唔 complain 都唔成事之CCB Mortgage

CCB做野都係幾過份, 我7月10日申請mortgage, 本來跟我地果個人放假, 第二個人幫手跟我, 講真, 佢唔係follow up 開我地個case, 人地都係大約幫你跟下, 佢Mon 話已經叫咗上面儘快approve, wed (即係今日) 會批到.

但係今日打去佢回覆我話要星期五先有喎, 吓... 又等.. 無野丫話, 都差唔多一個月囉. 跟住我打去customer service complain. 話時話, 佢地d CS 都幾 powerful, 我講咗我個case 比佢之後, 佢幫我打去bank 同貸款部, 15分鐘之內覆我話貸款部今日之內會批到比我, 仲話佢今日on duty 去到 20:00, 但聽日會放假, 星期五先番, 不過已經同同事講咗我的case, 會有人follow up

6點我都未見佢回覆我, 我打去比佢點知去咗留言, 咁我當然有留言到啦, 佢話剛剛同我apply果個branch 傾緊, confirm 咗已經批咗, 仲今日會去MC. 不過bank 個邊會親自confirm 我一次

又估唔到反而CS 會幫到我.. 宜家仲差MC.. 睇來明天要打去問問先得

按揭...都算順利

之前過比CCB 玩死, 一心打算用佢所以無再去其他bank 都做mortgage, 但等了又等都未有offer 比我地, 所以我地決定去申請其他bank

星期六早上, 我地去咗DBS, 佢地offer 個rate 比我之前問差咗好多... Hibor rate 係 H+0.8-1%.. CAP 係P (5.25)-2.5%; 我記得我之前問的rate 係H+0.7%.. 係 P(5.25)-2.75%, 不過我地都無的choice, 去咗application 先啦

跟住我地去咗HSBC, 佢地肯比番之前我地問的rate 的, 即係 p(5)-2.9, cash rebate 1%

最後我地去咗BOC, 出乎意料之外, 佢個rate 比我之前仲低咗, p(5)-2.925, cash reabte 都係1% (本來丙丙話佢同HBSB 一樣, 唔去咁多間, 又想唔聽我話, 上次唔聽我講已經出咗事啦, 無我不停咁哦佢之後, 佢終於都去咗, 好彩渣, 唔係邊有咁平的rate 喎)

有好多人都話HSBC 做野好慢, 我地星期一下午confirmed 咗佢地已經幫pass 咗上office, 今日HSBC 同BOC 放工前都confirm 咗個rate 批咗, 聽日會拎去HKMC 到

呢一關真係好緊要, 好多人都話MC手腳好慢, 希望佢地可以幫我地做快d 啦.. 因為仲有不足一個月要收樓啦

銀黏土手作仔之二

銀黏土課程話咁快就上完了, 呢個係我第二件作品, 本來唔係想做呢個的, 本來我係想用樹葉做個捺紋出來的, 但係銀黏土有限, 所以好難找到合適的樹葉

呢件作品做得唔係好滿意... 比丙丙評為小學生作品

初學者係咁上下架啦, 又無乜時間比我設計 (自我安慰中)

魚鱻魚湯專門店 ... 好唔好食, 見仁見智

記得有一次同丙丙去過大角咀, 見到有一間同魚湯來作生招牌的食店, 我地話有機會要一試. 呢句說話都講咗作年幾但都係仲未去, 有一日唔知點解丙丙突然記起佢, 我地就去咗人生路不熟的大角咀了

手打墨魚餅 ($30) -- 其實得2件, 只係切開一半, 好多人都話好彈牙, 但同我先前去陳漢記所食的墨魚丸真係差天共地, 呢到一d 墨魚味都無

麻班球米線 ($56) -- 因為我唔食多骨的魚, 所以點咗呢個, 但係總共的幾片, 至於魚湯呢, 我覺得唔係用番麻班球來煮的, 只係用普通的魚佢魚湯底的, 至於白色嘛, 其實只要煎下d 魚先做魚湯, 咁個湯底就會白色的了

蕃茄肉碎魚湯泡飯 + 蚧子丸 ($32) -- 呢個味道唔錯, at least 好過麻班球米線, 不過d 肉碎係肉大部份都用上肥豬肉... 呢一點真係no good 啦

