2011年9月30日星期五

9月碎碎念

30/9

今天收樓了. 仲有搵咗另一位裝修cf, 但感覺不太良好. 傢俬都上門度呎

29/9

本來明明話唔會8號架, 但唔8號又8號. 丙丙尋晚仲話希望8號, 因為太多野未做所以好累, 想休息一天. 佢如願以償了. 但本來今天可以裝internet, 又要改期了.

最後一件傢俱都於8號風球下搬好了.

28/9

今日返咗媽咪到食飯, 上星期因為太忙所以無返. 今日仲借咗d 工具, 最終都拆到張枱, 但由於落雨, 要第二日先可以搬

27/9

好多事要煩, 身心疲累

26/9

公司女廁由今日起會裝修3個星期, 呢3個星期要去上一層的廁所, 好不方便.

今日去咗律師樓簽最後文件. 所有野都差唔多攪掂曬了.

25/9

仲係下雨天, 今日驗樓同叫cf 報價, 原來我買咗間化妝樓.. wuwuwu

24/9

今日搬屋, sofa 最終都係入唔到, 暫時放咗屋企的到. 因為之後落雨, 所以要遲d 先搬到其他野

23/9

放咗半日假, 要清洗短租間屋, 仲有係pcak 野

22/9

又一同事離職, 再食farewell lunch, 最近好多同事離職, 果市真係咁好咩?

21/9

原本睇north asia 的同事係有3個人, 當中包括我在內, 但係有一位同事大肚, 本來話10月中放, 而家就番到9月尾, 佢d 工作就我同同事share 來做.

但係, 我另一位同事今日都resign 咗, wuwu... 而家都唔知點算, 去咗美國果邊approval headcount. 之不過, 我地之前先炒咗人. 仲會唔會有機會有headcount 呢??

今日收咗租果到了, 都幾ok, 不過又有一件煩事, 就係因為佢鐵閘的關係, 我地張sofa 未必入到呀. 都唔明白點解呢個屋苑d 門口咁細. 而家點算好呢. 煩的事真係一浪接一浪, 無停過.

星期六就會搬屋了, 明明前幾日話果日會好天, 但今日睇話果日會落雨... 煩!!!

20/9

呢頭講完, 尋晚11點幾就收到msg 話張餐枱太大. 唔要了... 唉... 邊到有得放2手傢俱呢?

19/9

好彩呢, 又有人留言話買餐枱了, 真係估唔到原來有咁多人買二手傢俱的. 我係咪好浪費呢? 約咗今個星期日交收, 希望唔會踼腿啦.

Confirm 咗傢俬會响simple living 到訂啦, 比咗HK$3000 deposit. 今個星期日約咗上午驗樓同約咗裝收cf 上來.

18/9

本來約咗11點交收, 但唔見人, 打去佢話book 唔到van 喎, 咪玩啦, 買值口都搵個reason d 啦, 唔買就一早同我講, 仲等我推咗尋日果個人. 黑人憎!!

今日本來想pack 多d 野, 但係唔太舒服, 最終都無點pack 到, 今個星期六就搬了, 如果是好... 原來我真係不之不覺間買咗好多野.

17/9

超忙的一天, 一早去拎電腦, 跟住打針, 之後就約咗多年無見的姑媽.

本來今日約咗人上來睇餐枱, 但有人confirm 咗買啦, 當然reject 咗佢啦

16/9

尋日果個只係話睇, 今日呢個就confirm 咗買了. Lucky

15/6

尋日先出post 賣枱, 今日就有人打來話想睇, 好成績

14/9

响呢間公司做咗1x年都同事今日last day. 食farewell lunch.

屋企本來用緊白色餐枱, 但因為同新屋裝修格局格格不入, 最後決定賣咗佢, 用咗唔夠一年, 都覺得有d 花錢, 希望有人買啦

13/9

中秋節假期. 開始pack 野了, 真估唔到多咗咁多野. 蝸居真係蝸居. 無地方放咁多箱呢...

新家想要thai feel. 但燈都係一個好大的問題

12/9

iphone 的alrum 好差, 今早好彩自己醒咗, 唔係就... 不過都座唔到村巴.. 遲大到..

中秋節, 放3點.. (開薰)

早收落咗灣你睇地板, 有合心但唔係100% 鐘意, 要再睇.

11/9

今日去睇咗幾間短租盤, 有一個唔係thru agent 的confirm 咗我, 但我怕他會臨時踼腿

希望搬屋當日唔係落雨, 如果唔係就要delay 一日

10/9

今天丙丙回港了, 我也忙做家務, 仲有將所有衫都熨好, 包括丙丙果d

今日我屋企做節, 但餐館不好食, 丙丙買咗一對好可愛的民族公仔

9/9

因為昨天太夜瞓, 所以今天不想番工, 反正本身都想放半天, 那不如一天吧~~~ 在家打掃, 本身想出去行下, 但懶的關係, 最終整天都在家

8/9

今日同同事farewell, 好耐都無出去飲酒了, 其實我一向都唔鐘意飲酒, 仲有係唔飲得, 今日飲得太多了, 臨走時突然流汗同暈, 好彩飲咗冰水後無事, 因為無食飯的關係, 座的回家後買咗個杯麵食, 但久久也睡不著.

