10月碎碎諗

2012年10月24日

9月24日上班, 話咁快就過咗一個月了, 真係不知不覺中.

 

最幾日mgr 叫咗我入房, 傾下計, 睇下我覺得做成點. 因為同自己team 座得太遠的關係, 所以完全無兩句, 食飯又食自己, 我估mgr 都知道. 佢叫我主動d. 其實唔係我唔想主動, 之但係連講野都無講過, 無啦啦約人食飯, 又會唔會有d 那個呢?

2012年10月8日

今日7:45分己回到公司, 點解咁早, 咪就係因為上星期五收到通知話要8:20 準時番到公司, 因為各部門的director開會, 所以要入去介紹自己, (不可遲到). 平時我出門口時間為7:45, 8:05開車, 番到公司剛好8:50-8:55, 即大約用1個鐘多小小.

平時有村巴, 今日太早要座其他巴士, 怕等車等得耐, 所以7:05己出門口, 7:15分已上車, 7:45 番到公司, 無traffic jam 真係快.

一陣又唔知講乜好, 之但係早咗起身, 睏…

2012年10月4日

番咗工個多星期了, 由星期四開始無野做, 至尋日下午, 終於忍唔住問MRG 有無野比我做, 以senior  來講其實我真係唔多想問的, 但又番工座到放工, 仲要我同佢地座好遠. 當我問佢有無野要幫手,佢話有, 會一陣來我個位, 一等就等咗一個鐘.跟住都有比D 野我做,所以時間好快打發.

工作已做完了, 其實佢都知我無野做, 問又唔係, 唔問又唔係. 真係悶到想死呀

2012年10月3日

今日公司好安靜, 無人傾計, 可能係月頭的開係,比較忙

 

 

2012年10月2日

好鐘意chanel  隻陶瓷錶, 但太貴了, 退而求其次買了另一品牌. 要努力搵錢, 有機會買番隻

 

 

2012年10月1日

本來想去大澳, 但當去到東涌時, crazy… 超多人,時間表係15mins 一班, 但係有幾百人等緊, 所以最終放棄了, 今個月我一定要去到(想去好耐了)

[自家] 韓菜-- 炒年糕

在家一個人時, 又唔想出街食味精 (平日午飯己食太多味精了), 最最最簡單, 最最最快捷就係韓式炒年糕了.

材料:

韓國年糕

高麗菜

洋蔥

紅/黃椒 (正宗唔落呢個的, 只是我個人喜歡)

大蒜

牛肉 (通常會落韓國魚片的, 但我不喜歡)

 

調味:

韓國辣椒醬  --------------------------------------   2 茶匙

辣椒粉 --------------------------------------------  1 茶匙

韓國糖漿 (無的話用砂糖代替也可) ---------------  1茶匙

蒜泥 ----------------------------------------------- 1 茶匙

水  ------------------------------------------------  2 杯

以上分量可依個人喜愛加減

 

做法:

1. 鍋入先加入水煮滾

2.    加入所以調味料

3.    滾後加入所有食材 (除高麗菜)

4.    滾後才加入高麗菜, 當汁收乾就完成了.

 

[自家] 韓菜 -- 韓式炒粉絲

呢個菜簡單得來又好味, 真正的做法有一點點的麻煩, 就是每一樣食材要分開炒…. 對.. 不可以一次放進鍋在, 要炒完一樣先一樣, 這樣味道先有層次, 要不然所有味道都在一起. 其實好多韓菜的做法也是這樣, 如石頭飯.

材料:

雲耳

黃椒

青椒

胡蘿蔔

菇

牛肉

 

(材料沒一定的,喜歡加什麼就加什麼啦)   

 

做法:

1.    所有食材切絲

2.    韓國粉絲放入滾水中煮6-7分鐘, 然後撈起過冷水2-3回

3.    牛肉先用鹽及胡椒粉醃一下

4.    每樣食材分開炒起鍋前加鹽及芝麻

5.    將粉絲及食材混合

6.    鍋內加芝麻油, 放入混合之食材,再加點醬油炒香

[自家] 韓菜 -- 大醬湯

其實我覺得韓國菜幾健康, 以金木水火土為主, 唔同顏色的蔬菜

湯底材料:

昆布

魚干

香菇

材料:

麵醬

豆腐

洋蔥

西胡瓜(翠玉瓜)

金菇

豬肉

京蔥

 

以上材料無一定的份量, 多小悉隨尊便.

 

做法:

1.    昆布,魚干,香菇煲約45mins.

2.    之後過濾唔要湯料

3.    麵醬放入”茜”內, 慢慢加入

4.    之後加入豆腐, 洋蔥. 翠玉瓜, 金菇,豬肉 ,京蔥

 

話咁快就完日一度又簡單, 又好味的菜了

 

Kimchi 國七日食玩之旅 - Day 1.3 (北村, Amandier, 仁寺洞)

下一站就係北村8景, 我一早响網山找了要行走的路線, 之但係太細的關係, 所以都會到Information center 到拎番一張地圖

沿途都有指示牌, 所以唔會走錯路

北村係首爾最具代表的傳統居住地, 來到首爾, 一定要感受一下, 富有文化色彩的韓屋, 不過緊記, 不要空著肚子, 因為上上落落, 都蠻花氣力的.

北村資料: http://bukchon.seoul.go.kr/chi/index.jsp

地圖可於: 北村檔案 à 北村出版的資源 à 探觅隐藏的北村’ (北村韩屋村徒步旅行自助游手册)

話明北村8景, 當然有8個指定地點啦, 我行的次序為8 à 7 à 6 à 4 à 5 à 3 à 2 à 1 (紅線)

 

丙丙對呢八景覺得無乜特別, 而我就無一景點都想走走, 多點時間拍攝, 有好多景點都要花蠻多的時間才找到, 每一景點都有”PHOTO SPOT”, 官網話企响上面就可以拍攝到最佳景色.

