大坑有得多小店, 我也很喜歡, 但對我來說有點不方便.
今次試咗Piccolo, 喜歡這些小店, 因為往往帶來驚喜
小食點了雞翼, 價錢不太記得, 但好像有點貴 (可能是我這C9太久沒出外用餐才驚覺貴). 香味十足, 但不夠辣.
聽聞此店的Agloi Olio 很好吃, 但食力有限, 下次再品嚐
店子很細, 枱也不多, 因為所有食物點餐後才製造, 所以等候時間有點長.
如果見大排長龍的話, 可以下次才光顧.
2012/02/27 話說老公在年初二 訂了溫泉酒店, 這間溫泉酒店環境優美, 但是發電郵給他們時一直沒有回覆,直至太氣結在面書留言, 才有人跟進. 在星期二那天收到酒店的電話確定入住時間時, 他才發現原來自己訂錯日子, 正確應為三月, 而不是二月, 這時酒店職員說會幫我們改正日期, 當天會回覆. 但是回覆並沒有接到任何電話. 要知如果當天取消是要給房租的. 小小的事情公老都辦不好, 十分氣結. 可幸的是酒店今次回覆十分快, 我們在當天晚上發電郵, 另一天早上已收到回覆, 讚!!! 今次可說是萬幸, 如果不是酒店致電來確應,那我們當天可能沒有房間, 而家錢也付了~~~~ 希望老公辦事可以細心一點, 唔好樣樣事都要我跟進, 這樣我會很累的!!!
2012/02/25
總是這些忙, 但忙什麼呢?? 又是說不出.
去完首爾都近一年了, 但現在才完成DAY 4, 一之記之曰 – 懶!!!!!
可幸的是, 另一行程已計劃中 (太開心了)
不知為何, 星期六同日都會覺得時間過的太快, 轉眼間又是星期一. 真係要勤力計劃一下每星期六及日的行程, 不要白白浪費
2012/02/23
年十四, 仲有2天可以拜年, 趕!!! 今天去了老師家打攪, 每次都看到小朋友的才藝表演 (笑!!!)
接著回了母校週年記諗, 重建後的校舍大了很多, 很美, 但層數也多了不要, 要背著書包走上去是一年辛苦的事. 見了很多舊同事, 大家聚首一堂說番昔日的往事, 實在太開心了!!!
2012/02/14
今天新一年開工, 又是情人節, 你們會點過呢, 祝天下有情人甜甜蜜蜜, 沒有情人的今年也找到情人.
本來想訂枱出外用餐, 但不知加班到何時, 所以取消了. 簡單的在家醃制好食物. 回家放入焗爐就可以.
2012/02/13
一連五天的假期就始結束, 很久沒有朝夕雙老公5天了, 但話咁快就過了5天. 明天又是OT 的日子, 情人節希望不用OT 太久吧!!!
N 首爾搭係今次行程唯一的夜間景點, 其實不算是夜間, 因為黃昏時間已上去, 直至夜晚, 一個景點有齊日與夜.
明洞4號出口出來，直走第2個路口看到路對面的新世界百貨後左轉，會沿路走上坡就可見到南山3號隧道的紀念碑以及侯梯室. 
開放時間為09:00-23:00但每週一09:00-14:00為電梯保養, 是不開放的.
要行都幾辛苦, 但有電梯就小了一點苦差.
走出電梯的左手邊就是南山光纜, 南山觀光纜車的停車場附近有很多美食, 聽聞豬扒飯很出名.
南山觀光纜車是要購票的, 來回為KRW8,000/人
上到去就見到首爾搭, 影!!!影!!!影!!! 如果上去的朋友又另購票的, 但我今次沒有上去, 因為呢到都好高地了, 可以影到首爾美麗的景色, 可惜的是有一點煙霧.
很多情侶都會放愛情鎖, 成為呢到地標之一
(溫韾提示: 由於呢到係高地, 所以氣溫比明洞低很多, 所以記得著足夠的衣服, 別冷親噢!!!)
亮了燈的N-Tower 真的很美, 在夜晚呢到又有另一番的景像
別了首爾搭後, 就去了明洞進晚餐 --神仙雪濃湯신선설농탕, 如果不是睇過燦爛的遺產, 老公對呢間餐廳未必會有咁深刻的印象, 而且納入今次行程必吃之一.
店內店外的貼有燦爛的遺產劇照.
我就只係最普通的牛肉湯 (雪濃湯), 而老公就點了貴價的牛肉湯, 分別在於乜?? 咪就係有人參同無人參的分別囉. 最令的驚訝的是原來牛肉湯長時間煲後, 湯底會變奶白色的.
普通的牛肉湯牛肉只有數片, 如果肚餓的話未必夠吃.
老公有幾鐘意, 大家睇下食到最後乜情況就知了, 湯一滴也沒有餘下.
