某某星期六同丙丙食完午飯, 到夜晚都唔肚餓, 但係如果唔食小小野, 到11點肚餓上來都唔知點好, 所以我地決定都係食日本野, 細份d 適合我倆
本來想去試下恒和鑽石大廈的其他店舖, 但係都唔知選邊間好, 所以最終...我地去番天喜, 一來有信心d, 2來想試下佢地夜市的食物水準
先來個前菜.. um.. 我都唔太識形容, 味道ok 啦, 無乜special.
北海道蟹棒沙律 ($52), 好好味丫, 北海道蟹棒同其他蟹棒味道果然係唔同d, 仲有蟹籽都好鮮味
串燒係我的至愛.. 呢到的牛舌厚切都不算便宜 ($58) 但係味道的確唔錯, 仲因有厚度咬落去先好味
雞翼塩燒 ($48) -- 果皮燒得好脆, d 肉咬落仲有肉汁 good!!
我聽到呢到的老闆同其他食客的說話, 果來呢間同備長都係同一老闆, 唔怪之佢地的串燒咁有水準啦
最後來個超飽肚的東西, 就係軟殼蟹加州卷 ($78) -- 大家都知食牛油果有幾飽肚架啦, 所以食呢個係必飽的, 但係我地點咗呢個之後等咗好耐先有, 在問咗幾次之下差點我地要cancel order 之際佢先來到, 軟殼蟹我估都係新鮮炸的, 點解用"我估". 因為我食的時候已經係凍冰冰了.. 唔知係咪師傅唔得閒定係乜呢?
總括來講, 雖然係美味, 但係價錢比起午市實在差太遠, 為咗節省金錢, 都係午市夠為適合我呢~~
早前响dyos 到訂造咗對鞋, 終於有得拎了 (其實都拎咗幾個星期, 不過宜家先有時間post 番出來)
唔知點解, 响呢間屋企影出來的相永遠係唔合心意, 希望屋企快d 裝完裝等我再影多次
丙丙話我咁辛苦影pre-wedding + 減肥, 為咗為勞下我, 決定同我食飯餐buffet 喎. (之不過其實我都從來無減過肥 
JW Marriott 的 buffet 一直都大受好評, 但係我就從來未去過, 今次好其待呢一餐, 所以丙丙早幾過星期就book 定位, 唔知呢一餐同Yamm 有無大分別呢??
先講冷盆 -- 壽司得以下三種, 種類唔算太多, 刺身也不是我今次的target, 只得北寄貝, 三文魚等
蟹子沙津好好味, 出乎我意料之外
沙律吧有好多種選擇, 仲有2種唔同的煙三文魚, 但係味道對比之下比Yamm 差好遠.
跟住到主角出場啦!!佢地分別係加菲蟹, 龍蝦仔同波士頓龍蝦. 老實說, 大家對佢地的蟹同龍蝦都一致好評, 但係唔知係咪我當日的水準比較差, 加菲蟹無鮮味, 波士頓龍蝦比龍蝦你好一點, 但都不算好鮮甜, 仲有去到8點已經只得龍蝦仔.
早前問過店員lunch buffet 同dinner buffet 有什麼分別, 他問告之分別在於龍蝦, 但lunch buffet 只係26x 而dinner buffet 係43x, 咁我覺得lunch 會worth d, 而且龍蝦跟本唔太好食
對相之下蝦反而鮮甜, 值得推介
青口都係鮮甜, 而長腳蟹就只得鹹味而沒有鮮味, 仲有Yamm 所有長腳蟹都已經開咗邊, 好容易就食得, 而佢就仲要慢慢剪開
熱葷都有好多選擇, 例如佢地最出名的花膠, 的而且確係幾好味. 但係食多2件就超飽肚.