地點: 大角咀埃華街98號地下

心煩@按揭

因為丙丙家姐識人都關係, 所以我地一值都係 apply 咗一間bank, 我上網見到人地apply 咗幾間bank, 問丙丙洗唔洗, 佢話唔洗啦, 姐姐識人會幫我地攪

時間都係過得好快, 轉眼間而過咗3個星期, 我都有間中問丙丙status 去到邊, 佢話批緊, 我見唔多對路喎, 都3個星期, 叫佢再問下啦, 一問之下佢話要下星期四先批到喎. 你唔係丫嘛, 咁咪即係一個月, 我先人地有d bank 係即日批, boc 就係最耐, 你話而家係咪死路一條, 我真係好pk 果個人,我估佢無同步同我地申請hkmc, 因為我上網check 過無我地record

明天一日我同丙丙做一齊去申請多幾間bank, 我仲會親自打電話去比ccb 到話下果個人, 真係唔話唔得丫.咪以為我好蝦!!!

希望明天再apply 唔會太遲啦, 宜家有超擔心中~~~ 唉!! 丙丙又一次唔聽我講而出事啦

囍之佈置@Colourful Floral

之前我地去過酒店送的 Free Concept, 實在有點 out budget, 上次去 wedding expo 都有睇下 d decoration, 睇下有乜野idea

其實我覺得好多decoration 都差唔多, 大同小義, 無乜特別驚喜, 又可以咁講啦, 我地唔想花太多錢响呢d 野身上, 所以都想搵間又靚, 又平的, 我相信好多姊妹都同我都係一樣的想法

Special Package $2,888 (包安裝, 運輸及清場)
1. Backdroup (8'x16') ~~ 雪紡系列 or 瑰麗絲花 or 羽毛/水晶/典雅珠串系列 (送: 禮堂立體英文字)
2. Backdroup ~~ 背皮加絹布及雪紡面(共2層_
3. Recption Table ~~ 簡約雪紡 + 絲花系列 (或) 羽毛/水晶/典雅珠串系列
4. Cake Table ~~  簡約雪紡 + 絲花系列 (或) 羽毛/水晶/典雅珠串系列
5. Photo Fram ~~ 瑰麗絲花 + 羽毛/水晶/典雅珠串系列

Velvet 瑰麗絲絨 $3,288 (包安裝, 運輸及清場)
1. Backdrop (8'x16') ~~ Velvet 絲絨垂直系列+ 典雅掛飾 OR 金銀閃葉 / 瑰麗絲花
2. Reception Table Decoration ~~ Velvet 絲絨 + 典雅掛飾 / 絲花
3. Cake Table Decoration ~~ Velvet 絲絨 + 典雅掛飾 / 絲花
4. Photo Frame Decoration ~~ Velvet 絲絨 + 掛飾 / 絲花

Addition:
訂字款 $500
毛毛地毯 $1800
如果想加射燈, 白榕葉樹有30% off

我地就比較喜歡絲絨系列, 上過去佢web 到但係唔係太多相 (其實仲係好老土的相),所有都只係都係現場睇, 網上有d 人話佢每樣野都要加錢, 乜其他公司唔係架咩??

我地又唔係太急, 所以都係睇清楚d 先!!

Official Website: www.colourfulhk.com

再嚐東京和食

唔知點解, 我的丙丙係好鐘意去呢間野都食, 唔知係咪佢懶想去邊到食定係真係咁鐘意呢?

香蔥牛舌芯 ($65), 呢個都有一貫的水準, 其實應該話食材, 因為次次都係丙丙親手燒比我食的

香脆海蝦天婦羅卷 $24, 唔知係咪餐有呢個, 所以一早做好曬, 蝦已經唔脆, 仲有小小淋身, 無論賣相同品質都比以前差, NO GOOD!

小缽魚生碗飯 ($78), 魚生都算新鮮, 但細碗咗D, 不過話明係小缽丫嘛!!

天婦羅烏冬 - 呢個好一般, 不過烏冬都算幾滑, 但係d 天婦囉炸的有小小差

相關文章:

東京和食

再會東京和食