因為丙丙家姐識人都關係, 所以我地一值都係 apply 咗一間bank, 我上網見到人地apply 咗幾間bank, 問丙丙洗唔洗, 佢話唔洗啦, 姐姐識人會幫我地攪
時間都係過得好快, 轉眼間而過咗3個星期, 我都有間中問丙丙status 去到邊, 佢話批緊, 我見唔多對路喎, 都3個星期, 叫佢再問下啦, 一問之下佢話要下星期四先批到喎. 你唔係丫嘛, 咁咪即係一個月, 我先人地有d bank 係即日批, boc 就係最耐, 你話而家係咪死路一條, 我真係好pk 果個人,我估佢無同步同我地申請hkmc, 因為我上網check 過無我地record
明天一日我同丙丙做一齊去申請多幾間bank, 我仲會親自打電話去比ccb 到話下果個人, 真係唔話唔得丫.咪以為我好蝦!!!
希望明天再apply 唔會太遲啦, 宜家有超擔心中~~~ 唉!! 丙丙又一次唔聽我講而出事啦
之前我地去過酒店送的 Free Concept, 實在有點 out budget, 上次去 wedding expo 都有睇下 d decoration, 睇下有乜野idea
其實我覺得好多decoration 都差唔多, 大同小義, 無乜特別驚喜, 又可以咁講啦, 我地唔想花太多錢响呢d 野身上, 所以都想搵間又靚, 又平的, 我相信好多姊妹都同我都係一樣的想法
Special Package $2,888 (包安裝, 運輸及清場)
1. Backdroup (8'x16') ~~ 雪紡系列 or 瑰麗絲花 or 羽毛/水晶/典雅珠串系列 (送: 禮堂立體英文字)
2. Backdroup ~~ 背皮加絹布及雪紡面(共2層_
3. Recption Table ~~ 簡約雪紡 + 絲花系列 (或) 羽毛/水晶/典雅珠串系列
4. Cake Table ~~ 簡約雪紡 + 絲花系列 (或) 羽毛/水晶/典雅珠串系列
5. Photo Fram ~~ 瑰麗絲花 + 羽毛/水晶/典雅珠串系列
Velvet 瑰麗絲絨 $3,288 (包安裝, 運輸及清場)
1. Backdrop (8'x16') ~~ Velvet 絲絨垂直系列+ 典雅掛飾 OR 金銀閃葉 / 瑰麗絲花
2. Reception Table Decoration ~~ Velvet 絲絨 + 典雅掛飾 / 絲花
3. Cake Table Decoration ~~ Velvet 絲絨 + 典雅掛飾 / 絲花
4. Photo Frame Decoration ~~ Velvet 絲絨 + 掛飾 / 絲花
Addition:
訂字款 $500
毛毛地毯 $1800
如果想加射燈, 白榕葉樹有30% off
我地就比較喜歡絲絨系列, 上過去佢web 到但係唔係太多相 (其實仲係好老土的相),所有都只係都係現場睇, 網上有d 人話佢每樣野都要加錢, 乜其他公司唔係架咩??
我地又唔係太急, 所以都係睇清楚d 先!!
Official Website: www.colourfulhk.com
天色唔太好, 時落雨; 時陽光. 食完午餐等咗一陣, 總算有番d 陽光, 唔再落雨
由大埔墟跟住指示牌走, 好容易去到
大埔墟火車站, 好有懷舊色彩.. 但係似唔似TVB片場呢??
記得上網睇過d 人咗到影pre-wedding, 呢到係佢地必影的地方
火車都有唔同colour, 有紅色同綠色, 如果都係去呢到影要想想著乜野顏色的衫先好襯番
呢到又係必影的地方, 一人座一邊對望
以.. 反以好似未見過响呢到影喎, 唔知係咪影出來唔靚的關係呢
呢到都幾好, 可以選擇, 但係如果我地選3個地點分別為迪欣湖, 大埔火車博物館同赤柱. 3個地方會唔會距離太遠呢
等我再想想先, 今個星期會去大潭水塘, 希望好天啦!!
前言: 自從上次site visit 咗pre-wedding 地點孫中山紀念館, 我去KO 咗果到, 所以今次再接再勵, 決定去大埔鐵路博物館視察
大埔都我來講都係十年都唔來一次, 未出發之前我一早上openrice 到睇下有乜好食, 我今次就去咗陳漢記. 呢間最出名係心, 原來係腸粉. 真係有d 估唔到
是次點咗皮蛋瘦肉粥, 粥底好綿, GOOD!!!
腸粉果然唔錯, 好滑, 仲有好多蝦TIM米
我見佢地白灼墨魚鬚幾出名, 但今次無點到, 只係點咗牛腩墨丸河. 牛腩好差, 無美味可言, 但係墨丸好好味, 咬落去有一陣好香的墨魚味, 唔係我講得誇張, 真的很好食, 尤其係我好鐘意食墨丸之人, 好同唔好一食就知. 唔知佢地係自制定係買出面果d 番來的呢?