7/9

每次丙丙不在家總有事發生. 今天係8樓爆水管, 攪到3樓的電錶房也壞了.

家中停電~~~

到晚上11時許才回復正常

6/9

今天是我同丙丙結婚10個月, 明天他又要出發去公幹了.

今天只咗家中做簡單的carbonara

5/9

我同丙丙第一間共同擁有屋今年會賣掉

正在物色同一屋苑的短租. 但好難找呢

4/9

老爸總覺得作為親家, 過時過節必要送禮, 你是這麼想但人家不是噢~~

3/9

今天去咗海怡工貿到睇傢俱, 看看有沒有idea.

Tree 同 OVO 的傢俱實在太美, 但我的蝸居放不下噢!!

2/9

很久沒有做飯了, 今天也不例外.

2011年9月25日星期日

驗樓篇

9月25日

約左10點去驗樓同cf 報價.

因為cf 都未, 所以我地睇下佢有乜野未清拆

以我所知. 除咗入牆柜係唔拆之外, 所有野都必要拆的. 但係我地叫佢所有野都拆

最後, 有好多層板都無拆, 佢話呢d 係入牆所以唔拆喎. 我地係唔會就範的, 佢必須要幫我拆曬佢

計算過雪柜放唔落. 因為佢原本係同slim fit 的, 本來都想算啦, 但當cf 來到, 幫我地一睇之下, 問題就多多了.

廚房

1. 洗手盆滴水 (雖然係用不鏽鋼, 但因為佢係同台面連接, 所以要連廚柜一拼再造)

2. 廚房同客廳的牆身不是磚的, 而是木板, 本來問題不大, 可是果到係電總制. 所以用番磚牆會比較好.

廁所

1. 買果時已經知到佢水總制係唔合格去放咗响屋外, 所以打算搬番入屋.

2. 買時已經有問過係咪磚疊磚, 佢話唔係, 但cf 話有2邊唔係, 有2邊係, 因為click 落去係唔同聲.

3. 洗手盆己broken.

4. 廁所係改大咗1/3, 因為唔想用浴缸, 所以諗緊改唔改番細個廁所, 如要.. 拆牆

細房

1. 其實都唔算有問題, 只係板間房, 但我地想拆咗佢個天花柜, 呢個板間都唔留得… 拆

主人房

1. 本來係打通咗的, 但我地想間番佢出來. 所以可能要拆廁所牆

全屋

1. 所有門窗都唔留得…拆….

2. 窗台的雲石又是疊上去…拆

3. 地板係膠地板, 雖然我地無打算要, 但本身話係複合地板, 真是騙子, 好了, 而家連拆都唔洗拆.

本來買咗呢間屋, 無打算要裝修廚房及廁所, 但而家要大裝了. 本身已經係最貴6月時買樓, 因為見佢話用咗20萬裝修, 如果小裝都真係可以接受. 但而家真的受不了.

2011年9月20日星期二

豚肉生薑燒

丙丙喜愛食豚肉生薑燒, 每每去到大戶屋都係必點之一. 見佢咁鐘意而做法又咁簡單, 所以決定做番次比佢試下.

(明明張相只係加咗名咁大把... 點解睇落好似怪怪咁)

材料:-
豬肉, 洋蔥, 芝麻

醬汁:-
味醂 1.5湯匙, 麻油1湯匙, 日本醬油1湯匙, 薑蓉1.5茶匙

做法:-
1. 將味醂1湯匙, 日本醬油1湯匙, 料理酒1湯匙, 昆布汁1湯匙, 薑蓉1湯匙及蒜泥小許加入豚肉醃3個鐘或以上.
2. 爆香洋蔥, 上碟備用
3. 煎香豚肉至金黃色, 加入小許酒, 最後加入醬汁.
4. 上碟加入炒香的芝麻

咁就完成啦, 係咪好簡單呢??

2011年9月7日星期三

裝修事項 (一)

裝修... 永遠都係煩都冇朋友的事宜, 唔想有慘痛的經歷, 事先就要做好曬功課, 希望可以減到最低.

故此, 响網上搵下有d 邊d 騙人的手法, 引以為鑒.

新屋裝修，自不然要四圍問價，有讀者揀中室內設計公司後，落訂前已問明裝修項目可加可減，但對方事後卻反口拒減裝修項目，更指事主毀約要罰三萬元行政費，令裝修工程一拖再拖，新屋入伙無期。

王先生今年初在天后購入一個一千呎單位，原定七月中入伙，故四月已找室內設計公司Stage Design做全屋裝修及傢俬。王先生指當時已覺價錢偏貴，但職員謂報價只作參考，日後可就實際需要增刪任何工程，故全屋傢俬連裝修報價總數六十四萬五千元，他仍願付一成訂金約六萬元。其後王先生發現該公司收費較市面貴，又見工程還未動工，便打算改單不做裝修工程，只造十六萬元傢俬。惟Stage Design卻指他大幅度改單乃屬毀約，只肯提供兩個方案：一是照造全數傢俬但須罰三萬元行政費，一是取消合約沒收其訂金。王先生欲與公司商討解決方案，但對方拒絕見面，他非常無奈：「間公司只係報咗價，工程都未開始做，而且係職員話可以改單在先，而家我都係照造傢俬而唔係取消張單，點解都當我毀約？」