伸延閱讀
Kimchi 國七日食玩之旅 - Day 1.1 (飯捲天國, 景福宮)
Kimchi 國七日食玩之旅 - Day 1.2 (青瓦台舍廊房, 土俗村)
Kimchi 國七日食玩之旅 - Day 1.3 (北村, Amandier, 仁寺洞)
Kimchi 國七日食玩之旅 - Day 1.4 (全州中央會館 / 전주중앙회관 )
Kimchi 國七日食玩之旅 - Day 2.1 (明洞栄養粥. 栄養餃子 /명동 영양죽 영양 교자)
Kimchi 國七日食玩之旅 - Day 2.2 (南怡島)
Kimchi 國七日食玩之旅 - Day 2.2 (南怡島外的燒雞)
Kimchi 國七日食玩之旅 - Day 2.3 (五香豬腳在首爾)
Kimchi 國七日食玩之旅 – Day 3.1 (中部市場, CJ Food World)
Kimchi 國七日食玩之旅 - Day 3.2 (Doota,鳳家찜닭, Two Two Chicken)
Kimchi 國七日食玩之旅 - Day 4.1 (Paris Baguette, 梨大, 姜虎東 屠夫)
咖哩雞是我其中一樣比較常煮的餸, 主因簡單又快捷
但其實好多時我都用不同手法去煮, 今次呢個就加咗番茄, 食起上來無咁辣
材料:
雞半隻
泰國茄子6隻
蕃茄醬2個
椰汁一包
香茅2支
秋葵一包
MAE PLOY 咖哩醬一包 (我食過好多隻, 覺得呢隻係最好味)
Sweet Basil 3片
Kaffir Lime 2片
調味:
魚露1湯匙
做法:-
1. 雞下煲, 如有皮就皮向下, 炒到有香味時加咖哩醬
2. 炒至有咖哩香味時, 加入水, 茄子, 秋葵, Sweet Basiln 及Kaffir Lime
3. 加入魚露煮至所有食材全煮
4. 最後加入椰汁, 滾起就食得.
明洞有幾方便, 真係無論食同買都咁方便, 就好像銅鑼灣
一早响酒店後面的Paris Baguette파리바게뜨吃早餐, 呢間店都幾大, 分別有兩層, 地下為外賣區, 買完之後可以直接到2樓進餐, 而2樓更設咖啡或茶點用.
食飽過後, 就到今日都第一個景點, 梨花女子大學오리지날 (Web Site: http://www.ewha.ac.kr/korean/html/001/001.html) 响梨大站(241)3號出口直行便是, 真的很方便. 响香港呢個咁細的城市,跟本無可能有女子大學, 而且梨大結合了時尚及古舊建築物, 石牆的外表, 如果係紅葉的時間, 呢到會更美.
呢個長長的走廊, 富有時尚的美感, 很有現代的氣色.
石牆的建築, 古舊的氣派, 我覺得在此讀書會很有書卷氣質
去完梨大之後, 就去咗梨大附近行街, 衣服飾物比明洞同東大門都便宜, 但是就沒有退稅, 所以用現金付錢會有折扣優惠. 聽說在這兒買化妝品會比明洞送多一點贈品.
作戰完畢, 又到午膳時間, 今次去咗姜虎東 屠夫~강호동 백정 (Web Site: http://www.baekjeong.co.kr/)
菜單用上自己作為生招牌
太喜愛韓燒, 用上木炭來燒, 不像香港那些只會用電.
燒用醬汁和其他燒肉店有所不同, 配上洋蔥及芥未
今次只點選了兩種不同的豬肉, 只作午餐已相當多了.
菜是有醃製過的,包上豬肉就會比較健康
喜愛姜虎東最主要係佢有烤蛋, 雖然老公不太欣賞但我喜愛喎.
好滿足的一餐!!!
伸延閱讀
Kimchi 國七日食玩之旅 - Day 1.1 (飯捲天國, 景福宮)
Kimchi 國七日食玩之旅 - Day 1.2 (青瓦台舍廊房, 土俗村)
Kimchi 國七日食玩之旅 - Day 1.3 (北村, Amandier, 仁寺洞)
Kimchi 國七日食玩之旅 - Day 1.4 (全州中央會館 / 전주중앙회관 )
Kimchi 國七日食玩之旅 - Day 2.1 (明洞栄養粥. 栄養餃子 /명동 영양죽 영양 교자)
Kimchi 國七日食玩之旅 - Day 2.2 (南怡島)
Kimchi 國七日食玩之旅 - Day 2.2 (南怡島外的燒雞)
Kimchi 國七日食玩之旅 - Day 2.3 (五香豬腳在首爾)
Kimchi 國七日食玩之旅 – Day 3.1 (中部市場, CJ Food World)
Kimchi 國七日食玩之旅 - Day 3.2 (Doota,鳳家찜닭, Two Two Chicken)