地址: 大埔運頭街91B地下
同場加映: 我真係幾out date 下, 而家d 街市原來係咁的, 都好cyber 下, 佢上面仲有好多野食tim.. 點解沙田好似無咁多好野食呢?? 真係要研究下先
上次我post 咗自學日文, 話買咗呢本"別笑!我是日語學習書"的日文書, 有blogger 話想睇下內容, 好啦.. 我影咗小小希望你地睇到啦
一開始有必讀的50音
跟住係無一個發音, 平假名同片假名相關的詞語
讀完曬五十音的詞語後會係句子 (注意: CD 發音只係有籃色框的部份)
佢都好長細咁講介無一個字~~
跟住又係讀句子, 今次唔同係你地見到highlight 咗的部份係跟下面1,2,3,4 造成唔同句子
跟住係實戰會話, 佢首先會讀一定, 跟住係佢讀一句, 你地一句.
最後係句子練習, 睇下你學到幾多.. 仲有漢子筆劃
佢仲有兩本細書, 一本係capture 咗每一課的實戰會話, 方便拎出街. 而另外一本係學筆劃
以自學日文來講, 我覺得呢本幾好, 今次街書展我又見到佢出咗另外一本係學文法的, 雖然我未有耐覺到文法, 不過都買咗本, push 下自己快d 學下.
之前睇咗網上的食評, 話呢間野好食又抵食. 講真, 如果唔係佢推介我一定唔會去食, 但為佢一邊係salon, 一邊係食店, 我對呢d 餐廳一點好感也沒有
呢到星期一至四串燒半價, 生蠔$10一隻, 朝日生啤$9一杯 (買二送一), 仲有每晚9:30分過後甜品半價.
呢到食物質數幾好, 仲有維港景睇, 以呢個價錢, 呢個景觀, 我仲未搵更好的地方, 有的話唔該話我知
由於係臨時決定去呢到, 所以無帶相機, 相片質數比較差
右起: 牛舌 ($28), 雞皮 ($22), 黑豚肉帶子卷 ($48), 雞腎 ($22), 雞軟骨($22) 所有串燒有有半價架, 為起$1x 一串, 真係好抵
佢地唔會張貨就價, 牛舌厚身入口爽嫩; 雞腎又係厚身大件, 咬落去爽口; 雞軟骨都做得幾好
雞皮脆口, 好味.. GOOD! GOOD! GOOD!
反而我覺得最差係黑豚肉帶子卷... 仲要最貴. 大件係大件, 但係唔知係咪過熟的關係, 唔係太好食
我地仲安歌咗牛舌同雞腎, 仲多點咗燒魷魚鬚 ($38)... 呢個燒魷魚鬚令我想起日本 (好想再去日本噢)
我地仲點咗天婦羅軟殼蟹 ($68).. wow成隻上, 都幾大隻喎, 乜軟殼蟹唔係好女細隻架咩
唔理, 食咗先算~~ 又估唔到炸的幾好喎, 只不過我同丙丙都覺得呢隻軟殼蟹小咗d 蟹膏香味
最後我地叫咗牛肉烏冬($48), 呢個份量真係細得可憐, 食咗同無食可以講都無乜分別, 大家如果去呢到的話都係唔好點呢個啦~~
呢到真係一個傾計的好地方, view 又靚, 但如果要座窗口位的話一定要早訂位
地址: 銅鑼灣告士打道世貿中心9樓
電話: 2576-6777
半年一度的大減價話咁快已進入尾聲了, 因為我地11月會影pre-wedding photo 所以最近四出去同丙丙睇皮鞋
响六月中開始減價時, 我地都去過 Lane Crawford 到睇, 丙丙通常都係响呢到買鞋的,但係相比上次減價, 價錢貴咗好多… 記得上年12月的時候, 減價後一對皮鞋都係大約$1400, 但今年就要$19xx, 我覺得太貴了, 所以當時叫丙丙唔好買住, 等further sales 先
之不過都未到 further sales就已經賣曬了.. 又話失業率高, 點解d 人仲咁有錢去買咁貴的鞋???
之後我地都再有去左一d 有名氣的店舖, 我覺得一對黑色漆皮尖頭鞋先可以襯得起tuxedo, 但係要買漆皮尖頭鞋並非容易之事, 因為大部份都好clumsy, 連番工都唔可以...最後我同丙丙去咗bally 買咗一對鞋, 但係好可惜唔係漆皮, 實在有點可惜, 其實A. testoni有一對我都好鐘意, 不過價錢太貴了….不過唔緊要, 買住先, 呢對番工都得, 如果有更好的話就買過一對
佢仲有白色鞋未買, 我前日見到一對D&G 真係好靚, 不過超貴, 而且只著一次, 佢話唔值喎, 咁我都好同意~~... 好.. 咁再睇下先
金都個d 唔知會唔會好clumsy 呢??
