生日飯

今日食咗兩餐生日飯, 一餐係同事請我去大戶屋食午餐, 真係估唔到佢地仲記得我生日.. 多謝曬!!

另外一餐係同我的好朋友去咗盛八到食晚餐.. 我地不停食同講野, 連帶咗相機的我都唔記得同人&食物影下相, 開心的時間永遠過得好快.. 好似食咗唔係好耐就已經十點幾.. 希望下次可以再食長d.. 再傾耐d!!!

Thanks so much for your lunch and dinner ~~

閒談我至愛的綠茶@伊右衛門

唔知大家有無飲綠茶的習慣呢? 我每朝早起身必定要飲番杯奶茶, 番到公司必定會飲綠茶

飲綠茶的習慣應該係又丙丙送第一盒綠茶比我, 以前我都覺得綠茶無乜特別, 可能係好同唔好的分別啦, 自從佢買咗伊右衛門比我之後, 其他綠茶的都唔喜愛了, 呢隻伊右衛門係加入咗抺茶, 而且佢綠茶同抺茶的比例恰到好處, 相比伊藤園, 伊右衛門有過之而無不及, 所以前係值得推薦的綠茶

唔同地方售價亦有差異, 比如話Sogo 售價為 $39, 現今吉之島做緊減價為$28.x, 但是價錢比上回前減價時已貴咗幾元了. 無法啦!! 日元不停升值, 所有日本貨物的價錢比起之前都高出好多個巴仙.

唔通連個天都唔鐘意我??

今日我再打去問大阪成唔成團, 上個星期頭都打過去問, 佢話報名人數已經過咗10人(要10人先成團), 但係仲未confirm 機票同酒店, 成團指數為80%, 今日我再打去問佢話仲未夠10人喎, 有無攪錯, 我佢地明明上次話已經有十幾個人, 我再問佢你地上次明明話有十幾人啦喎, 佢答我可能係有d人轉咗團...等

我再問佢地如果成唔到團, 有無其他日子, 佢地話4月1日至3日同5號到成咗團, 唯獨我要去果日(4月4號) 係未成團, 仲有係1-3日都已經 full 曬, 5號果日得番9個位, 但團費係$6199.. 比起我之前報貴咗$700 啦

佢地話最遲會响3月27日知道成唔成到團, 當日會係我的生日, 唔知佢地會唔會比呢份生日禮物我呢?? 但係都係渺忙的機會多d 啦!! 

好味飲茶篇@大榮華~~韜韜我來啦!!

以前要去大榮華, 真係要山長水遠, 大家都要要去大榮華食晚飯, 如果無book 位, 都係唔知要等到幾時, 仲有係佢地d點心, 出名又抵食, 比起方間美x, 真係唔洗同人比呀, 無論份量同味道, 大榮華都係跑羸幾條街

自從大榮華仲出元朗响九龍灣開設分店, 都係對我地來講係天大的喜信

蝦餅 -- 好味丫.. 可能我自己本身都喜歡食香口野啦

當歸豬手 -- 我自己本身就唔係好鐘意呢d 葯材味, 不過丙丙就好喜愛啦... 仲話好好味!

鮮竹卷 -- 唔太特別, 不過都好味

wow~~ 蝦絞丫, 好大件, 仲要有好多蝦tim

山竹牛肉~~ 好大件, 仲有好多我至愛的腐竹

呢個芝麻糊真係好唔得, 太甜了, 一d芝麻味都無, no good!!

地址: 九龍灣其士商業中心2樓

都唔係咁好味姐~~ Outback

由於有coupon 的關係, 所以我同丙丙去咗outback 到食野, 張coupon 價值$88 架, 如果有blogger 要去outback 食野, 記得print 張coupon 出來丫, 可以慳番d. Coupon 去到3月尾架

平時我多數去outback 食lunch, 一來近公司, 二來有lunch set, 晚餐無set 價錢會比lunch 貴好多

今次我地點咗:

Appetizer: Mussels Marinara

呢個一d都唔平架, 不過丙丙知我鐘意食咪點囉, 但係得8-9隻, 仲要係好細隻, 不過都叫做鮮甜, 不其然令我想起年多前响 Anthony's Catch 到食的青口, 又好味又抵食

Main course: Ribeye Steak with side dish baked potato and chef's veggies (served with soup, house bread and Caesar salad)

Caesar salad 同熱的house bread 好好味. 唔得邊個TVB節目大講呢個牛扒點好點好, 但係比起我多年前响到食差咗好多, 仲有丫, 點chef's veggies 唔係好抵, 因為得兩件, 相對個焗薯抵好多

Another main course: Shrimp and Mushroom Pasta

呢個pasta 一d 都唔得丫, 大家千其唔好點, d 蝦一d 味都無, 比起 Ruby 佢差好多陪

Outback: Official Website

Coupon

睇樓記 II

今日我再同丙丙去睇樓, 本來打算星期六先去, 但點知佢臨時要出trip, 所以改咗今日

我地今次去咗大圍的金禧花園, 佢地面積係463同416兩種, 又係新地發展商, 樓齡有24年啦, 都算舊, 不過單位都係正正方方, 實用得7成到, 但叫做交通方便, 第日沙中線都係响大圍為首站, 仲有大圍上面張來有大型屋苑, 聽地產經紀講大圍站將來會有5層多商場, 面積會大過沙田新城市廣場同又一城.

雖然大圍站上蓋會有大型屋苑, 但係呎價太高啦, 大約7K一呎, 我同丙丙都覺得貴, 所以都唔會買果到, 但係周圍有咁好發展, 所以金禧都算係一個好選擇, 不過裝修費就會好貴啦, 因為水管各樣都要換

UM.. 點 choice 好呢??

食calbee薯片, 千其唔好問幾點~~卡樂B櫻塩味薯片

上個星期去咗吉之島買零食, 無意間比我發現到呢個期間限定的櫻塩味薯片, 味道都唔錯, 幾好味. 今日再去唔見有得賣啦, 唔知去唔去得成大阪呢, 如果去得成, 真係要想下有乜野要賣, 因為下年未必會去旅行了