2009年6月7日 星期日

囍之酒席 -- Royal Garden Hotel


Final Hotel Booking


我同丙丙都覺得酒席booking 係最重要的, 呢2個星期咁不停打去hotel問information, 適合我地圍數, min chg同菜色的真係唔多, 最後我地都 final 咗royal garden



其實佢都有唔好之處:-


1. 無spot light for march in,不過係話會較光暗同無一排燈開


2. 因為係幾間房打通, 所以有小小板間位


3. 新娘房無獨位洗手間 (聽講10圍個間room 係有架)


4. 有一部無LCD 電視.. 仲用緊大牛龜, 有無攪錯



不過以菜式來講, 佢地已經幾好(at least 自己覺得):-


鴻運乳豬全體


西蘭花帶子珊瑚蚌


百花脆蟹鉗


蒜子瑤柱甫


紅燒竹笙海皇蟹肉翅


福祿鮑片扣百靈菇


清蒸大海斑


當紅蒜花雞


蘭度蛋白肉崧炒飯


上湯北京餃子


雪耳燉萬壽果


美點雙輝


鮮果拼盤


講真, 如果場地好, 又有以上各樣野, 價錢就唔係呢個啦. 話曬人地比人情, 我都想人地食飯餐好D 架嘛, 唔好失禮人家


我問Royal Garden 個sales, wedding expo 會唔會有乜唔同, 佢地話多d offer 囉, 咁同佢講我都confirm booking, 叫佢幫我hold 咗大日子先, 佢draft 定份contract 比我


我地6月6日都有去wedding expo, 都有比較過其他hotel 同royal garden. 原來佢地做expo 都無special offer, 都係之前佢地第一次send 比我話送個d 野


最後個sales 幫我盡個份contract, upgrade 咗以下的野:-


1. 5磅心形鮮忌廉蛋糕或兩款小食供三十人於席前享用 à8磅心形鮮忌廉蛋糕同兩款小食供50人於席前享用 (即係100件)


2. 席前敬送每位一杯迎賓雜果賓治 à unlimited welcome punch for 3 hrs


3. 每兩席敬送精選餐酒一瓶 à one bottle of house red wine for every table


4. 每席敬送中式喜帖8張 à每席敬送中式喜帖12張


5. 自備洋酒免收開瓶費 (每席一瓶) à自備洋酒免收開瓶費(for all)


6. 免費代客泊車位四個à免費代客泊車位六個


拿, 呢d 所有都係sales 自動幫我upgrade的, 我基本上無再bargain d乜啦, 我覺得佢好好人. 有時要bargain 就無乜意思啦


呢個sales 叫Yvonne 丫. 我真係覺得佢有心囉~~


2009*夏*澳門 -- Part IV

唔知晚飯食乜好, 又唔想又周圍搵, 所以決定同上次一樣, 去番煥記海鮮飯店, 去呢到食飯一定要早,  係好早個隻, 因為佢地真係超多人, 我地5:40分已經去到, 你地話係咪超早, 我地入內時已經差唔多有6成 full, 仲有係有d 人都差唔多食完了, 唔洗5 mins 就己見無枱了, 除非你係已經定咗枱啦, 唔係真係唔知點等幾耐囉, 有好多人都以為6點鐘到一定有位.. sorry.. 係已經無的, 個樓面話有人都係剛剛座, 你問我要等幾耐我就真係答唔到你地啦, 不過我自己平時食飯大約1.5 hrs 囉. 咁你留唔留名丫. 佢好似唔係多想做生意咁, 又或者咁講啦, 佢地的而且確係平同好味


我地當日不停咁食食食, 所以都唔係點咗好多野, 有special price 的榣柱蒸水蛋 ($5)


唔好以為$5 就好差, 相反一d都係唔係, 仲要係好足料, very very good!!!



西芹炒石班 ($58), 有小小油, 但鑊氣好足, 石班係新鮮貨, GOOD!!



最後來個蒸蜆 ($38), 好大碟, 好多隻, 都係有d 估唔到, 但係有1-2隻有小小沙



我覺得呢間真係一間值得推薦的食店, 好味又抵食, 如何我下次來澳門都會再試下佢其他的菜色


食飽過後我地就提早番香港了, 因為第二日仲要番工


 


伸延閱讀


2009*夏*澳門 -- Part III


澳門之旅 -- Day 1 (Part V)


2009*夏*澳門 -- Part III

Ha ha. 我地今次都有去永利到賭番兩手丫, 不過今次無贏到, 我地拎咗$300 出來, 話咗無曬就走. 本來我地想去新濠天, 但原來佢地6月1日先開張, 所以我地都唔知去邊到好.