之前我地打算孫中山紀念館為我地pre-wedding 景點之一, 你睇佢外觀幾靚, 好有feel 架
門口有個孫中山紀念像, 不過拍pre-wedding 好似唔識合喎
入去紀念館係要先買ticket, $10/head
我地本來想入去d館影下, 但職員9秒9入來同我地講只可以响走廊, 樓梯同露台影下相
樓梯位都幾靚, d 窗都好歐陸式
樓梯位都唔錯。。
露台都好靚, 我之前見過人地影出來的確唔錯
但係可影的地方實在太太小了, 所以都係唔會選呢到做pre-wedding 地點.
下個星期六再去其他到睇下先~~
丙丙一响都係做開恤衫的, 因為平時買果d 根本唔 fit 身, 所以禮服恤衫都唔例外
我地唔會展見到 Mode 有做promotion, 佢地度身訂做恤衫係$680, expo confirm有8折
跟住我地去咗e-Rave, 好多人都係搵佢做男禮的, 佢訂做恤衫大約係$650, 不過如果要買studs 的話要$380, 我地响果到先學識 2 樣野:-
1) 佢地的恤衫摺係做好的, 你地想要乜野style 就加上去, 咁另外恤衫係佢地的布,所以colour 會可能有小小分別, 但係佢地話著咗禮服會睇唔到
2) 禮服鈕原來叫studs, 係轉上去的, 唔係扣上去的
我地跟住去咗金鐘海富中心到, 果到都有好多 tailor , 有平有貴, 有d 係用原布來打摺, 有d 係好似e-Rave 咁用d 唔記得打野國家做好的摺再加上去, 仲有果邊大部份都係用studs, 但係價錢分別好大, 唔係物料唔同價錢, 有一間唔包studs, 叫我地自己去買, 我地問佢响邊到有, 原來PP 係有呢d 野買的
我地跟住就去咗PP, 丙丙話如果要買studs, 咁希望可以同袖口扣一樣. 但係當我地去到PP 時見到一set cuff links & studs.. 你地估下係幾錢... 係$3xxx 嘩!!太貴了, 等我地再睇下有無其他更好的選擇
因為有2張free tickets 的關係, 所以我地尋日又去咗婚紗展了, 但係今次的婚紗展比上次小好多野睇, 我地本來今次target 係睇花車同租衫
對我來講我自己唔一定要 benz 做花車的人, 我地酒店其實係送咗四小時銀禧平治S320, 我地去到展場Avis的counter見到呢個mini 好靚喎, 之前我記得睇過Ray Chiu 的 video 係新朗自駕跑車, 影出來都唔錯, 仲有呢部幾靚喎
Pacakge 仲要好平, Mini 自駕24 hrs/ Beetle 自駕24 hrs + 24/28 van (3hrs) 都係$1,888 要upgrade mgln E2 就要加$140; Van OT $360/hrs (佢宜家package 仲送2張Ocean Park Ticket)
如果只係租一日Mini 就要$975; E2 就要$1125
+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-
跟住我地去咗Leadtime Limousine, 佢張leaflet 話係全港唯一生產力促進局及生活易認可之花車租賃優質婚禮商戶
我地今問咗租benz S350 連 24 Van 3 hrs package 係$2380; 只係租24人van for 3hrs 係$830 OT $250/hr ; 28人van for 3hrs 係$880 OT$260/hrs
呢間都幾平喎, 如果只係租van 佢都算最抵!!
+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-
我地見銀禧都有booth, 咁我地當然走去問下價啦, 酒店係送4hrs平治S320, 但係太舊我估都唔會有人用, 所以我地問下upgarde price 啦, 佢話upgrade 去W220 for 3hrs $1658; S350 for 3hrs $4558 (嘩!! 無野丫, 人地唔洗upgrade 都唔洗咁貴喎)
我地的平治S320 係可以轉4小時24人小巴的, 唔洗加錢, 不過佢地係有可能藍色車身, 如果指定要紅色就要加$200 (我估個個人都會想要紅色架啦, 邊有人想要藍色架喎, 車身仲要有佢地公司logo, NO GOOD!!!) 小巴OT 係$330/hrs
+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-+-我地打算去完女家之後就去男家, and then 會去註冊處註冊, 跟住先去食午飯, 食完飯之後會去1888 到影下相, 跟住去酒店
其實我想問下大家通常係租一部 van 定2 van 呢, 仲有係租幾長時間呢, 因為有一部係由女家連兄弟姊妹&攝影師, 咁另一部會由女家出後送親戚直接去註冊處, 咁有一部要長d 時間因為要接兄弟姊妹同屋企人去酒店. 我咁想有無錯呢?? 定係一部van 已經足夠??
話說我之前book 咗一個 MUA, 但係我已經 confirm 咗另外一個, 咁當然唔去啦
我承認自己都有d 錯, 响6月已經一早book 咗明天試妝, 但係今日先通知人唔去...
之不過, 當我打去的時候, 佢乜都無問就話無問題, 但轉頭打番比我, 問我個名同big day 係幾多號, 但係所有野都係錯的, 佢仲話乜你有book 過約我試妝咩!!!
有無攪錯, 好彩我唔用佢姐, 唔係咪又要重頭book過...
所以各位姊妹, 記得早一日打去confirm booking 丫
