2012年5月31日
消息已收到一個星期了, 講真, 今次無話咩特別唔開心, 可能係一次過全team lay off, 感覺上會好一點, 因為唔係間間選個果, 如果係單單一個的話, 我會問點解會係自己. 係咪有邊到不足之處.
今日睇報紙話蘋果會將响大陸的生產線搬番去美國, 而且會有更多個大企業都會一樣, 正如我同同事研究, 今次的行動是否因為奧巴馬於年底的選舉呢?
仲有4個月先走得, 唔係就唔會有package, 响呢段期間, 真係無乜心機做野, 當然我會儘力做好每一樣野, 但感覺己大不如前, 對不起, 當你自己就來比人lay off 的時候, 做野的心情必會影響, 我己好儘力了.
有人問, 如果你而家搵到工, 會唔會放棄個package 走人呢? 响呢一刻可以話唔會, 除非好ensure 呢份工真係好都無朋友啦. 因為加咗的人工可能等如OT 錢, 以hourly rate 計可能仲底一點, 那不如等啦. 之但係, 同team 的同事可能大家會send去 同一份job, 見同一份工. 到時競爭就會好大.
因為呢件事, 本來好努力寫blog 的心情都沒有了~~~
2012年5月24日
今日, 收到一個好不幸的消息. 就係我地全team 都要lay off
我係响一間美國mnc 到打工的,公司都好大架, 而我係做會計的. 香港係apac 的head office. 5年前, 初初入呢間公司時, 香港條finance team 係report 比hk finance director 的, 而hk 有2個director
2008年, 有一個director 升職去咗uk 果邊.當時我地仲係under 果個director 的. 自始以後, 我地reporting line 就去咗美國.
向呢幾年間, 美國經濟唔好, 不時傳出炒人事件. 而我地條TEAM 走了的都無replacement.
今次, 我team 有一個manager trf 去另一team, 而另一個manager 就大肚, 所以講到明唔會pick up另一manager 的工作
早2個星期, 美國派人來hk, 話接手果個manager 的工作, 睇下會唔會有replacement 咁話.
昨日, 收到director mail 話今日同我地開會, 要傾下apac team 的動向. 直覺話比我知唔會係一件好事, 因為咁耐以來, 我地跟咗director 咁多年, 佢都無同我地全team 開會. 今次, 也是唯一一次.
佢地跟足美國, 120日口頭通知. Last day 會係21 Sep 2012. 响21 Aug 2012 會收到信, 但係响呢個期之前自己走係無得賠償的.
咁大個女第一次比人lay, 雖然又無話咩好唔開心, 但係個心總是唔知點咁. 我好鐘意呢份工架, 唔洗準時番工, 準時放工. 食飯個半鐘. 唔知而家仲有無呢d 工呢?