想下想下, 丙丙話想去新八佰伴行下喎, 順便食下老佛爺的蛋糕, 上次我地次次去都係得番一種, 其他的都賣曬



今次呢個係blueberry cheese cake, 但我同丙丙都覺得上次個件 cheese cake 好食d, 但呢件都唔差, 一樣係咁好食


跟住我地就去咗八佰伴周圍行, 仲好無聊咁第一次同丙丙試咗最近的出的osim. 我地响香港一定唔會試, 因為唔知好似點咁, 但去到第二到玩下又無壞


無無聊聊咁周圍走咗一陣, 出面又落緊雨, 我地都唔知去邊到好, 想下想下, 不如去食番個碗仔翅 -- 添發碗仔翅美食



呢到好出名架, 好多名人都來食, 平時會大排長龍, 不過因為果時落住雨, 雖然要排隊但係都唔算多人, 等咗一陣就入得, 都算好彩. 店子好細, 座位唔多, 如果都係多人要等都要等好耐. 我地今次點咗雞絲生竹碗仔翅 ($20), 豪華碗仔翅 ($35)


普通版同豪華版原來分別不大, 係多咗一d 材料, 佢地的份量都好足, 有雞絲, 魚翅同竹笙.



食完之後我地又周圍行, 跟住就食番個early dinner, 之後就番香港了


伸延閱讀


2009*夏*澳門 -- Part II


2009*夏*澳門 -- Part IV


澳門之旅 -- Day 1 (Part V)


2009*夏*澳門 -- Part II

跟完豆腐花之後就同丙丙相討去邊到食午飯, 行行下先到祥記麵家喎, 之前行過先到大排長龍, 但今日無人等位喎. 雖然我兩對蝦子麵無乜興趣, 但人人都講到咁好食, 好.. 點到要去食下先



我地今次都唔算好早丫. 12:30 渣... 同平時食 lunch 一樣, 但唔知點解無人等位, 但我地走果時係超多人响門口排隊, 所以丁丁話, 去澳門食野一定要比人早人步, 唔係你會後悔, 因為要等好耐



祥記麵家有50年了, 以竹昇麵而聞名, 佢地最出名係蝦子撈麵 ($19), 最後發現我地兩個都唔鐘意食蝦子麵的, 所以我地的評價不可以作準



反而我地兩個都鐘意呢個豬手撈麵喎 ($19), 豬手好香南乳味, 好食!!



我地仲有點咗炸雲吞 ($28), 佢地的炸鯪魚球的都出名架, 不過我地驚太熱氣所以都係點咗炸雲吞.每隻雲吞入面都有蝦的, 幾好食, 唔錯




食完之後我就陪丙丙去辦正經事了


祥記麵家


地址: 澳門福隆新街68號地下


 


伸延閱讀


2009*夏*澳門 -- Part I


2009*夏*澳門 -- Part III


2009*夏*澳門 -- Part I

最近真係好忙, 好多野都無時間寫番, 响端午節當日因為丙丙有事要過澳門做,順理成章我都陪佢走一趟.


端午節前幾日天色都唔係多好, 不時下著大雨, 出發前都好擔心唔知會唔會好大雨而好快要回港, 不過都算好好彩, 都唔算好大雨, 藍天白雲當然無啦, 不過都算係咁啦.


咁多次同丙丙去澳門都無去過炮台個邊, 次次都係响大三巴到影完相就走, 今次我決定要同丙丙上去大炮台都行下影下相



估唔到會見到蓮花喎。。。



原來炮台上面係澳門博物館



响呢到可以俯覽全澳門的景色.. 原來仲可以見到我地上次住果間酒店 -- 十六浦索菲特大酒店



呢係澳門行程係食, 食, 同食 (咁當然仲有係丙丙要辦的事啦, 呢果先係最重要)


我地到達澳門的第一餐係豆腐花~~


呢一間我地上次去澳門時已經想去食架啦, 但係3點幾去到佢已經話賣曬, 有無咁誇張丫, 所以今次我地下定決心一定要食到, 今次又係搵咗好耐都搵唔到, 問本地人佢地又唔係好識 (開始好懷疑係唔係咁好食呢? 因為本地人都唔係好知)



我地點咗2個凍豆腐花 + 花奶, 其實要食到佢係咪真係滑最係好食熱的, 但因為當日的天氣好熱, 加上我地走來走去咁搵, 所以都係食番凍的.


你問我好唔好食, 搵咗咁耐又咁辛苦, 點都會話好食, 其實我覺得同深水埗果間差唔多, 不過佢加咗花奶所以會香D



想去食的朋友記住啦, 响德按成樓到入 (即係手信街對面)



直行會先到同善堂



先到瑩燊地產果條街就係了



伸延閱讀


2009*夏*澳門 -- Part II


2009年6月4日 星期四

人情 & 禮金 -- 有感而發

其實父母有無想過我地其實唔係有錢人家, 睇 forum 見到好多人都話女家媽媽要幾多圍酒同禮金, 仲有西餅, 中式唐餅, 燒豬卷... 呢d 野佢地知唔知係好貴架


唉!! 想結婚, 又要有樓, 又要呢樣, 又要果樣... 跟本無乜可能, 我地唔通識變錢咩


有時想佢地點解要生我呢, 點都唔會係為咗禮金丫嘛, 收咁多我地日後生活點喎, 佢地有無想過呢?? 我估佢地都係想我地過好的生活架嘛!!!


2009年6月3日 星期三

擇日子

超煩丫, d 網上通勝一d 唔係個個準, 最死係一個話果日宜嫁娶, 但係一d 又話果日忌 嫁娶喎, wei.. 同一日係宜定忌丫.. 唔好玩野喎


唉~~ 通勝又未咁快出, 點算好呢?