跟進：報價時承諾可改單
根據王先生提供的錄音，Stage Design職員承認曾向事主保證可刪減工程，更直認公司經理一直拒跟事主會面，乃旨在拖延時間，最終迫使事主因趕入伙而照做全部工程。記者與王先生到Stage Design對質，該公司經理引用報價單上條款，指客戶落訂後欲取消合約，須沒收訂金及支付行政費用，現事主大幅度改單，破壞合約完整性，即等同毀約。王先生指出報價單上並無定義何謂取消合約，強調自己並非毀約，而是根據職員口頭承諾改單，經理即指事主不熟悉法律，更揚言會向他發律師信追討損失。

Stage Design指報價單上列明如中途取消工程，會沒收訂金及收取行政費用，惟律師指事主不算毀約，故條款不適用。

專家話：改單非毀約
律師伍家賢指出Stage Design經理所言並不合理：「裝修口頭承諾咗可以刪減工程，份合約入面又冇寫明可刪減嘅限額，你取消幾多個項目都可以。」故即使事主大幅度刪減工程亦無損合約完整性。他又補充，事主如因延期入伙而要租屋或導致其他損失，金額少於五萬元即可入稟小額錢債審裁處追討，金額介乎五萬至一百萬元，則可循區域法院向裝修公司追討損失。香港驗樓及結構診斷有限公司技術總監賴達明亦表示，報價後再修訂工程是行內常規，加上該公司尚未動工，作大幅度修改也無不妥，「間公司當初冇報清楚細項收費，事主睇返覺得唔合理，係有權刪減工程，而家唔俾減，營商手法有問題。」但他亦指事主未經三思落訂，容易引致誤會，「如果佢落訂前先貨比三家，唔咁快落訂就冇事啦！

賴達明指增刪工程於行內實屬普遍，故即使事主大幅度改單亦無不妥。

回應：不認錯
本刊將王先生的個案轉介至Stage Design，市場經理林先生拒絕退訂，再三強調是事主毀約在先，更指他斷章取義，曲解當日銷售員推銷時的意思，如事主不滿可找律師處理。王先生現已另找裝修公司接手。（馬梓皓、周潔媚）

Stage Design起底
Stage Design全名為原創作設計有限公司，於○八年一月成立，股東為林德光和何偉光，林德光同為公司董事，陳列室設於九龍灣國際展貿中心六樓六六九號，辦公室則在九龍灣偉京中心A座二十三樓C室。

壹判官
Stage Design出爾反爾，強迫事主做全單傢俬裝修，認真差劣。
劣劣劣（五個劣為最嚴重） ####

2011年9月3日星期六

Bouquet making class@Solomon Bloemen V

最後一堂Bouquet, 今次係學ring pillow, 比我想像中簡單, 但就要花幾多時間响呢個item 到, 因為所野都係小小地咁砌上去.

玲蘭真係好美. 太鐘意了.

2011年8月30日星期二

Honeymoon 英法 - Day 6 (出發去巴黎啦)

2010年12月31日(FRI)

唔洗問啦, 呢一係咁多一去旅行之中最早身的一日.

我估無人去旅行會好似我地咁咁早起身, 無法啦, 其實我都唔想的, 因為我地太遲book eurostar, 所以好多都full 曬. 唯有座早d啦

你睇, check 曬 in 攪曬所有野都只係6:13, 可想言之我地係幾點起身架啦.

呢個候車大堂都幾時尚, 但眼見好多人都有大大行李, 我想講呢, euro star 的行李位係小之又小, 所以我地差唔多時間就去定電梯到, 一開閂就9秒9去自己個車箱. 因為行李位得左右上下, total 只可以放8件大行李, 我地d 行李咁重, 所以一定要放下面. 眼見有好多人都無位放, 好旁惶...

話咁快10點多d 就去到paris 啦, 人人都話paris 好浪漫, 無論睇電視各方都係, 所以今次好興奮的抵達.

呢個大堂都唔錯喎, 只不過真係要好小心, 因為太多地雷啦, 仲有都有一陳陳尿尿味.

首先就係去買St. Michel的ticket, 果個小姐好靚女架, 但係佢唔太明英文囉, 好彩最終都無問題到.

跟指示去到Metro / RER車站, 我地唔太識買ticket, 有好心人幫我地手買, 佢問我地去邊, 我叫我地座metro, 因為paris 係丙丙做功課的, 所以我乜都唔知. 丙丙話RER 只係轉一次車, 但metro 就要轉幾次, 但下次的話... 我死都唔會座RER.... 因為真係臭到無朋友.

好多人都話paris 係唔會買ticket, 只會跳過去, 有見及此, 除咗轉轉入閂仲有門架. 比以前嚴, 但我都係見人跳過去囉.