 

八景最主要都係影下佢地古舊屋, 其實八景又真係差唔多

呢到可以影到首爾塔, 又真係好靚. 人太多, 等咗好耐都係咁多人, 如果無乜人的話, 應該影得好靚

全部建築都以木為主, 到今時今日都可以保留到咁完整, 實在難得

行完八景, 消耗了好多體力, 所以又係時間食TEA 了. 今次選擇了近八景的Amandier, 見到台灣博客話佢的Ispahan 好似法國的 Pierre Herme 喎, 唔係嘛, 我對法國個Ispahan 真係念念不忘喎, 必試.

可惜ispahan 賣曬, 所以只係買了marcoon, 之但係, 同Pierre Herme差好遠好遠喎

再試另一個so皮批, 好味…

而另一個拿破倫就只是一般而己

食cake 又點小得coffee 呢, 韓國有大大小小不同的咖啡廳, 我唔係一個成日飲咖啡的人, 之但係真係好飲. 其實咖啡味唔太多. 所以大愛

 

接下來到另一景點仁寺洞的”从”商場, 入到去感覺有點樣石硤尾的藝術中心. 每一層其實都有主題, 好喜歡佢地會碗碟, 但由於行李太重的關係, 所以無買的, 下次有機會再購. 手工藝件件都好美, 有時間可以响到花點時間, 慢慢睇, 慢慢選擇

最有趣是”从”商場外的小吃店, 唔知呢d 係乜東西, 但很多人買 (大部份都是遊客) 單睇賣相, 我估不是太美味, 所以無買到. 除始之外, 附近仲有好多占卜的店舖. 但外於言語上的問題, 所以都不會光顧

伸延閱讀

 

Kimchi 國七日食玩之旅 - 前言及實用資料

Kimchi 國七日食玩之旅 - Day 1.1 (飯捲天國, 景福宮)

Kimchi 國七日食玩之旅 - Day 1.2 (青瓦台舍廊房, 土俗村)

 

9月碎碎諗

2012年9月26日

我的新工作環境, 超唔習慣.

 

準時番工 à 呢到同事唔見得好準時, 因為唔會count 時間, 之不過我未過probation 之前都要早一班車番工好了.

 

食飯時間 à 12:30-1:30 佢地都幾準時番到來的, 唔會話太遲, 但對於我呢d, 之前份工係食12:30-2:00 (通常12:20-2:10, 即係有1個鐘頭8個字的時間, 真係慢慢食乜都得)

 

放工時間 à 我唔知佢地幾點放工, 主因我唔理佢地, 而家仲未有好多野做, 準時放工咁囉, 之不過我聽番來係放7:00, 某d 日字會遲好多. 但係7:00 的話我唔會再番屋企煮飯了

不過我覺得佢地講小d野, 咁就可以準時放工啦, 唔知係咪因為準時收工唔太好呢???

 

座位 à 我而家座的位置同佢地好遠, 所以同同事無乜交流, 好小講野咁. 聽講話11月會搬去另一層, 所以到時先可以座番响一齊. 因為座得太遠的關係, 佢地好似唔記得咗我咁. 今日食飯都係得自己一個 . POOR…

不過無辦法, 佢地响一齊做同事大大話話都10年以上, 我要同佢地融入一齊, 真的要花D 時間 (最主要我唔係一個人人見到都鐘意的人, 要同我交心一定要花好多時間)

 

Benefit à 講真, 美國公司benefit 真係幾好, 但以local 公司來計, 呢到都已經好好了. 做人真係唔可以望番轉頭

之但係呢到都有d benefit 係幾好的. 詳細我就唔响到講了.

2012

年9月25日

明明九月份未轉工, 係番半日放半日, 本來計劃咗會寫好曬去韓國的BLOG. 但係到而家連DAY 1 都未寫好, 真係覺得太過份了.

尋日番咗新工, 第一日食飯係同senior grade & same grade. 話提係零, 因為佢地講緊小朋友報名入學呀, 考乜題目

 

 

2012年9月21日

Last day 了, 下星期一番新工, 好擔心同同事的關係.

聽講呢間公司係唔可以準時放工, 所以要做無飯煮婦了.

希望工作順順利利

 

2012年9月17日

星期五就是我在呢間公司最後一日, 呢一間係我做得最耐的一間公司, 新公司真係怕有點不適應.

蔡潤記 -- 大埔好食的粉麵

自從山窿魚蛋結業之後, 好食的魚蛋店越來越小, 筲箕灣的安利是我喜歡之一, 但食品質數近年下降. 因為要入大埔入貨的關係, 發現了蔡潤記.

大埔有2間叫蔡潤記, 一間有叫新蔡潤記而另一間叫蔡潤記, 我無食過 “新”蔡潤記, 但大家都說“蔡潤記” 比“新蔡潤記”好食得多.

是次點了魚片河, 絕對有水準, 魚肉彈牙, 也有魚味.

老公點了牛腩河, 肉很淋, 但比不上坑腩. 但牛肉味欠奉.

最後點了牛肚顏色不錯, 新鮮之貨, 每片都有滷水汁, 好吃!!

店內人很多, 通常都要等位, 這兒是自己找位的, 只要站在後面慢慢等便可. 上菜是很慢的, 不用催, 慢慢等便可.

地址: 大埔東昌街7號地下