多菜式, 下次多d人一齊來食, 點下其他唔同的菜, 呢到仲有好多好好味的菜式. 响門口咁多人等位的時候仲大力推銷我地, 平時的我會覺得有點hard sell, 但今次我覺得多咗一份親切感呢

地址: 灣仔駱克道54-62號博匯大廈3樓

ღ情人節午餐ღ 灘萬●港島香格里拉 - Part II

上回講到丙丙食的懷石料理, 今回講下我點呢個 "紫" 懷石 ($390), 對比二月份懷石, 我呢個真的比下去了, 無論賣相同份量. 單是前菜, 二月份懷石就有3様小食, 而呢個"紫"就只得一樣

前菜用上菠菜, 味帶木魚香

跟住來個蟹子沙津, 我覺得無乜特別, 但係個金色的碗好靚

跟著壽司上場, 附上大量新鮮山葵, 本人覺得刺身同飯之間已加上山葵, 如果再加, 就會去鮮味. 可知新鮮的山葵是不便宜的, 真的有點覺得浪費

所有壽司都好新鮮, 但又未驚人都感覺

呢個蒸蛋做得好出色, 嫩滑得來又一D都唔浠, 上次湖舟到個果個帶點淆但都好出色, 但食完呢個之後, 我覺得湖舟已經比下去了, 濃濃的蛋香入面非常香的冬菇.

海老天婦羅烏冬, 初時我以為炸天婦羅同烏冬會分開上, 我最討厭佢地一齊上, 會令到天婦羅都麵衣淋曬. 用上稻庭烏冬,好滑. 蝦也新鮮, 但兩者加起來我就不太喜歡了

最後來個甜品作為今餐的總結, 甜品用上不同的生果, 最特別係同上梨子, 好香好甜

服務方面我覺得店員都算禮貌細心, 但我覺得作為一家五星的酒店可以做得更好, 出菜時無留事客人進食的進度, 又忽略响客人介紹每一道菜式.

懷石料理講求精緻, 無論餐具還是食物的擺放都要求很高, 被視為視覺藝術, 量少精緻, 口味清淡保持原味, 今日一試果然名不虛傳, 希望張來會到日本品嚐更加正宗的懷石料理

ღ情人節午餐ღ 灘萬●港島香格里拉 - Part I

今個星期係情人節, 較早前我同丙丙一齊想過食乜好, 佢知我鐘意食西餐, 所以本來佢話去Ruth's 到食, 但係情人節呢d日子食西餐, 好多時都會貴一陪或以上的價錢, 我自己覺得因為情人節而要比貴d實在太唔值啦

就係咁, 我地選擇咗去香格里拉到食懷石料理, 事前已經知道中午的set lunch 比晚上正餐平一半, 所以定枱時我地都確定當天係有set lunch.

食懷石料理往往會令人想起日本的溫泉酒店, 但外於香港無溫泉酒店, 所以灘萬張佢引入, 讓食客都可以品嚐高級的懷石料理

我地今次點咗二月份懷石 ($420)同 "紫" 懷石 ($390)

先講二月份懷石:

一上場先來前菜

Boiled vegetable with fried bean curd -- 脆脆地, 好特別

Citrus bean curd with sesame paste - 初初見到白色唔知係d 乜嘢野, 食落去好香柚子味

Deep-fried Japanese ice fish, -- 感覺有小小似鴻星的白飯魚小食

Soup - Clear soup with clam cake, bamboo shoot, seaweed and vegetables

淡淡清甜的蛤,藏在白色肉入面, 再加上海帶同竹荀, 是很美妙的組合 

Sashimi - 鯛魚, 甜蝦同油甘魚. 所有刺身都好新鮮, 但有唔算好甜

煮物 -- Simmered radish with prawn, bamboo shoot and carrot.

蝦爽口大隻, 也都保留著應有的纖細質感

酢の物 -- Scallop and tomato salad with dressing, 我無試食到, 但丙丙話帆立貝好鮮甜

燒物 -- Grilled Spanish mackerel with soya bean served with broad bean and sliced radish

用上上等的麵豉醬, 但都不會覆蓋青魚本身的鮮味.

Rice Dish -- Rice with chicken and bamboo shoot soya bean soup and pickles

雖然我無食到, 但係一上桌就好香的飯同雞味,

最後係甜品啦 -- Apple pan-cake served with citrus sherbet.

柑橘sherbet 酸酦地消消濟

To be continued~~

St Valentine's Day

先未開始寫我同丙丙的情人節餐時, 我想先寫下有關情人節的野先~~

由於今年的情人節係响星期六, 仲要係金融海潚, 所以好多花店的大意大減, 好多店主都叫苦連天.

大家可知明年的情人節係星期幾呢? 等我話比大家知啦, 明年的情人節係咗大年初一. 仲要係响星期日, 每每星期日係公眾假期, 補假就會响前一天, 即係年三十晚會係公眾假期. 如果想送花去去比女朋友公司, 就要早多二日(即係星期五) 就要送了, 咁樣我覺得好似為送花而送花, 唔係出自真心

唔知到時 d 花墟會買年花, 定係會賣情人節花呢? 平時大年初一花墟 d 花店係唔會開的, 屆時又會唔會開呢?

仲有就係唔知d餐廳又會唔會因為情人節的關係, 大年初一都開呢?!

唔錯喎@品潮軒

同丙丙成日响尖沙咀食野, 有時都唔知食乜好, 比起銅鑼灣尖沙咀我選擇比夠小, 我地今次去咗太興廣場, 睇下有乜野食. 就係咁, 我地就去咗呢間潮州菜--品潮軒

因為唔係太肚餓的關係, 我地只係叫咗3樣野

~鵝片: 好香鵝肉味, 夠味

~九肚魚: 炸得好香口

~蠔仔粥: 好多蠔仔仲有方魚, 好鮮好好味 (掛住食唔記得影相)

真係估唔到又幾好喎, 份量都幾多, 最終我地都係食唔曬

飯後仲送糖水, 門口仲有不小藝人相片添

元宵節快樂

今日係元宵節, 即係中國情人節, 我祝天下有情人終成眷屬, 無情人個d今年都搵番個情人. 出年一齊過開開心心的情人節

我同丙丙平時只會响星期五同六見面, 今早丙丙打電話比我話今日係元宵節, 要人月兩團, 點都要同丁丁一齊食飯喎

我地今次無適心安排去邊日間野都食晚飯, 所以相片欠奉, 我地都係响佢公司附近都食野

元宵節當然要去食湯圓啦, 今次我地去咗我最鐘意食的福元湯圓, 本佢响鰂魚涌佢都都有分店, 但早前己經結業了, 現咗只有紅磡同炮台山的分店. 因為無相機响身邊, 所以影唔到佢d 湯圓有好多, 真係皮簿餡靚, 尤其是芝麻湯圓, 一咬d芝麻就流曬出來. 仲要係好香的芝麻味添

雖然今日係簡簡單單的一餐, 但係一切從心出發, 食都食得好開心.. 多謝你!!