佢地無蒸全條魚, 但就有呢d 一件件的班片
仲有最估唔到的係平平凡的意粉, 我反而覺得好香好好味喎
至於牛扒, so far so good, 無特別驚喜
佢地的甜品選擇都有很多, 係回本必食之一. 仲有Haagen-Dazs ice-cream, 但我覺得Haagen 太甜啦, 但喜歡食的朋友, 佢地有4種選擇
總括來講, 呢餐buffet 的好失望 (可能我見好多好評而期望過高吧) 我覺得Yamm 好食過JW 好多, 但係有好多人都話Yamm 差咗好多, 唔知係咪真? 見openrice 佢地的負評比起JW 多好多. 但JW我都覺得物非所值... 咁Yamm 咪
講真, 如果以lunch 來計, 我覺得JW 的確係一個好選擇. dinner 呢? 我個人覺得好一般.
(P.S. HSBC 白金card 有8折, 加一以原價計)
半年一度的 sogo sales 已經開始咗一半啦, 今次我sogo sales 又大出血啦, 由宜家開始真係要慳 d 洗
Shu uemura 的 foundation 真係好抵丫, 我都幫小歌買咗一set, foundation + base + cleaning + lip gloss 都係 $280. 雖然得 foundation 係 original size, 其他都係細細支, 不過都好抵.
最近天氣好乾, 聽人講 LANEIGE 呢支water sleeping pack 幾好用, 見平又有discount 所以買來用下, 用咗幾日無乜特別 ($160)
唔知係咪睇得日劇同日本magazine 多, 越來越鐘意呢d 有pattern 的絲襪, 平時都幾貴架, 但係宜家做緊8折. 所以買咗2對
仲有仲有, 買咗幾件衫, 本來想响AR / October 22 到買件褸架, 但睇唔合心.
除咗以上之外, 我仲買咗個電飯煲比kitty 佢新居入伙, 平時都無咁多discount, 佢入伙真係合時, 我又慳番d
今個月抵一田仲有大減價, 到時我會為新居買番d 床單. 到時再報告啦!!
早前花帶歌同班姊妹好咗"妹記" 食飯, 突然想去由佢地响街市時我話想試, 試到宜家都仲未試到. 見花帶歌食過又唔差, 所以去完影相就去咗呢到食飯. 佢只係同MDW 隔2間店舖, 所以十分方便, 唔洗拎住d 野走來走去
有乜野好食, 唔洗周圍睇架啦, 好大個board 寫好有乜出名同價錢, 一場來到我地當然點佢地的名菜啦
先來個小食, 南乳香酥骨 ($42), 炸的好脆而且仲有小許肉汁, 再加上好野味南乳.. 好好味喎. 之不過又話係小食, 點解咁大碟, 開始心知不妙, 今次又一定食唔曬d 野
跟住再來燒汁野菌牛脷粒 ($68) -- 好大碟, 好多牛脷同菇丫.牛脷唔會大淋, 做得恰到好處, 仲有不同種類的野菌, 真係幾好食
最後來個乳鴿王 ($42) -- 丙丙知我鐘意食乳鴿所以點, 但其實我覺得有點貴. 呢樣野都唔緊要, 食落去隻乳鴿仲有血的, 而且係一d 鮮味都無.. 3個餸之中佢係最差, 下次來呢到食都唔會點呢個餸. 我仲不時聽到佢地推介呢到餸佢客人食tim
呢個有個特色, 佢地個啤酒係用上哈爾濱的, 所以係用碗來飲, 而唔係杯, 都幾得意架
仲有佢地的可樂有隻裝同管裝提供, 不過價錢都係一樣 $8
响咀尖來講, 佢地的價錢都算便宜, 仲有不設加一, 之不過佢地的名菜大部份都係炸. 喜歡食炸野的朋友呢到不失為一個好選擇. 如果想食清啖d 的朋友我就推介住家菜了
註: 我唔清楚呢到有無得訂座, 當我地點完菜之際, 所有枱都座無虛席, 當時大約7點咗右.
地址: 尖沙咀金巴利街45-47號金巴利廣場地下
電話: 2721 2123
