相信如果鐘意食日本菜的朋友, 必曾光顧鑽石恆和大廈, 早前睇兼六家個blog, 發現到呢間新開的日本菜館 (其實都唔叫新開了, 佢地係响8月開張的). 眼見兼六家一連幾次去呢間店舖到品嚐, 係咪真係咁好食呢?? 真係要食過先知
因為我地無訂枱的關係, 所以只可以座bar 枱, 但係咁仲好, 可以親眼睇到師父即席制作
我地點咗 3 in 1 set ($130) : 三色丼 (海膽, 三文魚子, 帆立貝) ; 牛肉薄燒同烏冬
先來漬物 -- 自覺好浪費, 好多時都無食
呢到d 菜都好新鮮
先來三色丼, 份量唔算太多, 海膽, 三文魚子同帆立貝都好鮮甜. 我個人比較鐘意白飯, 但係呢d 加咗冬菇粒. 仲有係佢d 飯比不上壽司廣
牛肉薄燒 -- 幾好味喎, 做得唔錯
鳥冬都係用上木魚湯底, 仲有好滑... GOOD!!
自選壽司 ($130) (可點8件壽司+1本卷物) -- 點咗: 吞拿魚腩, 吞拿魚, 赤貝, 油金魚, 甜蝦, 海膽, 帆立貝, 秋刀魚; 卷物點咗吞拿魚腩蔥卷
所有壽司都做得唔錯, 尤其是吞拿魚腩, 好香, 好鮮甜
最後來個甜品雪糕, 我點咗紅豆, 丙丙點咗芝麻, 但唔知點解有D溶溶地
果然無介紹錯, 的確係幾好食.
地址 : | 銅鑼灣軒尼斯道 523-527號恆和鑽石大廈28樓 |
雖然睇落幾好味咁~~ 不過好似貴咗D~~130 / SET...
回覆刪除[版主回覆11/04/2009 09:06:00]我都係間唔中一次半次渣.. 成日咁食破產都有份
我鍾意個烏冬,個湯好清!
回覆刪除[版主回覆11/04/2009 12:45:00]我同你都一樣, 都係鐘意清湯
你影得d相咁靚,好吸引呀!
回覆刪除[版主回覆11/06/2009 22:49:00]以邊到靚喎, 我仲係努力學習中
呢間我點解未去既呢,好似幾得喎.
回覆刪除海膽苦嗎?
[版主回覆11/12/2009 09:11:00]um. 我印象中好似唔苦, 其實係一個月前食的, 宜家先有時間寫番, 都唔太記得